Page Text
________________
वरबोदिंधरा नो कलेवरा अत्थि णं तेसि उट्ठाणेतिवा कम्मेति वा बलेति वा वीरिएति वा पुरिसक्कारपरक्कमेति वा ते विज्जुपि लवंति असणिपि लवंति थणितंपि लंवति-वयं पुण एवं वदामो-ता चंदिमसूरिया णं देवा महिढिया० जाव महाणभावा वरत्थधरा वरमल्लधरा वरामभरणधारी अवोच्छित्ति-णयट्ठयाए अण्णे चयंति अण्णे उववज्जंति ।
[१९५] ता कहं ते राहुकम्मे आहितेति वदेज्जा तत्थ खलु इमाओ दो पडिवत्तीओ पन्नत्ताओ तत्थेगे एवमाहंसु-ता अत्थि णं से राहू देवे जे णं चंदं वा सूरे वा गेण्हति-एगे पुण एवमाहंसु-ता नत्थि णं से राहू देवे जे णं चंदं वा सूरं वा गेण्हति-तत्थ जेते एवमाहंसु-ता अत्थि णं से राहू देवे जे णं चंदं वा सूरं वा गेण्हति ते एवमाहंस-ता राह णं देवे चंदं वा सरे वा गेण्हमाणे बुद्धतेणं गिण्हित्ता बुद्धतेणं मयति बुद्धतेणं गिण्हित्ता मुद्धतेण मुयति मुद्धतेण गिण्हित्ता बुद्धतेणं मुयति मुद्धतेणं गिण्हित्ता मुद्धतेणं मुयति वामभुयंतेणं गिण्हित्ता वामभुयंतेणं मुयति वामभुयंतेणं गिण्हित्ता दाहिणभुयंतेणं मुयति दाहिणभुयंतेणं गिण्हित्ता वामभुयंतेणं मुयति दाहिणभुयंतेणं गिण्हित्ता दाहिणभुयंतेणं मुयति तत्थ जेते एवमाहंसु-ता नत्थि णं से राहू देवे जे णं चंदं वा सूरं वा गेण्हति ते एवमाहंसु तत्थ णं इमे पन्नरस कसिणपोग्गला० सिंघाडए जडिलए खरए खतए अंजणे खंजणे सीतले हिमसीतले केलासे अरुणाभे परिज्जए नभसूरए कविलए पिंगलए राहू, ता जया णं एते पन्नरस कसिणा पोग्गला सया चंदस्स वा सूरस्स वा लेसाणबद्धचारिणो भवंति तया णं माणुसलोयंसि माणुसा एवं वदंति-एवं खलु राहू चंदं वा सूरं वा गेण्हति ता जया णं एते पन्नरस कसिणा पोग्गला नो सया चंदस्स वा सूरस्स वा लेसाणुबद्धचारिणो भवंति नो खलु तया णं माणुसलोयम्मि मणुस्सा एवं वदंति-एवं खलु राहू चंदं वा सूरं वा गेण्हति-वयं पुण एवं वदामो ता राहू णं देवे महिड्ढिए महाजुतीए महाबले महाजसे महाणुभावे वरत्थधरे वरमल्लधरे वराभणधारी राहुस्स णं देवस्स नव नाधेज्जा पन्नत्ता तं जहा- सिंधडए जडिलए खतए खरए दद्दरे मगरे मच्छे कच्छभे कण्हसप्पे ता राहुस्स णं देवस्स विमाणा पंचवण्णा पन्नत्ता तं जहा- किण्हा नीला लोहिता हालिद्दा सुक्किला अत्थि कालए राहुविमाणे खंजणवण्णाभे पन्नत्ते अत्थि नीलए राहुविमाणे लाउयवण्णाभे पन्नत्ते अत्थि लोहिए राहुविमाणे मंजिट्ठावण्णाभे पन्नत्ते अत्थि पीतए राहुविमाणेहालिद्दवण्णाभे पन्नत्ते अत्थि सुक्किलए राहुविमाणे भासरासिवण्णाभे पन्नत्ते ता जया णं राहुदेवे आगच्छमाणे वा गच्छमाणे वा विउव्वमाणे वापरियारेमाणे वा चंदस्स वासूरस्स वा लेस्संपुरत्थिमेणं आवरित्ता पच्चत्थिमेणं वीतीवयति तया णं पुरत्थिमेणं चंदे वा सूरे वा उवदंसेति पच्चत्थिमेणं राहू जया णं राहदेवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं दाहिणेणं आवरित्ता उत्तरे वीतीवयति तया णं दाहिणेणं चंदे वा सूरे वा उवदंसेति उत्तरेणं राहू एतेणं अभिलावेणं पच्चत्थिमेणं आवरित्ता
पुरत्थिमेणं पाहुडं-२०
वीतीवयति उत्तरेणं आवरित्ता दाहिणेणं वीतीवयति जया णं राहू देवे आगच्छमाणे वा जाव परियारेमाणे वाचंदस्स वा सूरस्स वा लेसं दाहिणपुरत्थिमेणं वरित्ताउत्तरपच्चत्थिमेणं वीतीवयति तया णं दाहिणपुरत्तिमेणं चंदे वा सूरे वा उवदंसेति उत्तरपच्चत्थिमेणं राहू जया णं राहू देवे आगच्छमाणे वा जाव परियारेमाणे वा चंदस्स वा सूरस्स वा लेसं दाहिणपच्चत्थिमेणं आवरित्ता उत्तरपुरत्थिमेणं वीतीवयति तया णं दाहिणपच्चत्थिमेणं चंदे वा सूरे वा उवदंसेति उत्तरपुत्थिमेणं राहू एतेणं अभिलावेणं उत्तरपच्चत्थिमेणं आवरेत्ता दाहिणपुरत्थिमेणं वीतीवयति उत्तरपुरत्थिमेणं आवरेत्ता दाहिणपच्चत्थिमेणं दीपरत्नसागर संशोधितः]
[62]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |