Page Text
________________
दाहिणपच्चत्थिमिल्ले रतिकरपव्वते उत्तरपच्चत्थिमिल्ले रतिकरपव्वते ते णं रतिकरपव्वता दस जोयणसहस्साइं उड़ढं उच्चत्तेणं एगं जोयणसहस्सं उव्वेहेणं दस जोयणसयाइं उड़ढं उच्चत्तेणं दस गाउयसयाइं उव्वेहेणं सव्वत्थ समा झल्लरिसंठाणसंठिया दस जोयणसहस्साइं विक्खंभेणं एक्कतीसं जोयणसहस्साई च्चत्त तेवीसे जोयणसते परिक्खेवेणं सव्वरयणामया अच्छा जाव पडिरूवा तत्थ णं जेसे उत्तरपुरथिमिल्ले रतिकरपव्वते तस्स णं चउद्दिसि ईसाणस्स देविंदस्स देवरण्णो चउण्हमग्गमहिसीणं जंबुद्दीवप्पमाणाओ चत्तारि रायहाणीओ पन्नत्ताओ तं जहा- नंदुत्तरा नंदा उत्तरकुरा देवकुरा कण्हे कण्हराईए रामरक्खियाए ।
तत्थ णं जेसे दाहिणपुरथिमिल्ले रतिकरपव्वते तस्स णं चउद्दिसिं सक्कस्स देविंदस्स देवरण्णो चउण्हमग्गमहिसीणं जंबुद्दीवप्पमाणाओ चत्तारि रायहाणीओ पन्नत्ताओ तं जहा- सुमना सोमनसा अच्चिमाली मनोरमा चउमाए सिवाए सचीए अंजूए तत्थ णं जेसे दाहिणपच्चत्थिमिल्ले रतिकरपव्वत्ते तस्स णं चउद्दिसिं सक्कस्स देविंदस्स देवरण्णो चउण्हमग्गमहिसीणं जंबुद्दीवप्पमाणाओ चत्तारि रायहाणीओ पन्नत्ताओ तं जहा भूता भूतवडेंसा गोथूभा सुदंसणा अमलाए अच्छराए नवमियाए रोहिणीए तत्थ णं जेसे उत्तरपच्चत्थिमिल्ले रतिकरपव्वते तस्स णं चउद्दिसिमीसाणस्स देविंदस्स देवरण्णो चउण्हमग्ग-महिसीणं जंबुद्दीवप्पमाणाओ चत्तारि रायहाणीओ पन्नत्ताओ तं जहा- रयणा रतणुच्चया सव्वरतणा रतणसचया वसूए वसुंगुत्ताए वसुमित्ताए वसंधराए केलासहरिवाहणा यत्थ दो देवा महिड्ढीया जाव पलिओवमद्वितीया परिवसंति से तेणद्वेणं जाव निच्चे जोतिसं संखेज्ज ।
[२९५] नंदिस्सरवण्णं दीवं नंदिस्सरोदे नामं समुद्दे वट्टे जाव चिट्ठइ जच्चेव खोदोदसमुदस्स वत्तव्वता सच्चेव इहं पि अट्ठसाहिया सुमन-सोमनसा यत्थ दो देवा महिड्ढिया जाव पलिओवमद्वितीया परिवसंति [चंदामि संखेज्जा] सेसं जहा तारगस्स ।
___[२९६] नंदिसरोदं समुदं अरुणे नामं दीवे वट्टे वलयागार जाव संपरिक्खित्ता णं चिट्ठति अरुणे णं भंते दीवे किं समचक्कवालसंठिते विसमचक्कवालसंठिए गोयमा समचक्कवालसंठिते नो विसमचक्कवालसंठिते केवतियं चक्कवालसंठिते संखेज्जाइं जोयणसयसहस्साइं चक्कवालविक्खंभेणं संखेज्जाइं जोयणसयसहस्साइं परिक्खेवेणं पन्नत्ते पउमवरवनसंडदारा दारंतरा य तहेव संखेज्जाई जोयणसतसहस्साइं दारंतरं जाव अट्ठो वावीओ खोतोदगपडिहत्थाओ उप्पातपव्वयका सव्ववइरामया अच्छा असोग वीतसोगा य एत्थ दुवे देवा महिड्ढीया जाव परिवसंति से तेण. जाव संखेज्जं सव्वं [णंदिस्स-रोदण्णं समुई अरुणे णामं दीवे वट्टे खोदवरदीवं वत्तव्वत्ता अट्ठसहिता सा इहं च नवरं-पव्वतगादी सव्ववइरामया असोगवीतसोगा यत्थ दो देवा.पा.]
। [२९७] अरुणण्णं दीवं अरुणोदे नामं समुद्दे तस्स वि तहेव परिक्खेवो अट्ठो खोतोदगे नवरिं सुभद्द सुमनभद्दा एत्थ दो देवा महिड्ढीया सेसं तहेव अरुणोदगं समुदं अरुणवरे नाम दीवे वट्टे वलयागारसंठाण. तहेव संखेज्जगं सव्वं जाव अट्ठो खोदोदगपडिहत्थाओ उप्पायपव्वतया सव्ववइरामया अच्छा अरुणवरभद्द अरुणवरमहाभद्द एत्थ दो देवा महिड्ढीया एवं अरुणवरोदेवि समुद्दे जाव देवा अरुणवर अरुणमहावरा य एत्थ दो देवा सेसं तहेव, अरुणवरोदण्णं समुदं अरुणवरावभासे नामं दीवे वट्टे जाव देवा पडिवत्ति-३
अरुणवरावभासभद्दारुणवरावभासमहाभद्दा यत्थ दो देवा महड्ढीया एवं अरुणवरावभासे समुद्दे नवरि देवा अरुणवरावभासवरारुणवरावभासमहावरा एत्थ दो देवा मड्डिढीया [अरुणण्णं दीवं अरुणोदे नामं समुद्दे वट्टे
दीपरत्नसागर संशोधितः]
[114]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |