Page Text
________________
अट्ठफासा भाणितव्वा, जहण्णाभिणिबोहियनाणीणं भंते मणुस्साणं केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चति० गोयमा जहण्णाभिणि-बोहियनाणी मणुस्से जहण्णाभिणिबोहियनाणिस्स मणुस्सस्स दव्वट्ठयाएतुल्ले पदेसट्ठयाएतुल्ले ओगाहणट्ठयाएचउट्ठाणवडिते ठितीएचउट्ठाणवडिते वण्ण-गंध-रस-फासपज्जवेहिं छट्ठाणवडिते आभिणि-बोहियनाणपज्जवेहिं तुल्ले सुतणाणपज्जवेहिं तुल्ले दोहिंदंसणेहिं छट्ठाणवडिते, एवं उक्कोसाभिणि-बोहियानाणी वि नवरंआभिणिबोहियनाणपज्जवेहिं तुल्ले ठितीए तिहाणवडिते तिहिंनाणेहिं तिहिंदंसणेहिं छट्ठाणवडिते अजहण्णमणुक्कोसाभणिबोहियनाणी जहा- उक्कोसाभिणिबोहियनाणी नवरं-ठितीए चउट्ठाणवडिते सट्ठाणे छट्ठाणवडिते, एवं सुयनाणी वि, जहण्णोहिनाणीणं भंते मणुस्साणं केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चति० गोयमा जहण्णोहिनाणी मणुस्से जहण्णोहिनाणिस्स मणुस्सस्स दव्वट्ठयाएतुलले पएसट्टयाएतुल्ले ओगाहणट्ठयाएतिहाणवडिते ठिईएतिहाणवडिते वण्ण-गंध-रसफासपज्जवेहिं दोहिंनाणेहिं छट्ठाणवडिए ओहिनाणपज्जवेहिं तुल्ले मणपज्जवनाणपज्जवेहिंछट्ठाणवडिए तिहिंदसणेहि-छट्ठाणवडिए, एवं उक्कोसोहिनाणी वि अजहण्ण-मणुक्कोसोहिनाणी वि एवं चेव नवरंओगाहणद्वयाए
चउट्ठाणवडिते
सहाणे छट्ठाणवडिए,
जहापय-५
ओहिनाणी तहा मणपज्जवनाणी वि भाणितव्वे नवरं-ओगाहणट्ठयाए तिट्ठावणडिए जहाआभिणिबोहियनाणी तहा मतिअन्नाणी सुतअन्नाणी य भाणितव्वे, जहा- ओहिनाणी तहा विभंगनाणी वि भाणियव्वे, चक्खुदंसणी अचक्खुदंसणी य जहा- आभिणिबोहियनाणी ओहिदंसणी जहा-ओहिनाणी जत्थनाणा तत्थ अण्णाणा नत्थि जत्थ अण्णाणा तत्थ नाणा नत्थि जत्थ दंसणा तत्त नाणा वि अन्नाणा वि, केवलनाणीणं भंते मणुस्साणं केवतिया पज्जव पन्नत्ता गोयमा अनंता पज्जवा पन्नत्ता से केणद्वेणं भंते एवं वुच्चइ-० गोयमा केवलनाणी मणुस्से केवलनाणिस्स मणुस्सस्स दव्वट्ठयाए तुल्ले पदेसट्ठयाएतुलले ओगाहणट्ठयाएचउट्ठाणवडिते ठितीएतिट्ठाणवडिते वण्ण-गंध-रस-फासपज्ज-वेहिंछट्ठाणवडिते केवलनाणपज्जवेहिं केवलदंसणपज्जवेहि य तुल्ले एवं केवलदंसणी वि मणुस्से भाणियव्वे |
[३२२] वाणमंतरा जहा- असुरकुमारा एवं जोइसिया वेमाणिया नवरं-सट्ठाणे ठितीए तिट्टाणवडिते भाणितव्वे से त्तं जीवपज्जवा ।
[३२२] अजीवपज्जवा णं भंते कतिविहा पन्नत्ता गोयमा दुविहा प०-रुविअ-जीवपज्जवा य अरुविअजीवपज्जवा य अरूविअजीवपज्जवणा णं भंते कतिविहा प० गोयमा दसविहा प० धम्मत्थिकए धम्मत्थिकायस्सदेसे धम्मत्थिकायस्सपदेसा अधम्मत्थिकाए अधम्मत्थिकयस्सदेसे अधम्मत्थिकायस्स पदेसा आगासत्थिकाए आगासत्थिकायस्सदेसे आगासत्थिकायस्सपदेसा अद्धासमए |
[३२३] रूविअजीवपज्जवा णं भंते कतिविहा पन्नत्ता चउव्विहा प०-खंधा खंधदेसा खंधपदेसा परमाणुपोग्गले ते णं भंते संखेज्जा असंखेज्जा अनंता गोयमा नो संखेज्जा नो असंखेज्जा अनंता से केणटेणं भंते एवं वुच्चति-० गोयमा अनंता परमाणुपोग्गला अनंता दुपदेसियाखंधा जाव अनंता दसपदेसियाखंधा अनंतासंखेज्जपदेसियाखंधा अनंताअसंखेज्जपदेसियाखंधा अनंताअनंतपदेसिया खंधा से तेणद्वेमं गोयमा एवं वुच्चति ते णं नो संखेज्जा नो असंखेज्जा अनंता ।
[३२४] परमाणुपोग्गलाणं भंते केवतिया पज्जवा पन्नत्ता गोयमा परमामुपोग्गलाणं अनंता पज्जव पन्नत्ता से केणद्वेणं भंते एवं वुच्चति-० गोयमा परमाणुपोग्गले परमाणुपोग्गलस्स दव्वट्ठयाएतुल्ले
दीपरत्नसागर संशोधितः]
[74]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |