Page Text
________________
उत्तराफग्गुणी हत्थो चित्ता सातियादिया णं सत्त नक्खत्ता उत्तरादारिया पन्नत्ता तं जहा- साती विसाहा अनुराहा जेट्ठा मूले पुव्वासाढा उत्तरासाढा । पाहुडं-१०, पाहुडपाहुडं-२१
० दसमे पाहुड़े एक्कवीसइमं पाहुइपाहुई समन्तं .
। बावीसइमं पाहुडपाहुडं । [८७] ता कहं ते नक्खत्तविजए आहितेति वदेज्जा ता अयण्णं जंबुद्दीवे दीवे सव्वदीवसमुद्दाणं सव्वब्भंतराए जाव परिक्खेवेणं ता जंबुद्दीवे णं दीवे दो चंदा पभासेंसु वा पभासेंति वा पभासिस्संति वा दो सूरिया तविंस वा तवेंति वा तविस्संति वा छप्पन्नं नक्खत्ता जोयं जोएंसु वा जोएंति वा जोइस्संति वा तं जहा- दो अभीई दो सवणा दो धणिट्ठा दो सतभिसया दो पुव्वापोट्ठवया दो उत्तरापोट्ठवया दो रेवती दो अस्सिणी दो भरणी दो कत्तिया दो रोहिणी दो संठाणा दो अद्दा दो पुनव्वसू दो पुस्सा दो अस्सेसाओ दो महा दो पुव्वाफग्गुणी दो उत्तराफग्गुणी दो हत्था दो चित्ता दो साती दो विसाहा दो अनुराधा दो जेट्ठा दो मूला दो पुव्वासाढा दो उत्तरासाढा ता एतेसि णं छप्पण्णाए नक्खत्ताणंअत्थि नक्खत्ता जे णं नव महत्ते सत्तावीसं च सत्तट्ठिभागे महत्तस्स चंदेण सद्धिं जोयं जोएंति अत्थि नक्खत्ता जे णं पन्नरस मुहुत्ते चंदेणं सदिं जोयं जोएंति अत्थि नक्खत्ता जे णं तीसं मुहुत्ते चंदेणं सद्धिं जोयं जोएंति अत्थि नक्खत्ता जे णं पणयालीसं महत्ते चंदेणं सद्धिं जोयं जोएंति ता एतेसि णं छप्पण्णाए नक्खत्ताणं कयरे नक्खत्ताओ जे णं नव मुहुत्ते सत्तावीसंच सत्तट्ठिभागे मुहुत्तस्स चंदेण सद्धिंजोयं जोएंति कयरे नक्खत्ताजे णं पन्नरस मुहुत्ते चंदेणं सद्धिं जोयं जोएंति कयरे नक्खत्ता जे णं तीसं मुहुत्तेचंदेणं सद्धिं जोयं जोएंति कयरे नक्खत्ता जे णं पणयालीसं मुहत्ते चंदेणं सद्धिं जोयं जोएंति ता एतेसि णं छप्पण्णाए नक्खत्ताणं तत्थ जेते नक्खत्ताजे णं नव महत्ते सत्तावीसं च सत्ता महत्तस्स चंदेणं सद्धिं जोयं जोएंति ते णं दो अभीई तत्थ जेते नक्खत्ता जे णं पन्नरस महत्त चंदेण सद्धिं जोयं जोएंति ते णं बारस तं जहा- दो सतभिसया दो भरणी दो अद्दा दो अस्सेसा दो साती दो जेट्ठा तत्थ जेते नक्खत्ता जे णं तीसं मुहत्ते चंदेणं सद्धिं जोयं जोएंति तेणंतीसं तं जहा- दो सवणा दो धणिट्ठा दो पुव्वाभद्दवया दो रेवती दो अस्सिणी दो कत्तिया दो संठाणा दो पुस्सा दो महा दो पुव्वाफग्गुणी दो हत्था दो चित्ता दो अनराहा दो मला दो पव्वासाढा तत्थ जेते नक्खत्ता जे णं पणयालीसं महत्ते चंदेणं सद्धिं जोयं जोएंति ते णं बारस तं जहा- दो उत्तरापोढवया दो रोहिणी दो पुनव्वसू दो उत्तराफग्गुणी दो विसाहा दो उत्तरासाढा ता एतेसि णं छप्पण्णाए नक्खत्ताणं-अत्थि नक्खत्ता जे णं चत्तारि अहोरत्ते छच्च मुत्ते सूरिएणं सद्धिं जोयं जोएंति अत्थि नक्खत्ता जे णं छ अहोरत्ते एक्कवीसं च मुहुत्ते सूरेण सद्धिं जोयं जोएंति अत्थि नक्खत्ता जे णं तेरस अहोरत्ते बारस मुहुत्ते सूरेणं सद्धिं जोयं जोएंति अत्थि नक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति ता एतेसि णं छप्पण्णाए नक्खत्ताणं कयरे नक्खत्ता जे णं तं चेव उच्चारेयव्वं ता एतेसि णं छप्पण्णाए नक्खत्ताणं तत्थ जेते नक्खत्ता जे णं चत्तारि अहोरत्ते छ
रण सद्धिं जोयं जोएंति ते णं दो अभीई तत्थ जेते नक्खत्ता जे णं छ अहोरत्ते एक्कवीसं च मुहुत्ते सूरेण सद्धिं जोयं जोएंति ते णं बारस तं जहा- दो सतभिसया दो भरणी दो अद्दा दो अस्सेसा दो साती दो जेट्ठा तत्थ जेते नक्खत्ता जे णं तेरस अहोरत्ते बारस समुहुत्ते सूरेण सद्धिं जोयं जोएंति ते णं तीसं तं जहा- दो सवणा जाव दो पुव्वासाढा तत्थ जेते
दीपरत्नसागर संशोधितः]
[37] -
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |