Page Text
________________
नव य सता पन्नासा तारागणकोडिकोडीणं I
[१४६]ता कालोयं णं ससुद्दं पुक्खरवरे नामं दीवे वट्टे वलयागारसंठाणसंठिते सव्वतो समंता संपरिक्खित्ताणं चिट्ठेति पुक्खरवरे णं दीवे किं समचक्कवालसंठिते विसमचक्कवालसंठिता समचक्कवालसंठिते नो विसमचक्कवालसंठिते ता पुक्खरवरे णं दीवे केवतियं चक्कवालविक्खंभेणं केवतियं परिक्खेवेणं ता सोलस जोयणसयसहस्साइं चक्कवालविक्खंभेणं एगा जोयणकोडी बाणउतिं च सतसहस्साइं अउणाणउतिं च सहस्साइं अट्ठचउणउते जोयणसते परिक्खेवेणं आहितेति वदेज्जा ता पुक्खरवरे णं दीवे केवतिया चंदा पभासेंसु वा पुच्छा तहेव ता चोतालं चंदसतं पभासेंसु वा पभासेंति वा पभासिस्संति वा चोतालं सूरियाणं सतं तवइंसु वा तवइंति वा तवइस्संति वाचत्तारि सहस्साइं बत्तीसं च नक्खत्ता जोयं जोएंसु वा जोएंति वा जोइस्संति वा बारस सहस्साइं छच्च बावत्तरा महग्गहसया चारं चरिंसु वा चरेंति वा चरिस्संति वा छण्णउतिं सयसहस्साइं चोयालीसं सहस्साइं चत्तारि य साइं तारागणकोडिकोडीणं सोभं सोभिंसु वा सोर्भेति वा सोभिस्संति वा ।
[१४७] कोडी बाणउती खलु अउणाणउतिं भवे सहस्साइं । अट्ठसता चउणउता य परिरओ पोक्खरवरस्स [१४८] चोतालं चंदसतं चोतालं चेव सूरियाण सतं पोक्करवरदीवम्मि चरंति एते पभासंता [१४९] चत्तारि सहस्साइं बत्तीसं चेव हुंति क्खता । छच्च सता बावत्तर महग्गहा बारह सहस्सा ।
I
[१५०] छण्णउति सयसहस्सा चोत्तालीसं खलु भवे सहस्साई
I
चत्तारि य सता खलु तारागणकोडिकोडणं
I
[१५१]ता पुक्खरवरस्स णं दीवस्स बहुमज्झदेसभा माणुसुत्तरे नामं पव्वते पन्नत्ते-वट्टे वलयागारसंठाणसंठिते जे णं पुक्खरवरं दीवं दुधा विभयमाणे- विभयमाणे चिट्ठति तं जहा- अब्भिंतरपुक्खरद्धं च बाहिरपुक्खरद्धं च ता अब्भिंतरपुक्खरद्धे णं किं समचक्कवालसंठिते विसमचक्कवालसंठिते ता समचक्कवालसंठिते नो विसमचक्कवालसंठिते ता अब्भिंतरपुक्खरद्धे णं केवतियं चक्कवालविक्खंभेणं पाहुडं-१९
केवतियं परिक्खेवेणं आहितेति वदेज्जा ता अट्ठ जोयणसयसहस्साइं चक्कवालविक्खंभेणं एक्का जोयणकोडी बायालीसं च सयसहस्साइं तीसं च सहस्साइं दो अउणापन्ने जोयणसते परिक्खेवेणं आहितेति वदेज्जा ता अब्भिंतरपुक्खरद्धे णं केवतिया चंदा पभासेंसु वा पभासेंति वा पभासिस्संति वा केवतिया सूरा तविंसु वा पुच्छा ता बावत्तरिं चंदा पभासिंसु वा पभासेंति वा पभासिस्संति वा बावत्तरिं सूरिया तवइंसु वा तवइंति वा तवइस्संति वा दोण्णि सोला नक्खत्तसहस्सा जोयं जोएंसु वा जोएंति वा जोइस्संति वा छ महग्गहसहस्सा तिण्णि य सया छत्तीसा चारं चरेसुं वा चरेंति वा चरिस्संति वा अडतालीससतसहस्सा बावीसं च सहस्सा दोण्णि य सता तारागणकोडीकोडीणं सोभं सोभिंसु वा सोर्भेति वा सोभिस्संवि समयक्खेत्ते णं केवतियं आयाम विक्खंभेणं केवतियं परिक्खेवेणं आहितेति वदेज्जा ता पणतालीसं जोयणसयसहस्साइं आयाम - विक्खंभेणं एगा जोयणकोडी बायालीसं च सतसहस्साइं तीसं च सहस्साइंदोण्णि यअउणापन्ने जोयणसते परिक्खेवेणं आहितेति वदेज्जा ता समयक्खेत्ते णं केवतिया चंदा [दीपरत्नसागर संशोधितः]
[57]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |