Page Text
________________
[१०७]ता कहं ते चंदमासो वड्डोवड्ढी० ता अट्ठ पंचासीते मुहुत्तसते तीसं च बावट्ठिभागे मुहुत्तस्स ता दोसिणापक्खाओ अंधकारपक्खमयमाणे चंदे चत्तारि बातालसते छत्तालीसं च बावट्ठिभागे मुहुत्तस्स जाई चंदे रज्जति तं जहा- पढमाए पढमं भागं बितियाए बितियं भागं जाव पन्नरसीए पन्नरसमं भागं चरिमसमए चंदे रत्ते भवति अवसेसे समए चंदे रत्ते य विरत्ते य भवति इयण्णंअमावासाएत्थ णंपढमे पव्वे अमावासा ता अंधकारपक्खो तो णं दोसिणापक्खं अयमाणे चंदे चत्तारे बाताले मुहुतेत्तस छतालीसं च बावट्ठिभागा मुहुत्तस्स जाई चंदे विरज्जति पढमाए पढमं भागं बितियाए बितियं भागं जाव पन्नरसीए पन्नरसमं भागं चरिमे समए चंदे विरत्ते भवति अवसेसमए चंदे रत्ते य विरते य भवति इयण्णं पुन्निमासिणी एत्थ णं दोच्चे पव्वे पुन्निमासिणी ।
[१०८]तत्थ खलु इमाओ बावट्ठि पुन्निमासिणीओ बावट्ठि अमावासाओ पन्नत्ताओ बावट्ठि एते कसिणा रागा बावट्ठि एते कसिणा विरागा एते चउव्वीसे पव्वसते एते चउव्वीसे कसिणरागविरागसते जावतिया णं पंचण्हं संवच्छराणं समया एगेणं चउव्वीसेणं समयसतेणूणका एवतिया परित्ता असंखेज्जा देसरागविरागसता भवंतीति मक्खाता, ता अमावासाओ णं पुन्निमासिणी चत्तारि बाताले मुहुत्तस छत्तलीसं च बावट्ठिभागे मुहुत्तस्स आहितेति वदेज्जा ता पुन्निमासिणीओ अमावासा चत्तारि बाता मुहुत्तसते छत्तालीसं च बावट्ठिभागे मुहुत्तस्स आहितेति वदेज्जा ता अमावासाओ णं अमावासा अट्ठपंचासीते मुहुत्तपाहुडं - १३
सते तीसं च बावद्विभागे मुहुत्तस्स आहितेति वदेज्जा ता पुन्निमासिणीओ णं पुन्निमासिणी अट्ठपंचासीते मुहुत्तसते तीसं च बावद्विभागे मुहुत्तस्स आहितेति वदेज्जा एस णं एवतिए चंदे मासे एस णं एवति
जुगे ।
[१०९]ता चंदेणं अद्धमासेणं चंदे कति मंडलाई चरति ताचोद्दस चउब्भागमंडलाई चरति गं च चउव्वीससयभागं मंडलस्स ता आदिच्चेणं अद्धमासेणं चंदे कति मंडलाई चरति ता सोलस मंडलाइं चरति सोलसमंडलचारी तदा अवराइं खलु दुवे अट्ठाई जाई चंदे केणइ असामण्णकाई सयमेव पविट्ठित्तापविट्ठित्ता चारं चरति कतराइं खलु ताइं दुवे अट्ठाई जाई चंदे केणइ असामण्णकाई सयमेव पविट्ठित्तापविट्ठित्ता चारं चरति ता इमाई खलु ते बे अट्ठाई जाई चंदे केणइ असामण्मकाई सयमेव पविट्ठित्तापविट्ठित्ता चारं चरति तं जहा - निक्खममाणे चेव अमावासंतेणं पविसमाणे चेव पुन्निमासिंतेणं एताइं खलु दुवे अट्ठाई जाई चंदे केणइ असामण्णकाई सयमेव पविट्ठित्ता - पविट्ठित्ता चारं चरति ता पढमायणगते चंदे दाहिणाते भागाते पविसमाणे सत्त अद्धमंडलाई जाई चंदे दाहिणाते भागाते पविसमाणे चारं चरति ता पढमायणगते चंदे दाहिणाते भागाते पविसमाणे सत्त अद्धमंडलाई जाई चंदे दाहिणाते भागाते पविसमाणे चारं चरति कतराइं खलु ताइं सत्त अद्धमंडलाई जाई चंदे दाहिणते भागाते पविसमाणे चारं चरति इमाइं खलु ताइं सत्त अद्धमंडलाई जाई चंदे दाहिणाते भागाते पविसमाणे चारं चरति तं जहा- बितिए अद्धमंडले चउत्थे अद्धमंडले छट्टे अद्धमंडले अट्ठमे अद्धमंडले दसमे अद्धमंडले बारसमे अद्धमंडले चउदसमे अद्धमंडले एताइं खलु ताइं सत्त अद्धमंडलाई जाई चंदे दाहिणाते भागाते पविसमाणे चारं चरति ता पढमायणगते चंदे उत्तराते भागाते पविसमाणे छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति कतराइं खलु ताइं छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति इमाई खलु ताई छ अद्धमंडलाई तेरस य सत्तट्ठिभागाइं [दीपरत्नसागर संशोधितः ]
[47]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |