Page Text
________________
[३०३] मणुस्साणं भंते केवतियं कालं ठिती पन्नत्ता गोयमा जहण्णेणं अंतोमुहत्तं उक्कोसेणं तिण्णिपलिओवमाइं, अपज्जत्तयमणुस्साणं पुच्छा गोयमा जहण्णेणं वि उक्कोसेणं वि अंतोमुहुत्तं पज्जत्तयमणुस्साणं पुच्छा गोयमा जहण्णेणं अंतोमुहुत्तं उक्कोसेणं तिण्णिपलिओवमाइंअंतोमुहुत्तूणाई, सम्मुच्छिममणुस्साणं पुच्छा गोयमा जहण्णेणं वि उक्कोसेणं वि अंतोमुहुत्तं गब्भवक्कंतियमणुस्साणं पुच्छा गोयमा जहण्णेणं अंतोमुहुत्तं उक्कोसेणं तिण्णिपलिओवमाई, अपज्जत्तयगब्भवक्कंतियमणुस्साणं
पुच्छा पय-४
गोयमा जहण्णेणं वि उक्कोसेण वि अंतोमुहत्तं, पज्जत्तयगब्भवक्कंतियमणुस्साणं पुच्छा गोयमा जहण्णेणं अंतोमुहुत्तं उक्कोसेणं तिण्णिपलिओवमाइं अंतोमुहुत्तूणाई ।
[३०४] वाणमंतराण भंते देवाणं केवतियं कालं ठिती पन्नत्ता गोयमा जहण्णेणं दस वाससहस्साइं उक्कोसेणं पलिओवमं, अपज्जत्तयवाणमंतराणं देवाणं पुच्छा गोयमा जहण्णेणं वि उक्कोसेण वि अंतोमुहत्तं पज्जत्तयवाणमंतराणं देवाणं पुच्छा गोयमा जहण्णेणं दसरवाससहस्साइं अंतोमुत्तूणाई उक्कोसेणं पलिओवमंअंतोमुत्तूणं, वाणमंतरीणं देवीणं कालं ठिती० जहण्णेणं दसवाससहस्सां उक्कोसेणं अद्धपलिओवमं, अपज्जत्तियाणं वाणमंतरीणंदेवीणं पुच्छा गोयमा जहण्णेण वि उक्कोसेण वि अंतोमुहत्तं, पज्जत्तियाणं वाणमंतरीणंदेवीणं पुच्छा गोयमा जहण्णेणं दसवाससहस्साइं अंतोमुहुत्तूणाई उक्कोसेणं अद्धपलिओवमंअंतोमुत्तूणं ।
[३०५] जोइसियाणं भंते देवाणं केवतियं कालं ठिती पन्नत्ता गोयमा जहण्णेणं पलिओवमट्ठभागो उक्कोसेणं पलिओवमं वाससतसहस्समब्भहियं, अपज्जत्तयजोइसियाणं पुच्छा गोयमा जहण्णेणं वि उक्कोसेण वि अंतोमुहत्तं पज्जत्तयजोइसियाणं पुच्छा गोयमा जहण्णेणं पलिओवमट्ठभागोअंतोमुहुत्तूणो उक्कोसेणं पलिओवमंवाससतसहस्समब्भहियंअंतोमुत्तूणं, जोइसिणीणं देवीणं कालंठिती० जहण्णेणं पलिओवमट्ठभागो उक्कोसेणं अद्धपलिओवमंपनन्वाससहस्समब्भहियं, अपज्जत्तियाणं जोइसिणीणं पुच्छा गोयमा जहण्णेणं वि उक्कोसेण वि अंतोमुत्तं, पज्जत्तियाणं जोइसिणीणं पुच्छा गोयमा जहण्णेणं पलिओवमट्ठभागो अंतोमुत्तूणो उक्कोसेणं अद्धपलिओवमंपन्नासाएवाससहस्सेहि-अब्भहियंअंतोमुहुत्तूणं, चंदविमाणे णं देवाणं पुच्छा गोयमा जहण्णेणं चउभागपलिओवमं उक्कोसेणं पलिओवमं वाससतसहस्समब्भहियं, चंदविमाणे णं भंते अपज्जत्तयदेवाणं पुच्छा गोयमा जहण्णेणं वि उक्कोसेण वि अंतोमुहत्तं, चंदविमाणे णं पज्जत्तयदेवाणं पुच्छा गोयमा जहण्णेणं चउभागपलिओवमं अंतोमहत्तणं उक्कोसेणं पलिओवमंवाससतसहस्समब्भहियंअंतोमहत्तणं, चंदविमाणे णं भंते देवीणं पच्छा गोयमा जहण्णेणं चउभागपलिओवमं उक्कोसेणं अद्धपलिओवमंपन्नासाएवाससहस्सेहिमब्भहियं, चंदविमाणे णं भंते अपज्जत्तियाणंदेवीणं पुच्छा गोयमा जहण्णेण वि उक्कोसेण वि अंतोमुहुत्तं, चंदविमाणे णं भंते पज्जत्तियाणंदेवीणं पुच्छा गोयमा जहण्णेणं चउभागपलिओवमं अंतोमुत्तूणं उक्कोसेणं अद्धपलिओवमंपन्ना-साएवाससहस्सेहिंअब्भहियंअंतोमुत्तूणं, सूरविमाणे णं देवाणं कालं ठिती० जहण्णेमं चउभागपलिओवमं उक्कोसेणं पलिओवमंवाससहस्समब्भहियं, सूरविमाणे अपज्जत्तयदेवाणं पुच्छा गोयमा जहण्णेणं वि उक्कोसेण वि अंतोमुहुत्तं, सूरविमे पज्जत्तयदेवाणं पुच्छा गोयमा जहण्णेमं चउभागपलिओवमं अंतोमुत्तूणं उक्कोसेणं पलिओवमंवाससहस्समब्भहियंअंतोमुहुत्तूणं, सूरविमाणं देवीणं पुच्छा गोयमा जहण्णेमं चउभागपलिओवमं [दीपरत्नसागर संशोधितः]
[63]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |