________________
[१११] पणतीसं सच्चवयणाइसेसा पन्नत्ता, कूंथु णं अरहा पणतीसं घणूं उड्ढं उच्चत्तेणं होत्था, दत्ते णं वासुदेवे पणतीसं धणूई उड्ढं उच्चत्तेणं होत्था, नंदणे णं बलदेवे पणतीसं धणूई उड्ढ उच्चत्तेणं होत्था,
सोहम्मे कप्पे सुहम्माए सभाए माणवए चेइयक्खंभे हेट्ठा उवरिं च अद्धतेरस जोयणावि वज्जेत्ता मज्झे पणतीस जोयणेसु वइरामएस गोलवट्टसमुग्गएसु जिण सकहाओ पन्नत्ताओ, बितियचउत्थीसु-दोसु पुढवीस पणतीसं निरयावाससयसहस्सा प० ।
0 पणतीसइमो समवाओ समत्तो 0
0 मुनि दीपरत्नसागरेण संशोधितः सम्पादित्तश्च पणतीसइमो समवाओ समत्तो 0 0 छत्तीसइमो - समवाओ 0
[११२] छत्तीसं उत्तरज्झयणा पन्नत्ता तं० (१) विणयसुयं परीसहो चाउरंगिज्जं असंखयं अकाममरणिज्जं पुरिसविज्जा (७) उरब्भिज्जं काविलिज्जं नमिपव्वज्जा दुमपत्तयं बहुसुयपूया हरिएसिज्ज (१३) चित्तसंभूयं उसुकारिज्जं सभिक्खुगं समाहिठाणाइं पावसमणिज्जं संजइज्जं (१९) मिगचारिया अनाहपव्वज्जा समुद्दपालिज्जं रहनेमिज्जं गोयमकेसिज्जं समितीओ (२५) जण्णइज्जं सामायारी खलुंकिज्जं मोक्खमग्गगई अप्पमाओ तवोमग्गो (३१) चरणविही पमायठाणाई कम्मपगडी लेसज्झयणं अणगारमग्गे जीवाजीवविभत्ती य,
चमरस्स णं असुरिंदस्स असुररण्णो सभा सुहम्मा छत्तीसं जोयणाई उड्ढं उच्चत्तेणं होत्था, समणस्स णं भगवओ महावीरस्स छत्तीसं अज्जाणं साहस्सीओ होत्था चेत्तासोएसु णं मासेसु सइ छत्तीसंगुलियं सूरिए पोरिसीछायं निव्वत्तइ ।
0 छत्तीसइमो समवाओ समत्तो 0
0 मुनि दीपरत्नसागरेण संशोधितः सम्पादित्तश्च छत्तीसइमो समवाओ समत्तो 0
0 सत्ततीसइमो - समवाओ 0
[११३] कुंथुस्स णं अरहओ सत्ततीसं गणा सत्ततीसं गणहरा होत्था, हेमवयहेरण्णवइयाओ णं जीवाओ सत्ततीसं सत्ततीसं जोयणसहस्साइं छत्त चोवत्तरे जोयणसए सोलसयएगूणवीसभाए जोयणस्स किंचिविसेसूणाओ आयामेणं पन्नत्ताओ ।
सव्वासु णं विजय-वेजयंत-जयंत- अपराजियासु रायहाणीसु पागारा सत्ततीसं-सत्ततीसं जोयणाणि उड्ढं उच्चत्तेणं पन्नत्ता ।
खुड्डियाए णं विमाणप्पविभत्तीए पढमे वग्गे सत्ततीसं उद्देसणकाला पन्नत्ता ।
समवाओ - ३७
कत्तियबहुलसत्तमीए णं सूरिए सत्ततीसंगुलियं पोरिसिच्छायं निव्वत्तइत्ता णं चारं चरइ । 0 सत्ततीसइमो समवाओ समत्तो 0
० मुनि दीपरत्नसागरेण संशोधितः सम्पादित्तश्च सत्ततीसइमो समवाओ समत्तो 0
0 अट्ठतीसइमो - समवाओ 0
[दीपरत्नसागर संशोधितः ]
[35]
[४- समवाओ]
