Page Text
________________
[६९३] अहावरं पुरक्खायं इहेगतिया सत्ता नानाविहजोणिया जाव कम्मनियाणेणं तत्थवुक्कमा नानाविहाणं तसथावराणं पाणाणं सरीरेसु सचित्तेसु वा अचित्तेसु वा पुढवीत्ताए सक्करत्ताए वालुयत्ताए, इमाओ गाहाओ अनुगंतव्वाओ ।
[६९४] पुढवी य सक्करा वाल्या य, उवले सिला य लोणूसे ।
अय तउय तंब सीसग रुप्प सवण्णे य वइरे य ।। [६९५] हरियाले हिंगुलुंए मनोसिला सासगंजनपवाले ।
अब्भपडलब्भवालय, बायरकाए मणिविहाणा ।। [६९६] गोमेज्जए य रुयए, अंके फलिहे य लोहियक्खे य ।
मरगय मसारगल्ले, भयमोयग इदंनीले य ।। [६९७] चंदन गेरुय हंसगब्भ पलए सोगंधिए य बोद्धव्वे ।
चंदप्पभ वेरुलिए, जलकंते सूरकंते य ।। [६९८] एयाओ एएस् भणियव्वाओ गाहाओ जाव सुरकंतत्ताए विउद॒ति
ते जीवा तेसिं नानाविहाणं तसथावराणं पाणाणं सिनेहमाहारेंति, ते जीवा आहारेंति पढविसरीरं जाव संतं, अवरेड वि य णं तेसिं तसथावरजोणियाणं पुढवीणं जाव सूरकंताणं सरीरा नानावण्णा जाव मक्खायं, सेसा तिन्नि आलावगा जहा उदगाणं ।
[६९९] अहावरं पुरक्खायं-सव्वे पाणा सव्वे भूया सव्वे जीवा सव्वे सत्ता नानाविहजोणिया नानाविहसंभवा नानाविहवक्कमा सरीरजोणिया सरीरसंभवा सरीरवक्कमा सरीराहारा कम्मोवगा कम्मनियाणा कम्मगइया कम्मठिइया कम्मणा चेव विप्परियासमवेति । से एवमायाणह से एवमायाणित्ता आहारगुत्ते समिए सहिए सया जए त्ति बेमि ।
मुनि दीपरत्नसागरेण संशोधितः सम्पादितश्च “तइयं अज्झयणं समत्तं"
0 चउत्थं अज्झयणं- पच्चक्खाणकिरिया 0
[७००] स्यं मे आउसं! तेणं भगवया एवमक्खायं- इह खल पच्चक्खाणकिरियानामज्झयणे तस्स णं अयमद्वे- आया अपच्चक्खाणी यावि भवइ आया अकिरियाकसले यावि भवइ आया मिच्छासंठिए यावि भवइ आया एगंतदंडे यावि भवइ आया एगंतबाले यावि भवइ आया एगंतसुत्ते यावि भवइ आया अवियार-मन-वयण-कायवक्के यावि भवइ, आया अप्पडिहयपच्चक्खाय-पावक्कमे यावि भवइ,
एस खल भगवया अक्खाए असंजए अविरए अप्पडिहयपच्चक्खाय-पावक्कमे सकिरिए सुयक्खंधो-२, अज्झयणं-४, उद्देसो
असंवडे एगंतदंडे एगंतबाले एगंतसत्ते, से बाले अवियार-मन-वयण-काय-वक्के सुविणमवि न पस्सइ, पावे य से कम्मे कज्जइ ।
[७०१] तत्थ चोयए पन्नवगं एवं वयासी- असंतएणं मणेणं पावएणं असंतियाए वईए पावियाए असंतएणं कारणं पावएणं अहणंतस्स अमणक्खस्स अवियार-मन-वयण-काय-वक्कस्स सुविणमवि अपस्सओ पावे कम्मे नो कज्जइ कस्स णं तं हेउं ?
चोयए एवं ब्रवीति- अन्नयरेणं मणेणं पावएणं मनवत्तिए पावे कम्मे कज्जइ, अन्नयरीए वईए पावियाए वइवत्तिए पावे कम्मे कज्जइ, अन्नयरेणं काएणं पावएणं कायवत्तिए पावे कम्मे कज्जइ,
[दीपरत्नसागर संशोधितः]
[69]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |