Page Text
________________
पुरत्थिमेणं पच्चत्थिमेणं पुरत्थिमेणंविसेसाहिया उत्तरेणं विसेसाहिया दाहिणेणं विसेसाहिया, दिसाणुवाएणं सव्वत्थोवा वणस्सइकाइया पच्चत्थिमेणं पुरत्थिमेणं विसेसाहिया दाहिणेणं विसेसाहिया उत्तरेणं विसेसाहिया, दिसाणुवाएणं सव्वत्थोवा बेइंदिया पच्चत्थिमेणं पुरत्थिमेणं विसेसाहिया दाहि-णेणं विसेसाहिया उत्तरेणं विसेसाहिया, दिसाणुवाएणं सव्वत्थोवा तेइंदिया पच्चत्थिमेणं पुरत्थिमेणं विसेसाहिया दाहिणेणं विसेसाहिया उत्तरेणं विसेसाहिया, दिसाणुवाएणं सव्वत्थोवा चरिंदिया पच्चत्थिमेणं पुरत्थिमेणं विसेसाहिया
दाहिणेणं पद-३
विसेसाहिया उत्तरेणं विसेसाहिया, दिसाणुवाएणं सव्वत्थोवा नेरइया पुरत्थिम-पच्चत्थिम-उत्तरेणं दाहिणेणं असंखेज्जगुणा, दिसाणुवाएणं सव्वत्थोवा रयणप्पभापुढविनेरइया पुरत्थिम-पच्चत्थिम-उत्तरेणं दाहिणेणं असंखेज्जगुणा, दिसाणुवाएणं सव्वत्थोवा सक्करप्पभापुढविनेरइया पुरत्थिम-पच्चत्थिम-उत्तरेणं दाहिणेणं असंखेज्जगुणा, दिसाणुवाएणं सव्वत्थोवा वालुयप्पभापुढविनेरइया पुरथिमि-पच्चत्थिम-उत्तरेणं दाहिणेणं असंखेज्जगुणा, दिसाणुवाएणं सव्वत्थोवा पंकप्पभापुढविनेरइया पुरत्थि-पच्चत्थिम-उत्तरेणं दाहिणेणं असंखेज्जगुणा, दिसाणुवाएणं सव्वत्थोवा तमप्पभापुढविनेरड्या पुरत्थिम-पच्चत्थिम-उत्तरेणं दाहिणेणं असंखेज्जगुणा दिसाणुवाएणं सव्वत्थोवा अहेसत्तमापुढविनेरड्या पुरत्थिम-पच्चत्थिम-उत्तरेणं दाहिणेणं असंखेज्जगुणा ।
दाहिणिल्लेहितो अहेसत्तमापुढविनेरइएहिंतो छट्ठीए तमाए पुढवीए नेरइया पुरत्थमिपच्चत्थिम-उत्तरेणं असंखेज्जगुणा दाहिणेणं असंखेज्जगुणा, दाहिणिल्लेहिंतो तमापुढविनेरइएहितो पंचमाए धूमप्पभाए पुढवीए नेरइया पुरत्थमि-पच्चत्थिम-उत्तरेणं संखेज्जगुणा दाहिणेणं असंखेज्जगुणा, दाहिणिल्लेहितो धूमप्पभापुढविनेरइएहिंतो चउत्थीए पंकप्पाए पुढवीए नेरइया पुरत्थिम-पच्चत्थिम-उत्तरेणं असंखेज्जगुणा दाहिणेणं असंखेज्जगुणा, दाहिणिल्लेहिंतो पंकप्पभापुढविनेरइएहिंतो तइयाए वालुयप्पभाए पुढवीए नेरइया पुरत्थिम-पच्चत्थिम-उत्तरेणं असंखेज्जगुणा दाहिणेणं असंखि-ज्जगुणा दाहिणिल्लेहितो वालुयप्पभापुढविनेरइएहिंतो दुइयाए सक्करप्पभाए पुढवीए नेरइया पुरत्थिम-पच्चत्थिम-उत्तरेणं असंखेज्जगुणा दाहिणेणं असंखिज्जगुणा, दाहिणिल्लेहिंतो सक्करप्पभापुढविनेरइएहिंतो इमीसे रयणप्पभाए पुढवीए नेरइया पुरत्थिम-पच्चत्थिम-उत्तरेणं असंखेज्जगुणा दाहिण्णेणं असंखेज्जगुणा दिसाणुवाएणं सव्वत्थोवा पंचेंदियतिरिक्खजोणिया पच्चत्थिमेणं पुरत्थिमेमणं विसेसाहिया दाहिणेणं विसेसाहिया उत्तरेणं विसेसाहिया, दिसाणुवाएणं सव्वत्थोवा मणुस्सा दाहिण-उत्तरेणं पुरत्थिमेणं संखेज्जगुणा पच्चत्थिमेणं विसेसाहिया, दिसाणुवाएणं सव्वत्थोवा भवणवासी देवा पुरत्थिम-पच्चत्थिमेणं उत्तरेणं असंखेज्जगुणा दाहिणेणं असंखेज्जगुणा, दिसाणुवाएणं सव्वत्थोवा वाणमंतरा देवा पुरत्थिमेणं पच्चत्थिमेणं विसेसाहिया उत्तरेणं विसेसाहिया दाहिणेणं विसेसाहिया, दिसाणवाएणं सव्वत्थोवा जोइसिया देवा परत्थिम-पच्चत्थिमेणं दाहिणेणं विसेसाहिया उत्तरेणं विसेसाहिया, दिसाणुवाएणं सव्वत्थोवा देवा सोहम्मे कप्पे पुरत्थिमपच्चत्थिमेणं उत्तरेणं असंखेज्जगुणा दाहिणेणं विसेसाहिया दिसाणुवाएणं सव्वत्थोवा देवा ईसाणे कप्पे पुरत्थिम-पच्चत्थिमेणं उत्तरेणं असंखेज्जगुणा दाहिणेणं विसेसाहिया, दिसाणुवाएणं सव्वत्थोवा देवा सणंकुमारे कप्पे पुरत्थिम-पच्चत्थिमेणं उत्तरेणं असंखेज्जगुणा दाहिणेणं विसेसाहिया, दिसाणुवाएणं सव्वत्थोवा देवा माहिंदे कप्पे पुरत्थिम-पच्चत्थिमेणं उत्तरेणं असंखेज्जगुणा दाहिणेणं विसेसाहिया, दिसाणुवाएणं सव्वत्थोवा देवा बंभलोए कप्पे पुरत्थिम-पच्चत्थिम-उत्तरेणं दाहिणेणं असंखेज्जगुणा,
दीपरत्नसागर संशोधितः]
[42]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |