________________
से जहानामए मम अस्सातं दंडेण वा अट्ठीण वा मुट्ठीण वा लेलुणा वा कवालेण वा आतोडिज्जमाणस्स वा जाव उवद्दविज्जमाणस्स वा जाव लोमक्खणणमायमवि हिंसाकारगं दुक्खं भयं पडिसंवेदेमि ।
इच्चेवं जाण सव्वे पाणा जाव सव्वे सत्ता दंडेण वा जाव कवालेण वा आतोडिज्जमाणा वा हम्ममाणा वा तज्जिज्जमाणा वा तालिज्जमाणा वा जाव उवद्दविज्जमाणा वा जाव लोमक्खणणमायमवि हिंसाकारगं दुक्खं भयं पडिसंवेदेति,
एवं नच्चा सव्वे पाणा जाव सव्वे सत्ता न हंतव्वा न उद्दवेयव्वा, एस धम्मे धुवे निइए सासए समेच्च लोगं खेत्तण्णेहिं पवेइए, एवं से भिक्खू विरए पाणाइवायाओ जाव मिच्छादसणसल्लाओ,
से भिक्खू नो दंतपक्खालणेणं दंते पक्खालेज्जा नो अंजनं नो वमनं नो घूवणेत्तं पिआइए, से भिक्खू अकिरिए अलूसए अकोहे [अमाने अमाए] अलोभे उवसंते परिनिव्वुडे
एस खल भगवया अक्खाए संजय-विरय-पडिहय-पच्चक्खाय-पावकम्मे अकिरिए संवडे एगंतपंडिए यावि भवइ - त्ति बेमि । मुनि दीपरत्नसागरेण संशोधितः सम्पादितश्च ""चउत्थं अज्झयणं समत्तं"
0 पंचमं अज्झयणं- आयारसुयं 0 [७०५] आदाय बंभचेरं च आसुपण्णे इमं वइं ।
अस्सिं धम्मे अनायारं नायरेज्ज कयाइ वि ।। [७०६] अनादीयं परिण्णाय अनवदग्गं ति वा पुणो ।
सासयमसासए वा, इइ दिदि न धारए ।। [७०७] एएहिं दोहिं ठाणेहिं, ववहारो न विज्जई ।
एएहिं दोहिं ठाणेहिं, अनायारं तु जाणए ।। [७०८] समुच्छिज्जिहिंति सत्थारो, सव्वे पाणा अनेलिसा ।
गंठिगा वा भविस्संति, सासयं ति व नो वए ।। [७०९] एएहिं दोहिं ठाणेहिं, ववहारो न विज्जई ।
एएहिं दोहिं ठाणेहिं, अनायारं त् जाणए ।। [७१०] जे केइ खुड्डगा पाणा, अदुवा संति महालया ।
सरिसं तेहिं वेरं ति, असरिसं ति य नो वए ।।
[७११] एएहिं दोहिं ठाणेहिं ववहारो न विज्जई । सुयक्खंधो-२, अज्झयणं-५, उद्देसो
एएहिं दोहिं ठाणेहिं अनायारं तु जाणए ।। [७१२] अहाकम्माणि भुजंति, अन्नमन्ने सकम्मणा ।
उवलित्ते त्ति जाणिज्जा, अनुवलित्ते त्ति वा पुणो ।। [७१३] एएहिं दोहिं ठाणेहिं, ववहारो न विज्जई ।
एएहिं दोहिं ठाणेहिं, अनायारं तु जाणए ।। [७१४] जं इदं ओरालमाहार, कम्मगं च तमेव य ।
[दीपरत्नसागर संशोधितः]
[72]
[२-सूयगडो]
