Page Text
________________
पुरेक्खडा छ वा सत्त वा संखेज्जा घा असंखेज्जा वा अनंता वा पंचेंदियतिरिक्खजोणियस्स जाव ईसा जहा- असुरकुमारस्स नवरं - मणूसस्स पुरेक्खडा कस्सइअत्थि कस्सइनत्थित्ति भाणियव्वं, सणकुमार जाव गेवेज्जगस्स जहा- नेरइयस्स विजय जाव- अपराजियदेवस्स अतीता अनंता बद्धेल्लगा पंच पुरेक्खडा पंचवा दस वा पन्नरस वा संखेज्जा वा सव्वट्ठसिद्धगदेवस्स अतीता अनंता बद्धेल्लगा पंच केवतियापुरेक्खडा पंच, नेरइयाणं भंते केवतिया भाविंदिया अतीता गोयमा अनंता केवतियाबद्वेल्लगा असंखेज्जा केवतिया पुरेक्खडा अनंता एवं जहा- दव्विंदिएस पोहत्तेणं दंडओ भणिओ तहा भाविंदिएसु वि पोहत्तेणं दंडओ भाणियो
नवरंवणप्फ
पय-१५
इकाइयाणं बद्धेल्लगा वि अनंता, एगमेगस्स णं भंते नेरइयस्स नेरइयत्ते केवतिया भाविंदिया अतीता गोयमा अनंता बद्धेल्लगापंच पुरेक्खडा कस्सइअत्थि कस्सइनत्थि जस्सत्थि पंच वा दस वा पन्नरस वा संखेज्जा वा असंखेज्जा वा अनंता वा एवं असुरकुमारत्ते जाव थणियकुमारत्ते नवरंबद्धेल्लगा नत्थि पुढविक्काइयत्ते जाव बेइंदियत्ते जहा- दव्विंदिया तेइंदियत्ते तहेव नवरं पुरेक्खडा तिण्णि वा छ वा वा संखेज्जा वा असंखेज्जा वा अनंता वा एवं चउरिंदियत्ते वि नवरं पुरेक्खडा चत्तारिवा अट्ठवा बारस वा संखेज्जा वा असंखेज्जा वा अनंता वा एवं एते चेवगमा चत्तारि नेयव्वा जे चेव दव्विंदिएसु नवरं तइयगमे जाणियव्वा जस्स जइ इंदिया ते पुरेक्खडेसु मुणेयव्वा चउत्थगमे जहेव दव्वेंदिया जाव सव्वट्ठसिद्धगदेवाणं सव्वट्ठसिद्धगदेवत्ते केवतिया भाविंदिया अतीता नत्थि बद्धेल्लगा संखेज्जा पुरेक्खडा नत्थि ।
• पनरसमे पये बीओ उद्देसो समत्तो •
मुनि दीपरत्नसागरेण संसोधितः संपादितश्च पन्नरसमं पयं समत्तं
[] सोलसमं पओगपयं ॥
[ ४३८] कइविहे णं भंते पओगे पन्नत्ते गोयमा पन्नरसविहे पओगे प० सच्चमणप्पओगे मोसमणप्पओगे सच्चामोसमणप्पओगे असच्चामोसमणप्पओगे एवं वइप्पओगे वि चउहा ओरालियतरीरकायप्पओगे ओरालियमीससरीकायपओगे वेउव्वियसरीरकायप्पओगे वेउव्वियमीससरीकायप्पओगे आहारगसरीरकायप्पओगे आहारगमीससरीकायप्पओगे कम्मासरीरकायप्पओगे ।
[४३९] जीवाणं भंते कतिविहे पओगे पन्नत्ते गोयमा पन्नरसविहे पओगे पन्नत्ते तं जहासच्चमणप्पओगे जाव कम्मासरीरकायप्पओगे, नेरइयाणं पुच्छा गोयमा एक्कारसविहे पओगे पन्नत्ते तं जहा- सच्चमणप्पओगे जाव असच्चामोसवइप्पओगे वेउव्वियसरीरकायप्पओगे वेउव्वियमीसरीरकायप्पओगे कम्मासरीरकायप्पओगे एवं असुरकुमाराण वि जाव थणियकुमाराणं, पुढविकाइयाणं पुच्छा गोयमा तिविहे पओगे प०-ओरालियसरीरकायप्पओगे ओरालियमीससरी कायप्पओगे कम्मासरीरकायप्पओगे एवं जाव वणप्फइकाइयाणं नवरं, वाउक्काइयाणं पंचविहे पओगे प० ओरालियसरीरकायप्पओगे ओरालियमीससरीकायप्पओगे वेउव्विए दुविहे कम्मसरीरकायप्पओगे य, बेइंदियाणं पुच्छा गोयमा चउव्विहे पओगे प० असच्चामोसवइप्पओगे ओरालियसरीरकायप्पओगे ओरालियमीससरीकायप्पओगे कम्मसरीरकायप्पओगे एवं जाव चउरिंदियाणं, पंचेंदियतिरिक्खजोणियाणं पुच्छा गोयमा तेरसविहे पओगे प० तं०-सच्चमणप्पओगे जाव असच्चामोसमणप्पओगे एवं वइप्पओगे वि ओरालियसरीरकायप्पओगे ओरालियमीससरीकायप्पओगे
[दीपरत्नसागर संशोधितः ]
[119]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |