Page Text
________________
जइ मणुस्स आहारगसरीरे किं गब्भवक्कंतियमणुस्सआहारगसरीरे समुच्छिममणुस्सआहारगसरीरे? गोयमा! गब्भवक्कंतियमणुस्सआहारयसरीरे नो समुच्छिममणुस्सआहारयसरीरे ।
जइ गब्भवक्कंतियमणस्सआहारय-सरीरे किं कम्मभूमग-गब्भवक्कंमियमणस्सआहारयसरीरे अकम्मभूमग-गब्भवक्कंतियमणुस्सआहारयसरीरे? गोयमा! कम्मभूमग-गब्भवक्कंतियमणुस्सआहारयसरीरे नो अकम्मभूमगगब्भवक्कंतियमणुस्सआहारयसरीरे
___ जइ कम्मभूमगगब्भवक्कंतियमणुस्सआहारयसरीरे किं संखेज्जावासाउय कम्मभूमगगब्भवक्कंतियमणुस्स-आहारयसरीरे असंखेज्जवासाउयं-कम्मभूमग-गब्भंववकंतियमणुस्सआहारयसरीरे? गोयमा! संखेज्जवासाउय-कम्मभभूमग-गब्बवक्कंतियमणुस्सआहारयसरीरे नो असंखेज्जवासाउयकम्मभूमगगवअभवक्कंतियमणुस्स-आहारयसरीरे ।
जइ संखेज्जवासाउय-कम्मभूमग-गब्भवक्कंतियमणुस्सआहारयसरीरे पज्जत्तयसंखेज्जवा-साउय-कम्मभूमग-गब्भवक्कंतियमणुस्सआहारयसरीरे अपज्जत्तय-संखेज्जवासाउयकम्मभूमगगब्भ-वक्कं-तियमणुस्सआहारयसरीरे? गोयमा! पज्जत्तय-संखेज्जवासाउय-कम्मभूमगगब्भवक्कंतिमणुस्सआहारय-सरीरे
नो
अपज्जत्तय-संखेज्जवासाउय-कम्मभूमगगब्भवक्कंतियमणस्सआहारयसरीरे । पइण्णग समवाओ
कि
जइ पज्जत्तय-संखेज्ज-वासाउय-कम्मभूमग-गब्भवक्कंतियमणुस्सआहारयसरीरे किं सम्मद्दिट्ठि-पज्जत्तयं-संखेज्जवासाउय-कम्म-भूमग-गब्भवक्कंतियमणुस्सआहारयसरीरे मिच्छदिट्ठि-पज्जत्तयसंखेज्जवासाउय-कम्मभूमग-गब्भवक्कं-तियमणुस्सआहारयसरीरे सम्मामिच्छदिट्ठि-पज्जत्तय-संखेज्जवासाउय-कम्मभूमग-गब्भवक्कंतियमणुस्स-आहारयसरीरे? गोयमा! सम्मद्दिट्ठि-पज्जत्तयसंखेज्जवासाउय-कम्मभूमग-गब्भवक्कंतियमणस्सआहारयसरीरे । नो मिच्छदिट्ठि-पज्जत्तय-संखेज्जवासाउय-कम्मभूमगगब्भवक्कंतियमणुस्सआहारयसरीरे नो सम्मा-मिच्छदिहि-पज्जत्तयसंखेज्ज वासाउय-कम्मभूमग-गब्भवक्कंतियमणुस्सआहारयसरीरे ।
__जइ समद्धिट्ठि-पज्जत्तयं-संखेज्जवासाउय-कम्मभूमग-गब्भवक्कंतियमणुस्सआहारयसरीरे किं संजय-सम्मदिद्विपज्जत्तयं-संखेज्जवासाउय-कम्मभूमग-गब्भवक्कंतियमणस्सआहारयसरीरे असंजय-सम्मद्दिट्ठिपज्जत्तय-संखेज्ज-वासाउय-कम्मभूमग-गब्भवक्कंतियमणुस्सआहारयसरीरे संजयासंजयसम्म-द्दिहिपज्जत्तय-संखेज्जवासाउय-कम्मभूमग-गब्भवक्कंतियमणुस हारयसरीरे? गोयमा! संजयसम्म-द्दिट्ठिपज्जत्तग-संखेज्जवासाउय-कम्म-भूमग गब्भवक्कंतियमणुस्स आहारयसरीरे नोअसंजय-सम्मद्दिहिपज्जत्तय-संखेज्जवासाउय-कम्मभूमग-गब्भवक्कंतियमणुस्साआहारयसरीरे नो संजयासंजय-सम्मद्दिट्ठिपज्जत्तय-संखेज्जावासाउय-कम्मभूमग गब्भवक्कंतियमणुस्सआहारयसरीरे |
__ जड़ संजय-सम्मद्दिट्ठि-पज्जत्तय-संखेज्जवासाउय-कम्मभूमग-गब्भ-वक्कंति-यमणुस्सआहारयसरीरे किं पमत्तसंजय-सम्मद्दिठि-पज्जत्तय-संखेज्जवासाउयं-कम्मभूमगगब्भव-क्कंतियमणुस्सआहारयसरीरे अपमत्तसंजय-सम्मद्दिट्ठिपज्जत्तय-संखज्जवासाउय-कम्मभूमग गब्भवक्कंति-यमणुस्सआहारयसरीरे? गोयमा! पमत्तसंजय - सम्मद्दिट्ठिपज्जत्तय - संखेज्जवासाउय- कम्मभूमग- गब्भ-वक्कंतियमणस्सआहारयसरीरे नो अपमत्तसंजय-सम्मद्दिहिपज्जत्तय-संखेज्जवासाउय-कम्मभूमग-गब्भ-वक्कंतियमणुस्साहारयसरीरे । [दीपरत्नसागर संशोधितः]
[69]
[४-समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |