________________
सव्वत्थ समा पल्लगसंठाणसंठिया प०, मूले दस-दस जोयणसयाई विक्खंभेणं पन्नत्ता, सव्वेवि णं हरिहरिस्स-हकूडा वक्खारकूडवज्जा दस-दस जोयणसयाई उड्ढं उच्चत्तेणं प०, मूले दस जोयणसयाई विक्खंभेणं पन्नत्ता, एवं बलकूडावि नंदणकूडवज्जा |
पइण्णग समवाओ
अरहा वि अरिट्ठेनेमी दस वाससयाइं सव्वाउयं पालइत्ता सिद्धे बुद्धे जाव सव्वदुक्खप्पहीणे, पासस्स णं अरहओ दस सयाइं जिणाणं होत्था, पासस्स णं अरहओ दस अंतेवासियाइं कालगयाइं वीइक्कंताइं जाव सव्वदुक्खप्पहीणाई |
I
पउमद्दह-पुंडरीयद्दहा य दस-दस जोयणसयाइं आयामेणं पन्नत्ता ।
[१९३] अनुत्तरोववाइयाणं देवाणं विमाणा एक्कारस जोयणसयाइं उड्ढं उच्चत्तेणं पन्नत्ता
पासस्स णं अरहओ इक्कारससयाइं वेउव्वियाणं होत्था ।
[१९४] महापउम-महापुंडरीयदहाणं दो-दो जोयणसहस्साइं आयामेणं प० ।
[१९५] इमीसे णं रयणप्पभाए पुढवीए वइरकंडस्स उवरिल्लाओं चरिमंताओ लोहियक्खस्स कंडस्स हेट्ठिल्ले चरिमंते एस णं तिण्णि जोयणसहस्साइं अबाहाए अंतरे प० ।
[१९६] तिगिच्छ-केसरिदहा णं चत्तारि चत्तारि जोयणसहस्साइं आयामेणं प० । [१९७] धरणितले मंदरस्स णं पव्वयस्स बहुमज्झदेसभाए रूयगनाभीओ चउदिसिं पंच-पंच जोयणसहस्साइं अबाहाए मंदरपव्वए पन्नत्ते ।
[१९८] सहस्सारे णं कप्पे छ विमाणावाससहस्सा पन्नत्ता |
[१९९] इमीसे णं रयणप्पभाए पुढवीए रयणस्स कंडस्स उवरिल्लाओ चरिमंताओ पुलगस्स कंडस्स हेट्ठिल्ले चरिमंते एस णं सत्त जोयणसहस्साइं अवाहाए अंतरे प० ।
[२00] हरिवास-रम्मया णं वासा अट्ठ-अट्ठ जोयणसहस्साइं साइगाइं वित्थरेणं पन्नत्ता । [२0१] दाहिणड्ढभरहस्स णं जीवा पाईणपडीणायया दुहओ समुद्दं पुट्ठा नव जोयणसहस्साइं
आयामेणं पन्नत्ता ।
[२0२] मंदरे णं पव्वए धरणितले दस जोयणसहस्साइं विक्खंभेणं पन्नत्ते ।
[२0३] जंबुदीवेणं दीवे एगं जोयणसहयसहस्साइं आयाम विक्खंभेणं प० । [२0४] लवणे णं समुद्दे दो जोयणसयसहस्साइं चक्कवालविक्खंभेणं प० ।
[२०५] पासस्स णं अरहओ तिण्णि सयसाहस्सीओ सत्तावीसं च सहस्साइं उक्कोसिया
साविया - संपया होत्था ।
[२0६] घायइसंडे णं दीवे चत्तारिजोयणसयसहस्साइं चक्कवालविक्खंभेणं पन्नत्ता ।
[२0७] लवणस्स णं समुद्दस्स पुरत्थिमिल्लाओ चरिमंताओ पच्चत्थिमिल्ले चरिमंते एस णं पंच जोयणसयसहस्साइं अबाहाए अंतरे पन्नत्ते ।
[२०८] भरहे णं राया चाउरंतचक्कवट्टी छ पुव्वसयसहस्साइं रायमज्झावसित्ता मुंडे भवित्ता अगाराओ अणगारियं पव्वइए ।
[२0९] जंबूदीवस्स णं दीवस्स पुरत्थिमिल्लाओ वेइयंताओ पच्चत्थिमिल्ले चरिमंते एस णं सत्त जोयणसयसहस्साइं अबाहाए अंतरे पन्नत्ते ।
[दीपरत्नसागर संशोधितः]
[57]
धायसंडचक्कवालस्स
[४- समवाओ]