Agam 04 Samvao Chauttham Angsuttam Mulam PDF File

SR No.: 003707
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 81
Language: Prakrit
Classification: Book_Devnagari, Agam, Canon, Agam 04, & agam_samvayang
File Size: 2 MB

Page 60

सूयगडस्स णं परित्ता वायणा संखेज्जा अनुओगदारा संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ ।
से णं अंगट्ठायाए दोच्चे अंगे दो सुयक्खंधा तेवीसं अज्झयणा तेत्तीसं उद्देसणकाला तेत्तीसं समुद्देसणकाला छत्तीसं पदसहस्साइं पयग्गेणं संखेज्जा अक्खरा अणंता गमा अनंता पज्जवा परित्ता तसा अनंता थावरा सासया कडा निबद्धा निकाइया जिणपन्नत्ता भावा आघविज्जंति पन्नविज्जंति पइण्णग समवाओ
दंसिज्जंति निदंसिज्जंति उवदंसिज्जंति, से एवं आया एवं नाया एवं विण्णाया एवं चरण-करण-परूवणया आघविज्जंति पन्नविज्जंति परुविज्जंति दंसिज्जति निदंसिज्जति उवदंसिज्जति, सेत्तं सूयगडे ।
[२१७] से किं तं ठाणे?
(३) - ठाणे णं ससमया ठाविज्जंति परसमया ठाविज्जंति ससमयपरसमया ठाविज्जंति जीवा ठाविज्जति अजीवा ठाविज्जंति जीवाजीवा ठाविज्जंति लोगे ठाविज्जंति अलोगे ठाविज्जंति लोगालोगे ठाविज्जति ठाणे णं दव्व-गुण-खेत्त-काल-पज्जव पयत्थाणं ।
[२१८] सेला सलिला य समुद्द-सूरभवणविमाण आगर नदीओ । निहिओ पुरिसज्जाया सरा य गोत्ता य जोइसंचाला ।।
[२१९] एक्कविहवत्तव्वयं दुविहवत्तव्वयं जाव दसविंहवत्तव्वयं जीवाण पोग्गलाण य लोगट्ठाइं णं च परूवणया आघविज्जंति,
ठाणस्स णं परित्ता वायणा संखेज्जा अनुओगदारा संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ संखज्जाओ संगहणीओ ।
से णं अंगट्ठयाए तइए अंगे एगे सुयक्खंधे दस अज्झयणा एक्कवीसं उद्देसणकाला एक्कवीसं समुद्देसणकाला बावत्तरिं पयसहस्साइं पयग्गेणं संखेज्जा अक्खरा अनंता गमा अनंता पज्जवा परित्ता तसा अनंता थावरा सासया कडा निबद्धा निकाइया जिणपन्नत्ता भावा आघविज्जंति पन्नविज्जंति परूविज्जंति दंसिज्जंति निदंसिज्जंति उवदंसिज्जंति से एवं आया एवं नाया एवं विण्णाया एवं चरणकरण-परूवणया आधविज्जति [ पन्नविज्जति परूविज्जति दंसिज्जति निदंसिज्जति उवदंसिज्जति, सेत्तं ठाणे |
[२२0] से किं तं समवाए?
(४)-समवाए णं ससमया सूइज्जति परसमया सूइज्जति ससमयपरसमया इज्जत जीवा सूइज्जंति अजीवा सूइज्जंति जीवाजीवा सूइज्जंति लोगे सूइज्जंति अलोगे सूइज्जंति लोगालोगे सूइज्जंति समवाए णं एकादियाणं एगत्थाणं एगुत्तरियपरिवुड्ढीयं दुवालसंगस्स य गणिपिडगस्स पल्लवग्गे समणुगाइज्जइ ठाणगसयस्स बारसविहवित्थरस्स सुयनाणस्स जगजीवहियस्स भगवओ समासणं समोयारे आहिज्जति तत्थ य नाणाविहप्पगारा जीवाजीवा य वण्णिया वित्थरेण अवरे वि य बहुविहा विसेसा नरग-तिरिय- मणुय सुरगणाणं अहारूस्सासलेस - आवास-संख - आयायप्पमाण उववाय-चयणओगाहणोहि-वेयण-विहाण उवओग-जोग इंदिय कसाय विविहा य जीवजोणी विक्खंभुस्सेह-परिरय-प्पमाणं विधिविसेसा य मंदरादीणं महीधराणं कुलगर - तित्थिगए गणहराणं समत्तभरहाहिवाण चक्कीणं चेव चक्कहरहलहराणं य वासाणं य निग्गमा य समाए एए अण्णे य एवमादित्थ वित्थरेणं अत्था समाजसिज्जति ।
[दीपरत्नसागर संशोधितः]
[59]
[४- समवाओ]