________________
[७३] अभिनंदे सुपइट्ठे य विजए पीतिवद्ध | सेज्जसे य सिवे यावि सिसिरे य स हेमवं । [७४] नवमे वसंतमासे दसमे कुसुमसंभवे
I
एकादसमे निदाहे वणविरोही य बारसे । • दसमे पाहुडे एगूणवीसइमं पाहुडपाहुडं समत्तं • [] वीसइमं पाहुडपाहुडं [
[ ७५ ] ता कति णं संवच्छरा आहिताति वदेज्जा ता पंच संवच्छरा आहिताति वदेज्जा तं जहा- नक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे ।
[७६] ता नक्खत्तसंवच्छरे णं दुवालसविहे पन्नत्ते तं जहा- सावणे भद्दवए जाव आसाढे जं वा बहस्सतीमहग्गहे दुवालसहिं संवच्छरेहिंसव्वं नक्खत्त-मंडलं समाणेति ।
[७७] ता जुगसंवच्छरे णं पंचविहे पन्नत्ते तं जहा - चंदे चंदे अभिवड्ढिए चंदे अभिवड्ढिए चेव ता पढमस्स णं चंदसंवच्छरस्स चउव्वीसं पव्व पन्नत्ता दोच्चस्स णं चंदसंवच्छरस्स चउव्वीसं पव्वा पन्नत्ता तच्चस्स णं अभिवढियसंच्छरस्स छव्वीसं पव्वा पन्नत्ता चउत्थस्स णं चंदसंवच्छरस्स चउव्वीसं पव्वा पन्नत्ता पंचमस्स णं अभिवड्ढिय संवच्छरस्स छव्वीसं पव्वा पन्नत्ता एवामेव सपुव्वावरेणं पंचसंवच्छरिए जुगे एगे चउवीसे पव्वसते भवतीति मक्खयं ।
[७८] ता पमाणसंवच्छरे णं पंचविहे नक्खत्ते चंद उडू आइच्चे अभिवड्ढिते ।
[७९] ता लक्खणसंवच्छरे णं पंचविहे पन्नत्ते तं जहा - नक्खत्ते चंदे उडू आइच्चे अभिवड्ढिते ता नक्खत्तसंवच्छरे पंचविहे पन्नत्ते [तं जहा] ।
[८०] समगं नक्खत्ता जोयं जोएंति समगं उडू परिणमंति
I
नच्चुण्हं नातिसीते बहूदओ होति नक्खत्ते I [१] ससि समग पुन्निमासिं जोएंति विसमचारिणक्खत्ता । कडुओ बहूओ य तमाहुं संवच्छरं चंदं I [८२] विसमं पवालिणो परिणमंति अनुऊसु दिंति पुप्फफलं ।
वासं न सम्म वासति तमाहुं संवच्छरं कम्मं । [८३] पुढविदगाणं चर रसं पुप्फफलाणं च देइ आइचे
अप्पेणवि वासेणं सम्मं निप्फज्जए सस्सं I [८४] आइच्चतेयतविया खणलवदिवसा उडू परिणमति । पूरेति निण्णथलए तमाहु अभिवड्ढिय जाण I [८५] ता सणिच्छरसंवच्छरे णं अट्ठावीसइविहे पन्नत्ते तं जहा- अभीई सवणे जाव उत्तरासाढा जं वा सणिच्छरे महग्गहे तीसाए संवच्छरेहिं सव्वं नक्खत्तमंडलं समाणेइ ।
• दसमे पाहुडे वीसइमं पाहुडपाहुडं समत्तं •
[] एक्कवीसइमं पाहुडपाहुडं []
[८६] ता कहं ते जोतिसस्स दारा आहिताति वदेज्जा तत्थ खलु इमाओ पंच पडिवत्तीओ
[दीपरत्नसागर संशोधितः ]
[35]
[१६-सूरपन्नत्ति]
