Page Text
________________
जहण्णद्वितीयाणं भंते परमाणुपोग्गलाणं पुच्छा गोयमा अनंता से केणटेणं गोयमा जहण्णहितीए परमाणुपोग्गले जहण्णद्वितीयस्स परमाणुपोग्गलस्स दव्वट्ठयाएतुल्ले पदेसट्टयाएतुल्ले ओगाहणट्ठयाएतुल्ले ठितीएतुल्ले वण्णादि-दुफासेहि य छठ्ठाणवडिते, एवं उक्कोसद्वितीए वि अजहण्णमणुक्कोसद्वितीए वि एवं चेव नवरं-ठितीए चउट्ठाणवडिते जहण्णद्वितीयाणं दुपएसियाणं पुच्छा गोयमा अनंता से केणटेणं गोयमा जहण्णद्वितीए दुपएसिए जहण्णद्वितीयस्स दुपएसियस्स दव्वट्ठयाए तुल्ले पदेसट्ठयाए तुल्ले ओगाहणट्ठयाए सियहीणे सियतुल्ले सियअब्भहिए-जदि हीणे पदेसहीणे अह अब्भहिए पदेसमब्भहिए ठितीएतुल्ले वण्णादिचउफासेहि य छट्ठाणवडिते एवं उक्कोसहितीए वि अजहण्णमणक्कोसद्वितीए वि एवं चेव नवरं-ठितीए चउहाणवडिते एवं जाव दसपदेसिए नवरं-पदेसपरिवडढी कातव्वा ओगाहणट्ठयाए तिसु वि गमएसु जाव दसपएसिए नव पएसा वढिज्जंति जहण्णद्वितीयाणं भंते संखेज्जपदेसियाणं पुच्छा गोयमा अनंता से केणद्वेणं गोयमा जहण्णद्वितीए संखेज्जपदेसिए खंधे जहण्णद्वितीयस्स संखेज्जपएसियस्स खंधस्स दव्वट्ठयाएतुल्ले पदेसट्ठयाएदुट्ठाण-वड़िते ओगाहणट्ठयाए ट्ठाणवडिते ठितीएतुल्ले वण्णादि-उवरिल्लचउफासेहि य छट्ठाणवडिते एवं उक्कोपय-५
सद्वितीए वि अजहण्णमणुक्कोसद्वितीए वि एवं चेव नवरं-ठितीए चउट्ठाणवडिते जहण्णद्वितीयाणं असंखेज्जपएसियाणं पच्छा गोयमा अनंता से केणढणं गोयमा जहण्णद्वितीए असंखेज्जपएसिए जहण्णद्वितीयस्स असंखेज्जपदेसियस्स दव्वट्ठयाएतुल्ले पदेसट्ठयाए-चउट्ठाणवडिते ओगाहणट्ठयाए चउट्ठाणवडिते ठितीए तुल्ले वण्णादि-उवरिल्लचउफासेहि य छट्ठाणवडिते, एवं उक्कोसडिइए वि अजहण्णमणुक्कोसद्वितीए वि एवं चेव नवरं-ठितीए चउट्ठाणवडिते जहण्णद्वितीयाणं अनंतपदेसियाणं पुच्छा गोयमा अनंता से केणद्वेणं गोयमा जहण्णद्वितीए अनंतपएसिए जहण्णद्वितीयस्स अनंतपएसियस्स दव्वट्ठयाए तुल्ले पदेसट्ठयाए छट्ठाणवडिते ओगाहणट्ठयाए चउट्ठाणवडिते ठितीए तुल्ले वण्णादि-अट्ठफासेहि य छठाणवडिते एवं उक्कोसद्वितीए वि अजहण्णमणुक्कोसद्वितीए वि एवं चेव नवरं-ठितीए चउट्ठाणवडिते जहण्णगुणकालयाणं परमाणुपोग्गलाणं पुच्छा गोयमा अनंता से केणटेणं गोयमा जहण्णगुणकालए परमाणुपोग्गले जहण्णगुणकालगस्स परमाणुपोग्गलस्स दव्वट्ठयाएतुल्ले पदेसट्टयाएतुल्ले ओगाहणट्ठयाएतुल्ले ठितीएचउट्ठाणवडिते कालवण्णपजज्वेहिं तुल्ले अवसेसा वण्णा नत्थि गंध-रसदुफासपज्जवेहिय छट्ठाणवडिते एवं उक्कोसगुणकालए वि एव-मजहण्णमणुक्कोसगुणकाले वि नवरं-सट्ठाणे छट्ठाणवडिते ।
___ जहण्णगुणकालयाणं भंते दुपएसियाणं पुच्छा गोयमा अनंता से केणटेणं गोयमा जहण्णगुणकालए दुपएसिए जहण्णगुणकालगस्स दुपएसियस्स दव्वट्ठयाएतुल्ले पएसट्टयाएतुल्ले ओगाह-णट्टयाए सियहीणे सियतुल्ले सियअब्भहिए-जदि हीणे पदेसहीणे अह अब्भहिए पएसमब्भहिए ठितीए चउट्ठाणवडिते कालवण्मपज्जवेहिं तुल्ले अवसेसवण्णादि-उवरिल्लचउफासेहि य छट्ठाणवडिते एवं उक्कोसणगुणकालए वि अजहण्ण-मणुक्कोसगुणकालए वि एवचेवं नवरं-सट्ठाणे छठ्ठाणवडिते एवं जाव दसपएसिए नवरं-दस पएसपरिवुड्ढी ओगाहणा तहेव जहण्णगुणकालयाणं भंते संखेज्जपएसियाणं पुच्छा गोयमा अनंता से केणटेणं गोयमा जहण्णगुणकालए संखेज्जपएसिए जहण्णगुणकालगस्स संखेज्जप-एसियस्स दव्वट्ठयाए तुल्ले पएसट्टयाए दुट्ठाणवड़िते ओगाहणट्ठयाए दुट्ठाणवडिते ठितीए चउट्ठाण-वडिते कालवण्णपज्जवेहिं तुल्ले अवसेसेहिं वण्णादिउवरिल्लचउफासेहिं य छट्ठाणवडिते जहण्णगुण-कालयाणं भंते असंखेज्जपएसियाणं पुच्छा [दीपरत्नसागर संशोधितः]
[77]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |