Page Text
________________
पमज्जित्ता दिव्वाए दगधारए अब्भुक्खति अब्भुक्खित्ता सरसेणं गोसीसचंदणेणं चच्चए दलयति दलइत्ता पुप्फारुहणं जाव आभरणारुहणं करेइ करेत्ता आसत्तोसत्तविउ-लवडवग्धारियमल्लदामकलावं करेइ करेत्ता कयग्गाहग्गहियकरतलपब्भट्ठविमुक्केणं दसद्धवण्णेणं कुसुमेणं पुप्फपुंजोवयारकलियं करेइ करेत्ता धूवं पडिवत्ति -३
दलयति दलइत्ता-जेणेव दाहिणिल्लस्स मुहमंडवस्स पुरथिमिल्ले दारे तं चेव सव्वं भाणियव्वं जाव दारस्स अच्चणिया जेणेव दाहिणिल्लस्स मुहमंडवस्स दाहिणल्ले दारे तेणेव उवागच्छति तंचेव जेणेव दाहिणिल्ले पेच्छाधरमंडवे जेणेव दाहिणिल्लस्स पेच्छाधरमंडवस्स बहुमज्झदेसभागे जेणेव वइरामए अक्खाडए जेणेव मणिपेढिया जेणेव सीहासणे तेणेव उवागच्छति उवागच्छित्ता लोमहत्थगं परामसति परामुसित्ता अक्खडगं च मणिपेढियं च सीहासणं च लोमहत्थगेणं पमज्जति पमज्जित्ता दिव्वाए दघधाराए अब्भक्खति अब्भुक्खित्ता सरसेणं गोसीसचंदणेणं चच्चए दलयति दलइत्ता पुप्फारुहणं जावधूवं दलयइ दलइत्ता-जेणेव दाहिणिल्लस्स पेच्छाधरमंडवस्स पच्चत्थिमिल्ले दारे तेणेव उवागच्छति दारच्चणिया जेणेव दाहिणिल्लस्स पेच्छाधरमंडवस्स उत्तरिल्ला खंभपंती तहेव जेणेव दहिणिल्लस्स पेच्छाधरमंडवस्स पुरत्थिमिल्ले दारे तेणेव उवागच्छति तहेव जेणेव दाहिणिल्लस्स पेच्छाधरमंडवस्स दाहिणिल्ले दारे तेणेव उवागच्छइ तहेव जेणेव दाहिणिल्ले चेइयथूभे तेमेव उवागच्छंति उवागच्छित्ता लोमहत्थगंपरामुसति परामुसित्ता चेइयथूभं च मणिपेढियं च लोमहत्थगेमं पमज्जति पमज्जित्ता दिव्वे दगधाराए अब्भुक्खइ अब्भुक्खित्ता सरसेणं गोसीसचंदणेणं चच्चए दलयि दलइत्ता पुप्फारुहणं जाव धूवं दलयति दलइत्ता-जेणेव पच्चत्थिमिल्ला मणिपेढिया जेणेव पच्चत्थिमिल्ला जिनपडिमा तेणेव उवागच्छति उवागच्छित्ता जिनपडिमे आलोए पणामं करेइ करेत्ता जाव नमंसित्ता जेणेव उत्तरिल्ला मणिपेढिया जेणेव उत्तरिल्ला जिनपडिमा तेणेव उवागच्छति उवागच्छित्ता जाव नमंसित्ता जेणेव पुरथिमिल्ला मणिपेढिया जेणेव पुरथिमिल्ला जिनपडिमा तेणेव उवागच्छति उवागच्छित्ता जाव नमंसित्ता जेणेव दाहिणिल्ला मणिपेढिया जेणेव दाहिणिल्ला जिनपडिमा तेणेव उवागच्छति उवागच्छित्ता जाव नमंसित्ता जेणेव दाहिणिल्ले चेइयरुक्खे दारविही जेणेव दाहिणिल्ले महिंदज्झए दारविही ।।
जेणेव दाहिणिल्ल नंदा पुक्खरिणी तेणेव उवागच्छइ उवागच्छित्ता लोमहत्थगं परामसति परामुसित्ता तोरणे य तिसोवाणपडिरूवए य सालभंजियाओ य बालरूवए य लोमहत्थगेणं पमज्जति पमज्जित्ता दिव्वाए दगधाराए अब्भुक्खइ अब्भुक्खित्ता सरसेणं गोसीसचंदणेणं चच्चए दलयति दलइत्ता पुप्फारुहणं जाव आरणारुहणं करेइ करेत्ता आसत्तोस-त्तविउलवट्टवग्धारियमल्लदामकलावं करेइ करेत्ता कयग्गाहग्गहिय-करतलपब्भट्ठविमुक्केणं दसद्धवण्णेमं कुसुमेणं पुप्फपुंजोवयारकलियं करेइ करेत्ता धूवं दलयति दलइत्ता-सिद्धायतणं अनुप्पयाहिणीकरेमाणे जेणेव उत्तरिल्ला नंदा पुक्खरिणी तेणेव उवागच्छति उवागच्छित्ता तं चेव जेणेव उत्तरिल्ले महिंदज्झए जेणेव उत्तरिल्ले चेइयरुक्खे जेणेव उत्तरिल्ले चेइयथूभे जेणेव पच्चत्थिमिल्ला मणिपेढिया जेणेव पच्चत्थिमिल्ला जिनपडिमा जेणेव उत्तरिल्ला मणिपेढिया जेणेव उत्तरिल्ला जिनपडिमा जेणेव पुरथिमिल्ला मणिपेढिया जेणेव पुरत्थमिल्ला जिनपडिमा जेणेवदाहिणिल्ला मणिपेढिया जेणेव दाहिणिल्ला जिणपडिमा जेणेव उत्तरिल्ले पेच्छाधरमंडवे जेणेव उत्तरिल्लस्स पेच्छाधरमंडवस्स बहुमज्झदेसभाए जेणेव वइरामे अक्खाइए जेणेव मणिपेढिया जेणेव सीहासणे तेणेव उवागच्छति उवागच्छित्ता तहेव जहा- दक्खिणिल्लस्स जेणेव उत्तरिल्लस्स पेच्छाघरमंडवस्स पच्चत्थिमिल्ले दारे जेणेव उत्तरिल्लस्स पेच्छाघरमंडवस्स उत्तरिल्ले दारे जेणेव उत्तरिल्लस्स
दीपरत्नसागर संशोधितः]
[76]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |