________________
गाहा १६
[१६] परमनगयं मुणिता जोइंद महिंदझाणमरहंता । धम्मकहं अरहंता अरहंता हुं तु मे सरणं ।। [१७] सव्वजियाणमहिंसं अरहंता सच्चवयणमरहंता । बंभव्वयमरहंता अरहंता हुंतु मे सरणं ।। [१८] ओसरणमवसरित्ता चतीसं अइस निसेवित्ता । धम्मकहं च कहंता अरहंता हुतु मे सरणं ।। गाइ गिरानेगे संदेहे देहिणं समं छित्ता । तिहुयणमनुसासंता अरहंता हुतु मे सरणं ।। वयणामण भुवनं निव्वाविंता गुणेसु ठावंता । जिअलोअमुद्धरंता अरहंता हुंतु मे सरणं ।। [२१] अच्चब्भुय गुणवंते नियजसससहर-पसाहियदियंते । निययमनाइअनंते पडिवन्नो सरणमरिहंते ॥ [२२] उज्झिअ जरमरणाणं समत्तदुक्खत्तसत्तसरणाणं । तिहुअणजनसुहयाणं अरहंताणं नमो ताणं ।। [२३] अरहंतसरणमलसुद्धि लद्धसुविसुद्ध सिद्धबहुमानो । पणयसिररइयकरकमल सेहरो सहरिसं भणइ ।। [२४] कम्मट्ठक्खयसिद्धा साहाविअ नाणदंसणसमिद्धा । सव्वट्ठलद्धिसिद्धा ते सिद्धा हुंतु मे सरणं ।। [२५] तिअलोयमत्थयत्था परमपयत्था अचिंतसामत्था | मंगलसिद्धपयत्था सिद्धा सरणं सुहपसत्था ।। [२६] मूलक्खय पडिवक्खा अमूढलक्खा सजोगिपच्चक्खा । साहावियत्तसुक्खा सिद्धासरणं परममुक्खा ।। [२७] पडिपिल्लियपडिनीया समग्गझाणग्गिदड्ढभवबीया । जोईसरसरणीया सिद्धा सरणं समरणीया ।। [२८] पावियपरमानंदा गुणनीस्संदा विदिण्ण भवदा । लहुईकर वि चंदा सिद्धा सरणं खवियदंदा || [२९] उवलद्धपरमबंभा दुल्लहलंभा विमुक्कसंरंभा । भुवनधरधरणखंभा सिद्धा सरणं निरारंभा || [३०] सिद्धसरणेण नयबंभहेउ साहुगुण जनियअनुरागो । मेइणिमिलंतसुपसत्थ-मत्थओ तत्थिमं भणइ ।। [३१] जिअलोयबंधुणो कुगइसिंधुणो पारगा महाभागा । नाणाइएहिं सिवसुक्ख साहगा साहुणो सरणं ।। [३२] केवलिणो परमोही विठलमई सुयहरा जिनमयंमि । आयरिअ-उवज्झाया ते सव्वे साहुणो सरणं ।।
[१९]
[२०]
[दीपरत्नसागर-संशोधितः]
[3]
[२४|चउसरणं]
