Page Text
________________
एगमेगस्स णं रण्णो चाउरंतचक्कवट्टिस्स बावत्तरिं पुरवरसाहस्सीओ पन्नत्ताओ बावत्तरिं कलाओ पन्नत्ताओ तं जहा लेहं गणियं रूवं नट्टं गीयं वाइयं सरगयं पुक्खरगयं समतालं जूयं जणवायं पोरेकव्वं अट्ठावयं दगमट्टियं अन्नविहिं पाणविहिं लेणविहिं सयणविहिं अज्जं पहेलियं मागहियं गाहं सिलोगं गंधजुत्तिं मधुसित्थं आभरणविहिं तरुणीपडिकम्मं इत्थीलक्खणं पुरिसलक्खणं हयलक्खणं गयलक्खणं गोणलक्खणं कुक्कुडलक्खणं मिंढयलक्खणं चक्कलक्खणं छत्तलक्खणं दंडलक्खणं असिलक्खणं मणिलक्खणं काकणिलक्खणं चम्मलक्खणं चंदचरियं सूरचरियं राहुचरियं गहचरियं सोभागकरं दोभागकरं विज्जागयं मंतगयं रहस्सगयं सभासं चारं पडिचारं वूहं पडिवूहं खंधावारमाणं नगरमाणं वत्थुमाणं खंधावारनिवेसं निगरनिवेसं वत्थुनिवेसं ईसत्थं छरुप्पगयं आससिक्खं हत्थिसिक्खं धणुव्वेयं हरिण्णपागं सुवण्णपागं मणिपागं धातुपागं बाहुजुद्धं दंडजुद्धं मुट्ठिजुद्धं अट्ठिजुद्धं जुद्धं निजुद्धं जुद्धातिजुद्धं सुतखेड्डं नालियाखेड्डं वट्टखेड्डं पत्तच्छेज्जं कडगच्छेज्जं पत्तगछेज्जं सजीवं निज्जीवं सउणरुयं ।
संमुच्छिमखयरपंचिंदियतिरिक्खजोणियाणं उक्कोसेणं बावत्तरिं वाससहस्साइं ठिई पन्नत्ता
I
0 बावतरिमो समवाओ समत्तो 0
0 मुनि दीपरत्नसागरेण संशोधितः सम्पादित्तश्च बावत्तरिमो समवाओ समत्तो 0 0 तेवत्तरिमो - समवाओ 0
[१५१] हरिवासरम्मयवासियाओ णं जीवाओ तेवत्तरिं-तेयत्तरिं जोयणसहस्साइं नव य एक्कुत्तरे जोयणसए सत्तरस य एकूणवीसइभागे जोयणस्स अद्धभागं च आयामेणं पन्नत्ताओ । विजए णं बलदेवे तेवत्तरिं वाससयसहस्साइं सव्वाउयं पालइत्ता सिद्धे [बुद्धे मुत्ते अंतगडे परिनिव्वडे सव्वदुक्ख] प्पहीणे ।
0 तेवत्तरिमो समवाओ समत्तो 0
० मुनि दीपरत्नसागरेण संशोधितः सम्पादित्तश्च तेवत्तरिमो समवाओ समत्तो 0
चोवत्तरिमो - समवाओ 0
[१५२] थेरे णं अग्गिभूई गणहरे चोवत्तरिं वासाइं सव्वाउयं पालइत्ता सिद्धे जाव प्पहीणे, निसहाओ णं वासहरपव्वयाओ तिगिंछिद्दहाओ सीतोदामहानदीओ चोवत्तरिं जोयणसयाइं साहियाई उत्तराहुत्तिं पवहित्ता वतिरामतियाए जिब्भियाए चउजोयणायामाए पण्णासजोयणविक्खंभाए वइरतले कुंडे महया घडमूहपवत्तिएणं मुत्तावलिहारसंठाणसंठिएणं पवाएणं महया सद्देणं पवडइ, एवं सीतावि दक्खिणाहुत्ति भाणियव्वा,
चउत्थवज्जासु छसु पुढवीसु चोवत्तरिं निरयावाससयसहस्सा प. ।
0 चोवत्तरिमो समवाओं समत्तो 0
० मुनि दीपरत्नसागरेण संशोधितः सम्पादित्तश्च चोवत्तरिमो समवाओ समत्तो समवाओ - ७५
[दीपरत्नसागर संशोधितः ]
[46]
[४- समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |