Page Text
________________
धम्मत्थिकाय-जाव पोग्गलत्थिकाय-अद्धासमयाणं दव्वट्ठ-पदेसद्वताए कतरे कतरेहिंतो अप्पा वा० गोयमा धम्मत्थिकाए अधम्मत्थिकाए आगासत्थिकाए य एते णं तिण्णि वि तुल्ला दव्वट्ठयाए सव्वत्थोवाधम्मत्थिकाए अधम्मत्थिकाए य एते णं दोण्णि वि तुल्ला पदेसद्वताएअसंखेज्जगुणा, जीवत्थिकाए दव्वट्ठयाए अनंतगुणे, से चेव पदेसद्वताए असंखेज्जगुणे, पोग्गलत्यिकाए दव्वयाए अनंतगुणे, से चेव पदेसट्टयाए असंखेज्जगुणे, अद्धासमए दव्वट्ठ-पदेसट्टयाए अनंतगुणे, आगासत्थि-काए पएसट्ठयाए अनंतगुणे ।
. बावीसइमं दारं . [२८४] एतेसि णं भंते जीवाणं चरिमाणं अचरिमाण य कतरे कतरेहिंतो अप्पा वा बया वा तुल्ला वा विसेसाहिया वा गोयमा सव्वत्थोवा जीवा अचरिमा, चरिमा अनंतगुणा |
. तेवीसइमं दारं . [२८५] एतेसि णं भंते जीवाणं पोग्गलाणं अद्धासमयाणं सव्वदव्वाणं सव्वपदेसाणं सव्वपज्जवाण य कतरे कतरेहिंतो अप्पा वा० गोयमा सव्वत्थोवा जीवापोग्गलाअनंतगुणा, अद्धासमयाअनंतगुणा, सव्वदव्वाविसेसाहिया, सव्वपदेसाअनंतगुणा सव्वपज्जवा अनंतगुणा |
• चउवीसइमं दारं . [२८६] खेत्ताणुवाएणं सव्वत्थोवा जीवा उड्ढलोय-तिरियलोए, अहेलोय-तिरियलोए विसेसाहिया, तिरियलोए असंखेज्जगुणा, तेलोक्के असंखेज्जगुणा, उड्ढलोए असंखेज्जगुणा, अहेलोए विसेसाहिया ।
[२८७] खेत्ताणुवाएणं सव्वत्थोवा नेरइया तेलोक्के, अहेलोय-तिरियलोए असंखेज्जगुणा अहेलोए असंखेज्जगणा, खेत्ताणवाए णं सव्वत्थोवा वा तिरिक्खजोणिया उड्ढलोए-तिरियलोए, अहेलोयतिरियलोए विसेसाहिया, तिरियलोए असंखेज्जगुणा, तेलोक्के असंखेज्जगुणा, उड्ढलोए असंखेज्जगुणा, अहेलोए विसेसाहिया, खेत्ताणुवाएणं सव्वत्थोवाओ तिरिक्खजोणिणीओ उड्ढलोए, उड्ढलोयतिरियलोए असंखेज्जगुणाओ, तेलोक्के संखेज्जगुणाओ अहेलोय-तिरियलोए संखेज्जगुणाओ अहेलोए संखेज्जगुणाओ, तिरियलोए संखेज्जगुणाओ, खेत्ताणुवाएणं सव्वत्थोवा मणुस्सा तेलोक्के, उड्ढलोय-तिरियलोए असंखेज्जगुणा, अहेलोय-तिरियलोए संखेज्जगुणा, उड्ढलोए संखेज्जगुणा, अधोलोए संखेज्जगुणा, तिरियलोए संखेज्जगुणा, खेत्ताणुवाएणं सव्वत्थोवाओ मणुस्सीओ तेलोक्के, उड्ढलोयपय-३
तिरियलोए संखेज्जगुणाओ, अहेलोय-तिरियलोए संखेज्जगुणाओ, उड्ढलोए संखेज्जगुणाओ, अहेलोए संखेज्जगुणाओ, तिरियलोए संखेज्जगुणाओ, खेत्ताणुवाएणं सव्वत्थोवा देवा उड्ढलोए, उड्ढलोय-तिरियलोए असंखेज्जगुणा, तेलोक्के संखेज्जगुणा, अहेलोय-तिरियलोए संखेज्जगुणा, अहेलोए संखेज्जगुणा, तिरियलोए संखेज्जगुणा, खेत्ताणुवाएणं सव्वत्थोवाओ देवीओ उड्ढलोए, उड्ढलोय-तिरियलोए असंखेज्जगुणाओ, तेलोक्के संखेज्जगुणाओ, अहेलोय-तिरियलोए संखेज्जगुणाओ, अहेलोए संखेज्जगुणाओ, तिरियलोए संखेज्जगुणाओ ।
[२८८] खेत्ताणुवाएणं सव्वत्थोवा भवणवासीदेवा उड्ढलोए, उड्ढलोय-तिरियलोए असंखेज्जगुणा, तेलोक्के संखेज्जगुणा, अहेलोय-तिरियलोएअसंखेज्जगुणा, तिरियलोए असंखेज्जगुणा, अहेलोए असंखेज्जगुणा, खेत्ताणुवाएणं सव्वत्थोवाओ भवणवासिणीओ देवीओ उड्ढलोए, उड्ढलोय
[दीपरत्नसागर संशोधितः]
[52]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |