Page Text
________________
[२७१] एतेसि णं भंते जीवाणं सम्मद्दिट्ठीणं मिच्छद्दिट्ठीणं सम्मामिच्छादिट्ठीणं च कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा सम्मामिच्छादिट्ठी, सम्मद्दिट्ठी अनंतगुणा, मिच्छद्दिट्ठी अनंतगुणा ।
• दसमं दारं •
[२७२] एतेसि णं भंते जीवाणं आभिणिबोहियनाणीणं सुतनाणीणं ओहिनाणीणं मणपज्जवनाणीणं केवलनाणीय य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवाजीवामणपज्जवनाणी, ओहिनाणी असंखेज्जगुणा, आभिणिबोहियनाणी सुयनाणी य दो वितुल्ला विसेसाहिया, केवलनाणी अणंतगुणा, एतेसि णं भंते जीवाणं मइअन्नाणीमं सुतअन्नाणीणं विभंगीण कतरे कतरेहिंतो अप्पा वा जाव गोयमा सव्वत्थोवाजीवाविभंगणाणी, मइअण्णाणी सुतअण्णाणी यो वितुल्ला अनंतगुणा, एतेसि णं भंते जीवाणं आभिणिबोहियनाणीणं जाव केवलनाणीणं मतिअन्नाणीणं जाव विभंगनाणीण य कतरे कतरेहिंतो अप्पा वा जाव विसेसाहिया वा गोयमा सव्वत्थोवाजीवामणपज्जवनाणी ओहिनाणीअसंखेज्जगुणा, आभिणिबोहियनाणी सुतनाणी य दो वि तुल्ला विसेसाहिया, विभंगनाणीअसंखेज्जगुणा, केवलनाणी अनंतगुणा, मइअन्नाणी सुतअन्नाणी य दो वि तुल्ला अनंतगुणा ।
• इक्कारसमं दारं •
[२७३] एतेसि णं भंते जीवाणं चक्खुदंसणीणं अचक्खुदंसणीणं ओहिदंसणीणं केवलदंसणीणं य कतरे कतरेहिंतो अप्पा वा जाव विसेसाहिया वा गोयमा सव्वत्थोवा जीवा ओहिदंसणी चक्खुदंसणीअसंखेज्जगुणा, केवलदंसणीअनंतगुणा, अचक्खुदंसणीअनंतगुणा ।
• बारसमं दारं •
[२७४] एतेसि णं भंते जीवाणं संजयाणं असंजायणं संजयासंजयाणं नोसंजय-नोअसंजयनोसंजतासंजताण य कतरे कतरेहिंतो अप्पा वा जाव गोयमा सव्वत्थोवाजीवासंजता, संजयासंजया असंखेज्जगुणा, नोसंजत-नोअसंजत-नोसंजतासंजताअनंतगुणा असंजता अनंतगुणा । • तेरसमं दारं •
[२७५] एतेसि णं भंते जीवाणं सागारोवउत्ताणं अणागारोवउत्ताण य कतरे कतरेहिंतो अप्पा वा जाव वा गोयमा सव्वत्थोवाजीवाअणागारोवउत्ता, सागरोवउत्ता संखेज्जगुणा । • चोहसमं दारं ०
[ २७६] एतेसि णं भंते जीवाणं आहारगाणं अणाहारगाण य कतरे कतरेहिंतो अप्पा वा जाव विसेसाहिया वा गोयमा सव्वत्थोवा जीवा अणाहारगा आहारगा असंखेज्जगुणा । • पन्नरसमं दारं •
[२७७] एतेसि णं भंते जीवाणं भासगाणं अभासगाणं य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा भासगा अभासगा अनंतगुणा ।
• सोलसमं दारं •
[२७८] एतेसि णं भंते जीवाणं परित्ताणं अपरित्ताणं नोपरित्त-नोअपरित्ताण य कतरे करेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा परित्ता, नोपरित्तानोअपरित्ता अनंतगुणा, अपरित्ता अनंतगुणा ।
• सत्तरसमं दारं •
[दीपरत्नसागर संशोधितः ]
[50]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |