Page Text
________________
वाउकाइए, वणस्सतिकाइए णं भंते वणस्सतिकाइएत्ति कालओ केवचिरं होति गोयमा जहन्नेणं अंतोमुहुत्तं उक्कोसेणं अनंतं कालं बेइदिए णं भंते बेइंदिएत्ति कालओ केवचिरं होति गोयमा जहन्नेणं अंतोतं उक्कोसेणं संखेज्जं कालं एवं तेइंदिएवि चउरिंदिएवि, पंचेंदिए णं भंते पंचेदिएत्ति कालओ केवचिरं होत गोयमा जहण्णेणं अंतोमुहुत्तं उक्कोसेणं सागरोवमसमहस्स सातिरेगं, अणिदिए णं भंते अणिंदिएत्ति कालओ केवचिरं होति गोयमा सादीए अपज्जवसिए, पुढविकाइयस्स णं भंते अंतरं कालओ केवचिरं होति गोयमा जहण्णेणं अंतोमुहुत्तं उक्कोसेणं वणस्सतिकालो एवं आउकाइयस्स तेउकाइयस्स वाउकाइयस्स, वणस्इकाइयस्स णं भंते अंतरं कालओ केवचिरं होति गोयमा जा चेव पुढविकाइयस्स संचिट्ठणा, बेइंदियतेइंदिय-चउरिंदिया-पंचेंदियाणं एतिसिं चउण्हंपि अंतरं जहण्णेणं अंतोमुहुत्तं उक्कोसेणं वणस्सइकालो अणिदियस्स णं भंते अंतर कालो केवचिरं होति गोयमा सादीयस्स अपज्जवसियस्स नत्थि अंतरं अप्पाबहुयं-सव्वत्थोवा पंचेंदिया, चउरिंदिया विसेसाहिया तेइंदिया विसेसाहिया बेइंदिया विसेसाहिया उकाइया असंखेज्जगुणा पुढविकाइया विसेसाहिया आउकाइया विसेसाहिया वाउकाइया विसे साहिया, अनिंदिया अनंतगुणा वणस्सतिकाइया अनंतगुणा ।
[३९८] अहवा दसविहा सव्वजीवा पन्नत्ता तं जहा- पढमसमयनेरड्या अपढमसमयनेरड्या पढमसमयतिरिक्खजोणिया अपढमसमयतिरिक्खजोणिया पढमसमयमणूसा अपढमसमयमणूसा पढमसमयदेवा अपढमसमयदेवा पढमसमयसिद्धा अपढमसमयसिद्धा, पढमसमयनेरइए णं भंते पढमसमयनेरइत्ति कालओ केवचिरं होति गोयमा एक्कं समयं अपढमसमयनेरइए णं भंते अपढमसमयनेरइएत्ति कालओ केवचिरं होति गोयमा जहण्णेणं दस वाससहस्साइं समयूणाई उक्कोसेणं तेत्तीसं सागरोवमाइं समयूणाइं पढमसमयतिरिक्खजोणिए णं भंते पढमसमयतिरिक्खजोणिएत्ति कालओ केवचिरं होति गोयमा एक्कं समयं अपढमसमयतिरिक्खजोणिए णं भंते अपढमसमयतिरिक्खजोणिएत्ति कालओ केवचिरं होति गोयमा जहण्णेणं खुड्डाणं भवग्गगहणं समयूणं उक्कोसेणं वणस्सइकालो पढमसमयमणूसे णं भंते पढमसमयमणूसेत्ति कालओ केवचिरं होति गोयमा एक्कं समयं अपढमसमयमणूसे णं भंते अपढमसमयमणूसेत्ति कालओ केवचिरं होति गोयमा जहन्नेणं खुड्डागं भवग्गहणं समयूणं उक्कोसेणं तिण्णि पलिओवमाइं पुव्वकोडिपुहत्तमब्भहियाइं देवे जहा नेरइए पढमसमयसिद्धे णं भंते पढमसमयसिद्धेत्ति कालओ केवचिरं होति गोयमा एक्कं समयं अपढमसमयसिद्धे णं भंते अपढमसमयसिद्धेति कालओ केवचिरं होति गोयमा सादीए अपज्जवसिए पढमसमयनेरइयस्स णं भंते अंतरं कालो केवचिरं होति गोयमा जहण्णेणं दस वाससहस्साइं अंतोमुहुत्तमब्भहियाइं उक्कोसेणं वणस्सतिकालो अपढमसमयनेरइयस्स णं भंते अंतरं कालओ केवचिरं होति गोयमा जहण्णेणं अंतोमुहुत्तं उक्कोसेणं वणस्सतिकालो ।
पढमसमयतिरिक्खजोणियस्स णं भंते अंतरं कालो केवचिरं होइ गोयमा जहण्णेणं दो खुड्डागभवग्गहणिं समयूणाई उक्कोसेणं वणस्सतिकालो अपढमसमयतिरिक्खजोणियस्स णं भंते अंतरं कालओ केवचिरं होति गोयमा जहण्णेणं खुड्डागभवग्गहणं समयाहियं उक्कोसेणं सागरोवमसयपुहुत्तं सातिरेगं पढमसमयमणूसस्स णं भंते अंतरं कालओ केवचिरं होति गोयमा जहण्णेणं दो खुड्डागभवग्गपडिवत्ति-१०/९
हणाइं समयूणाइं उक्कोसेणं वणस्सतिकालो अपढमसमयमणूस्स णं भंते अंतरं कालओ केवचिरं होत गोयमा जहण्णेणं खुड्डागं भवग्गहणं समयाहियं उक्कोसेणं वणस्सतिकालो देवस्स णं अंतरं जहा [दीपरत्नसागर संशोधितः]
[१४- जीवाजीवाभिगमं ]
[150]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |