Page Text
________________
सोहम्मीसाणेस् कप्पेस् अत्थेगइयाणं देवाणं वीसं पलिओवमाइं ठिई पन्नत्ता, पाणते कप्पे देवाणं उक्कोसेणं वीसं सागरोवमाइं ठिई पन्नत्ता, आरणे कप्पे देवाणं जहण्णेणं वीसं सागरोवमाइं ठिई पन्नत्ता ।
जे देवा सातं विसातं सुविसातं सिद्धत्थं उप्पलं रूइलं तिगिच्छं दिसासोवत्थिय वद्धमाणयं पलंबं पुप्फ सुपुप्फ पुप्फावत्तं पुप्फपभं पुप्फकंतं पुप्फवण्णं पुप्फलेसं पुप्फज्झयं पुप्फसिंग पुप्फसिटुं पुप्फकूडं पुप्फुत्तरवडेंसंग विमाणं देवत्ताए उववण्णा तेसि णं देवाणं उक्कोसेणं वीस सागरोवमाइं ठिई प0 ते णं देवा वीसाए अद्धमासाणं आणमंति वा पाणमंति वा ऊससंति वा नीससंति वा तेसि णं देवाणं वीसाए वाससहस्सेहिं आहारट्टे समुप्पज्जइ ।
संतेगइया भवसिद्धिया जीवा जे वीसाए भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्सति ।
0वीसइमो समवाओ समत्तो 0 परत्नसागरेण संशोधितः सम्पादित्तश्च वीसइमो समवाओ समत्तो 0 समवाओ-२१
0 एक्कवीसइमो-समवाओ 0 [५१] एक्कवीसं सबला पन्नत्ता तं जहा- हत्थकम्मं करेमाणे सबले, मेहणं पडिसेवमाणे सबले, राइभोयणं भंजमाणे सबले, आहाकम्मं भुंजमाणे सबले, सागारियपिंडं भुंजमाणे सबले, उद्देसियं कीयं आह? दिज्जमाणं भुंजमाणे सबले, अभिक्खणं पडियाइक्खेत्ता णं भुंजमाणे सबले, अंतो छण्हं मासाणं गणाओ गणं संकममाणे सबले, अंतो मासस्स तओ दगलेवे करेमाण सबले, अंतो मासस्स तओ माईठाणे सेवमाणे सबले, रायपिंड भंजमाणे सबले, आउट्टिआए पाणाइवायं करेमाणे सबले, आउट्टिआए मसावायं वदमाणे सबले आउट्टिआए अदिन्नादाणं गिण्हमाणे सबले, आउट्टिआए अनंतरहिआए पढवीए ठाणं वा निसीहियं वा चेतेमाणे सबले, आउट्टियाए ससणिराए पुढवीए ससरक्खाए पुढवीए ठाणं वा निसीहियं वा चेतेमाणे सबले, एवं आउट्टिआए चित्तमंताए पढवीए, चित्तमंताए सिलाए, चित्तमंताए लेलूए, कोलावासंसि वा दारुए अण्णयरे वा तहप्पगारे जीवपइट्ठिए सअंडे सपाणे सबीए सहरिए सउत्तिंगे पणगदगमट्टीमक्कंडासंताणए ठाणं वा निसीहियं वा चेतेमाणे सबले आउट्टिआए मूलभोयणं वा कंदभोयणं वा खंधभोयणं वा तयाभोयणं वा पवालभोयणं वा पत्तभोयणं वा पुप्फभोयणं वा फलभोयणं वा बीयभोयणं वा हरियभोयणं वा भुंजमाणे सबले अंतो संवच्छरस्स दस दगलेवे करेमाणे सबले, अंतो संवच्छरस्स दस माइठाणाई सेवमाणे सबले, अभिक्खणं-अभिक्खणं सीतोदय-वियड-वग्घारिय-पाणिणा असणं वा पाणं वा खाइमं वा साइमं वा पडिगाहित्ता भुजमाणे सबले,
निअट्टिबादरस्सणं खवितसत्तयस्स मोहणिजस्स कम्मस्स एक्कवीसं कम्मंसा संतकम्मा प0 तं0- अपच्चक्खाणकसाए कोहे अपच्चक्खाणकसाए माणे अपच्चक्खाणकसाए माया अपच्चक्खाणकसाए लोभे पच्चक्खाणवरणे कोहे जाव पच्चक्खाणावरणे लोभे, संजलणे कोहे जाव संजलणे लोभे, इत्थीवेदे वेदे नपुंसयवेदे हासे अरति रति भय सोग दुगुंछा ।
[दीपरत्नसागर संशोधितः]
[21]
[४-समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |