Page Text
________________
जे देवा वायं सुवायं वातावत्तं वातप्पभं वातकंतं वातवण्णं वातलेसं वातज्झयं वातसिंगं वातसिट्टं वातकूडं वाउत्तरवडेंसगं सूरं सुसूरं सूरावत्तं सूरप्पभं सूरकतं सूरवण्णं सूरलेसं सूरज्झयं सूरसिंगं सूरसिहं सूरकूडं सुरुत्तरवडेंसंगं विमाणं देवत्ताए उववण्णा, तेसि णं देवाणं उक्कोसेणं पंच सागरोवमाइं ठिई पन्नत्ता ।
ते णं देवा पंचहं अद्धमासाणं आणमंति वा पाणमंति वा ऊससंति वा नीससंति वा तेसि णं
समवाओ - ५
देवाणं पंचहिं वाससहस्सेहिं आहारट्ठे समुप्पजइ ।
संतेगइया भवसिद्धिया जीवा जे पंचहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणं मंतं करिस्संति ।
• पंचमो समवाओं समत्तो •
मुनि दीपरत्नसागरेण संशोधितः सम्पादित्तश्च पंचमो समवाओ समत्तो
०
०
• छट्टो - समवाओ •
[&] छल्लेसा पन्नत्ता तं० - कण्हलेसा नीललेसा काउलेसा तेउलेसा पम्हलेसा सुक्कलेसा, छज्जीवनिकाया पन्नत्ता तं जहा- पुढवीकाए आउकाए तेउकाए वाउकाए वणस्सइकाए तसकाए, छव्विहे बाहिरे तवोकम्मे पन्नत्ते तं जहा- अणसणे ओमोदरिया वित्तिसंखेवो रसपरिच्चाओ कायकिलेसो संलीणया, छव्विहे अब्भिंतरे तवोकम्मे पन्नत्ते तं जहा- पायच्छित्तं विणओ वेयावच्चं सज्झाओ झाणं उस्सगो, छ छाउमत्थिया समुग्घाया पन्नत्ता तं जहा- वेयणासमुग्धाए कसायसमुग्घाए मारणंतियसमुग्घाए वेउव्वियसमुग्धाए तेयसमुग्धाए आहारसमुग्धाए, छव्विहे अत्थुग्गहे पन्नत्ते तं जहा- सोइंदियअत्थुग्गहे चक्खिंदियअत्थुग्गहे घाणिंदियअत्थुग्गहे जिब्भिंदियअत्थुग्गहे फासिंदियअत्थुग्गहे नोइंदियअत्थुग्गहे । कत्तियानक्खत्ते छतारे पन्नत्ते, असिलेसानक्खत्ते छतारे पन्नत्ते ।
ईमीसे णं रयणप्पभाए पुढवीए अत्थेगइयाणं नेरइयाणं छ पलिओवमाइं ठिई पन्नत्ता तच्चाए णं पुढवीए अत्थेगइयाणं नेरइयाणं छ सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं छ पलिओवमाई ठिई पन्नत्ता ।
सोहम्मीसाणेसु कप्पेसु अत्थेगइयाणं देवाणं छ पलिओवमाइं ठिई पन्नत्ता, सणकुमारमाहिंदेसु कप्पेसु अत्थेगइयाणं देवाणं छ सागरोवमाइं ठिई पन्नत्ता ।
जे देवा सयंभुं सयभुरमणं घोसं सुधोसं महाधोसं किट्ठिधोसं वीरं सुवीरं वीरगतं वीरसेणियं वीरावत्तं वीरप्पभं वीरकंतं वीरवण्णं वीरलेसं वीरज्झयं वीरसिगं वीरसिहं वीरकूडं वीरुत्तरवडेंसगं विमाणं देवत्ताए उववण्णा, तेसिं णं देवाणं उक्कोसेणं छ सागरोवमाइं ठिई पन्नत्ता, ते णं देवा छण्हं अद्धमासाणं आमंति वा पाणमंति वा ऊससंति वा नीससंति वा तेसि णं देवाणं छहिं वाससहस्सेहिं आहारट्ठे
ई ।
संतेगइया भविसिद्धिया जीवा जे छहिं भवग्गहणेहिं सिज्झिस्संति [बुज्झिस्संति मुच्चिस्संति परिनिव्वाइस्संति] सव्वदुक्खाणमंतं करिस्संति ।
• छट्टो समवाओ समत्तो •
o
• मुनि दीपरत्नसागरेण संशोधितः सम्पादित्तश्च छट्टो समवाओ समत्तो • [दीपरत्नसागर संशोधितः]
[४- समवाओ]
[7]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |