Page Text
________________
मूलो विसाहा चोद्दस अहोरत्ते नेति अनुराहा सत्तअहोरत्ते नेति जेट्ठा अट्ठ अहोरत्ते नेति मूलो एगं अहोरत्तं नेति तंसि च णं मासंसि चउरंगुलपोरिसीए छायाए सूरिए अनुपरियट्टइ तस्स णं मासस्स चरिमे दिवसे दो पदाणि चत्तारि अंगुलाई पोरिसी भवति, तागिम्हाणं चउत्थं मासं तिण्णि नक्खत्ता ऐतितं जहामूलो पुव्वासाढा उत्तरासाढा मूलो चोद्दस अहोरत्ते नेति पुव्वासाढा पन्नरस अहोरत्ते नेति उत्तरासाढा एगं अहोरत्तं नेति तंसि च णं मासंसि वट्टाए समचउरंससंठिताए नग्गोहपरिमंडलाए सकायमणुरंगिणीए छायाए सूरिए अनुपरियट्टति तस्स णं मासस्स चरिमे दिवसे लेहट्ठाइं दो पदाइं पोरिसी भवति ।
• दसमे पाहुडे दसमं पाहुडपाहुडं समत्तं .
[] एक्कारसमं पाहुडपाहुडं । [१४] ता कहं ते चंदमग्गा आहितेत वदेज्जा ता एतेसि णं अट्ठावीसाए नक्खत्ताणं अत्थि नक्खत्ता जे णं सया चंदस्स दाहिणेणं जोयं जोएंति अत्थि नक्खत्ता जे णं सया चंदस्स उत्तरेणं जोयं जोएंति अत्थि नक्खत्ता जे णं चंदस्स दाहिणेणवि उत्तरेणवि पमइंपि जोयं जोएंति अत्थि नक्खत्ता जे णं चंदस्स दाहिणेणवि पमपि जोय जोएंति अत्थि नक्खत्ते जे णं सया चंदस्स पमदं जोयं जोएति ता एतेसि णं अट्ठावीसाए नक्खत्ताणं कयरे नक्खत्ता जे णं सया चंदस्स दाहिणेणं जोयं जोएंति तहेव जाव कयरे नक्खत्ते जे णं सया चंदस्स पमदं जोयं जोएति ताएतेसि णं अट्ठावीसाए नक्खत्ताणं जे णं नक्खत्ता सया चंदस्स दाहिणेणं जोयं जोएंति ते णं छ तं जहा- संठाणा अद्दा पुस्सो अस्सेसा हत्थो मूलो तत्थ जेते नक्खत् जे णं सया चंदस्स उत्तरेणं जोयं जोएंति ते णं बारस तं जहा- अभिई सवणो धणिटठा सतभिसया पुव्वाभद्दवया उत्तरापोढवया रेवती अस्सिणी भरणीपुव्वाफग्गुणी उत्तराफग्गुणी साती तत्थ जेते नक्खत्ता जे णं चंदस्स दाहिणेणविउत्तरेणवि पमपि जोयं जोएंति ते णं सत्त तं जहा- कत्तिया रोहिणी पुणव्वसू महा चित्ता विसाहा अनुराहा तत्थ जेते नक्खत्ता जे णं चंदस्स दाहिणेणवि पमपि जोयं जोएंति ताओ णं दो आसाढाओ सव्वबाहिरे मंडले जोयं जोएंसु वा जोएंति वा जोएस्संति वा तत्थ जेसे नक्खत्ते जे णं सया चंदस्सपमई जोयं जोएति सा णं एगा जेट्ठा ।
[५] ता कति ते चंदमंडला पन्नत्ता ता पन्नरस चंदमंडला पन्नत्ता ता एतेसि णं पन्नरसण्हं चंदमंडलाणं अत्थि चंदमंडलाणं अत्थि चंदमंडला जे णं सया नक्खत्तेहिं अविरहिया अत्थि चंदमंडला जे णं सया नक्खत्तेहिंविरहिया अत्थि चंदमंडला जे णं रविससिनक्खत्ताणं सामण्णा भवंति अत्थि चंदमंडला जे णं सया आदिच्चेहिं विरहिया ता एतेसि णं पन्नरसण्हं चंदमंडलाणं कयरे चंदमंडला जे णं सया नक्खत्तेहिं अविरहिया जाव कयरे चंदमंडला जे णं सया आदिच्चेहिं विरहिया ता एतेसि णं पन्नरसण्हं चंदमंडलाणं तत्थ जेते चंदमंडला जे णं सया नक्खत्तेहिं अविरहिया ते णं अट्ठ तं जहा- पढमे चंदमंडले ततिए चंदमंडले छटे चंदमंडले सत्तमे चंदमंडले अट्ठमे चंदमंडले दसमे चंदमंडले एक्कारसमे चंदमंडले पन्नरसमे चंदमंडले तत्थ जेते चंदमंडला जे णं सया नक्खत्तेहिं विरहिया ते णं सत्त तं जहा
वितिए पाहुडं-१०, पाहुडपाहुडं-११
चंदमंडले पंचमे चंदमंडले नवमे चंदमंडले बारसमे चंदमंडले तेरसमे चंदमंडले चउद्दसमे चंदमंडले तत्थ जेते चंदमंडला जे णं रविससिनक्खत्ताणं सामण्णा भवंति ते णं चत्तारि तं जहा- पढमे चंदमंडले बीए चंदमंडले इक्कारसमे चंदमंडले पन्नरसमे चंदमंडले तत्थ जेते चंदमंडला जे णं सया
दीपरत्नसागर संशोधितः]
[31]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |