Page Text
________________
तिरिक्खजोण इत्थीणं तिरिक्खजोणियपुरिसाणं तिरिक्खजोणियनपुंसगाणं य कतरे कतरेहिंतो जाव विसेसाहिय व गोयमा सळ्थोवा तिरिक्खजोणियपुरिसा तिरिक्खजोणियइत्थीओ संखेज्जगुणाओ तिरिक्खजोणियनपुंसगा अनंतगुणा एतासि णं भंते मणुस्सित्थीणं मणुस्सपुरिसाणं मणुस्सनपुंसगाणं य कतरे कतरेहिंदो जाव विसेसाहिया वा गोयमा सव्वत्थोवा मणुस्सपुरिसा मणुस्सित्थीओ संखेज्जगुणाओ मणुस्सनपुंसगा असंखेज्जगुणा एतासि णं भंते देवित्थीणं देवपुरिसाणं नेरइयनपुंसगाणं य कतरे कतरेहितो जाव विसेसाहिया वा गोयमा सव्वत्थोवा नेरइयनपुंसगा देवपुरिसा असंखेज्जगुणा देवित्थीओ संखेज्जगुणाओ एतासि णं भंते तिरिक्खजोणित्थीणं तिरिक्खजोणियपुरिसाणं नेरइयनपुंसगाणं य कतरे कतरेहिंतो जाव विसेसाहिया वा गोयमा सव्वत्थोवा मणस्सपरिसा मणस्सित्थीओ संखेज्जगणाओ मणस्सनपुंसगा असंखेज्जगुणा नेरइयनपुंसगा असंखेज्जगुणा तिरिक्खजोणियपुरिसा असंखेज्जगुणा तिरिक्खजोणित्थियाओ संखेज्जगुणाओ देवपुरिसा संखेज्जगुणा देवित्थियाओ संखेज्जगुणाओ तिरिक्खजोणियनपुंसगा अनंतगुणा ।
एतासि णं भंते तिरिक्खजोणित्थीणं-जलयरीणं थलयरीणं खहयरीणं तिरिक्खजोणियपुरिसाणं-जलयराणं थलयराणं खहयराणं तिरिक्खजोणियनपुंसगाणं-एगिदियतिरिक्खजोणियनपुंसगाणं पुढविकाइयएगिदियतिरिक्खजोणियनपुंसगाणं जाव वणस्सतिकाइयएगिदियतिरिक्खजोणियनपुंसगाणं वेइंदियतिरिक्खजोणियनपुंसगाणं जाव पंचेंदियतिरिक्खजोणियनपुंसगाणं-जलयराणं थलयराणं कतरे कतरेहिंतो जाव विसेसाहिया वा गोयमा सव्वत्थोवा खहयरतिरिक्खजोणियपुरिसा खहयरतिरिक्खजोणित्थियाओ संखेज्जगुणाओ थलयरपंचिंदियतिरिक्खजोणियपुरिसा संखेज्जगुणा थलयरपंचिंदियतिरिक्खजोणित्थियाओ संखेज्जगुणाओ जलयरतिरिक्खजोणियपुरिसा संखेज्जगुणाओ जलयरतिरिक्खजोणित्थियाओ संखेज्जगुणाओ खहयरपंचिंदियतिरिक्खजोणियनपुंसगा असंखेज्जगुणा थलयरपंचिंदिया संखेज्जगुणा जलयरा संखेज्जगुणा चरिंदियतिरिक्खजोणियनपुंसगा विसेसाहिया तेइंदियनपुंसगा विसेसाहिया बेइंदियनपुंसगा विसेसाहिया आउक्काइयनपुंसगा विसेसाहिया वाउइक्काइयनपुंसगा विसेसाहिया वणस्सतिकाइयएगिंदियतिरिक्खजोणियनपुंसगा अनंतगुणा एतासि णं भंते मणुस्सित्थीणं कम्मभूमियाणं अकम्मभूमियाणं अंतरदीवियाणं मणुस्सपुरिसाणं-कम्मभूमगाणं अकम्मभूमगाणं अंतरदीवगाणं य कतरे कतरेहिंदो जाव विसेसाहिया वा गोयमा अंतरदीवगा मणुस्सित्थियाओ मणुस्सपरिसा य एते णं दोण्णि वि तुल्ला सव्वत्थोवा देवकुरुतउत्तरकुरुअकम्मभूमिगमणुस्सित्थियाओ मणुस्सपुरिसा एते णं दोण्णिवि तुल्ला संखेज्जगुणा हरिवासरम्मगवासअकम्मभूमिगमणुस्सित्थियाओ मणुस्सपुरिसा य एते णं दोण्णिवि तुल्ला संखेज्जगुणा हेमवतहेरवण्णवतअकम्मभूमिगमणुस्सपुरिसा दोवि संखेज्जगुणा भरहेरवतकम्मभूमिगमणुस्सित्थियाओ दोवि संखेज्जगुणाओ पुव्वविदेहअवरविदेहकम्मभूमगणुस्सपुरिसा दोवि संखेज्जगुणा पुव्वविदेहअवरविदेहकम्मभूमिगमणुस्सित्थियाओ दोवि संखेज्जगुणाओ अंतरदीवगमणुस्सनपुंसगा असंपडिवत्ति-२
खेज्जगुणा देवकुरुउत्तरकुरुअकम्मभूमगमणुस्सनपुंसगा दोविं संखेज्जगुणा हरिवासरम्मगवासअकम्मभूमगमणुस्सनपुंसगा दोवि संखेज्जगुणा हेमवतहेरण्णवतअकम्मभूमगमणुस्सनपुंसगा दोवि संखेज्जगुणा भरहेरवतकम्मभूमगमणुस्सनपुंसगा दोवि संखेज्जगुणा पुव्वविदेहअवरविदेहेकम्मभूमगणुस्सनपुंसगा दोवि संखेज्जगुणा ।
दीपरत्नसागर संशोधितः]
[22]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |