Page Text
________________
पज्जत्ता असंखेज्जगुणा बायरपुढवि-आउ-वाउकाइया अपज्जत्तगा असंखेज्जगुणा सुहमतेउकाइया पज्जत्तगा संखेज्जगुणा सुहमणिगोया पज्जत्ताग संखेज्जगुणा बायरवणस्सतिकाइया पज्जत्तगा अनंतगुणा बायरा पज्जत्तगा विसेसाहिया बायरवणस्सइकाइया अपज्जत्ता असंखेज्जगुणा बायरा अपज्जत्ता विसेसाहिया बायरा विसेसाहिया सुहुमवणस्सतिकाइया अपज्जत्तगा असंखेज्जगुणा सुहुमा अपज्जत्ता विसेसाहिया सुहुमवणस्सइकाइया पज्जत्ता संखेज्जगुणा सुहुमा पज्जत्तगा वसेसाहिया सुहुमा विसे-साहिया
[३६३] कतिविधा णं भंत निओदा पन्नत्ता गोयमा दुविहा पन्नत्ता तं जहा- निओदा य निओदजीवा य निओदा णं भंते कतिविहा पन्नत्ता गोयमा दुविहा पन्नत्ता तं जहा- सुहमनिओदा य बायरणिओदा य सुहमनिओदा णं भंते कतिविहा पन्नत्ता गोयमा दुविहा पन्नत्ता तं जहा- पज्जत्ता य अपज्जता य बादरनिओदावि दुविहा पन्नत्ता तं जहा- पज्जत्ता य अपज्जत्ता य ।
[३६४] निओदा णं भंते दव्वट्ठयाए किं संखेज् असंखेज्जा अनंता गोयमा नो संखेज्जा असंखेज्जा नो अनंता अपज्जत्ता णं भंते निओदा दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता, पज्जत्ता णं भंते निओदा दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता सहमाणिओदा णं भंते दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता अपज्जत्ता णं भंते सुहमणिओदा दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता पज्जत्ता गंभंते सुहमणिओदा दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता बादरणिओदा णं भंते दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता अपज्जत्ता णं भंते बादरणिओदा दव्वट्ठयाए किं संखेज्जा असंखेज्जा अनंता गोयमा नो संखेज्जा असंखेज्जा नो अनंता निओदा णं भंते पदेसट्ठयाए किं संखेज्जा असंखेज्जा अनंता गोयमा नो संखेज्जा नो असंखेज्जा अनंता एवं पज्जत्तगावि अपज्जत्तगावि एवं सुहमाणवि तिण्णि आलावगा पदेसट्ठयाए सव्वे य अनंता एवं पडिवत्ति-५
पदेसद्वताए बादराणवि तिण्णि आलावगा सव्वे य अनंता एमए दव्वपदेसेहिं अट्ठारस आलागवगा एतेसि णं भंते निओदाणं सुहमाणं बादराणं पज्जत्ताणं अपज्जत्ताणं दव्वट्ठयाणं पदेसट्ठयाए दव्वट्ठपदेसट्ठयाए कतरे कतरेहितो अप्पा वा बह्या वा तुल्ला वा विसेसाहिया वा गोयमा सव्वत्थोवा बादरणिओदा पज्जत्ता दव्वट्ठयाए, बादरणिओदा अपज्जत्ता दव्वट्ठयाए असंखेज्जगुणा सुहमणिओदा अपज्जत्ता दव्वट्ठयाए असंखेज्जगुणा सुहमणिओदा पज्जत्ता दव्वट्ठयाए संखेज्जगुणा पदेसद्वताएसव्वत्थोवा बादरणिओदा पज्जत्ता पदेसट्ठयाए बादरणिओदा अपज्जत्ता पदेसट्ठयाए असंखेज्जगुणा सुहमणओदा अपज्जत्ता पदेसट्ठयाए असंखेज्जगुणा सुहमणिओदा पज्जत्ता पदेसट्ठयाए संखेज्जगुणा दव्वट्ठ-पदेसट्ठयाए-सव्वत्थोवा बादरणिओदा पज्जत्ता दव्वट्ठयाए बादरणिओदा अपज्जत्ता दव्वट्ठयाए असंखेज्जगुणा सुहुमणिओदा दव्वट्ठयाए असंखेज्जगुणा सुहुमनिओदा पज्जत्ता दव्वट्ठयाए संखेज्जगुणा सुहमणिओदेहितो पज्जत्तएहितो दव्वट्ठयाए बादरणिओदा पज्जत्ता पदेसट्ठयाए अनंतगुणा बादरणिओदा अपज्जत्ता पदेसट्ठयाए असंखेज्जगुणा सुहमणिओदा अपज्जत्ता पदेसट्टाए असंखेज्जगा सुहमणिओदा पज्जत्ता पदेसद्वताए संखेज्जगुणा ।
दीपरत्नसागर संशोधितः]
[135]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |