Page Text
________________
वीसा परमदुब्भिगंधा कण्हा अगनिवण्णाभा कक्खड-फासा दुरहियासा असुभा नरगा असुभा नरएसु वेयणाओ,...
नो चेव णं नरएस नेरइया निदायति वा पयलायंति वा सुई वा रई वा धिई वा मई वा उवलभंते, ते णं तत्थ उज्जलं विउलं पगाढं कड़यं कक्कसं चंडं दुक्खं दुग्गं तिव्वं दूरहिया नेरइय-वेयणं पच्चणुभवमाणा विहरंति ।
[६६९] से जहानामए रुक्खे सिया पव्वयग्गे जाए मूले छिन्ने अग्गे गरुए जओ निन्नं जओ विसमं जओ दुग्गं तओ पवडति एवामेव तहप्पगारे परिसजाते गब्भाओ गब्भं जम्माओ जम्मं माराओ मारं नरगाओ नरगं दुक्खाओ दुक्खं दाहिणं गामिए नेरइए कण्हपक्खिए आगमिस्साणं दुल्लभबोहिए यावि भवइ, एस ठाणे अनारिए अकेवले जाव असव्वदुक्खप्पहीणमग्गे एगंतमिच्छे असाहू, पढमस्स ठाणस्स अधम्मपक्खस्स विभंगे एवमाहिए ।
[६७०] अहावरे दोच्चस्स ठाणस्स धम्मपक्खस्स विभंगे एवमाहिज्जइ-इह खलु पाईणं वा पड़ीणं वा उदीणं वा दाहिणं वा संतेगइया मणुस्सा भवंति, तं जहा- अनारंभा अपरिग्गहा धम्मिया धम्माणुगा धम्मिट्ठा जाव धम्मेण चेव वित्तिं कप्पेमाणा विहरंति, सुसीला सुव्वया सुप्पडियानंदा सुसाहू सव्वाओ पाणाइवायाओ पडिविरया जावज्जीवाए जाव जे यावन्ने तहप्पगारा सावज्जा अबोहिया कम्मंता परपाणपरियावणकरा कज्जंति तओ विपडिविरया जावज्जीवाए
से जहानामए अनगारा भगवंतो इरियासमिया भासासमिया एसणासमिया आयाण-भंड-मत्तनिक्खेवणासमिया-उच्चार-पासवण-खेल-सिंघाण-जल्ल पारिट्ठावणियासमिया मनसमिया वइसमिया कायसमिया मनगुत्ता वयगुत्ता कायगत्ता गुत्ता गुत्तिंदिया गत्तबंभयारी अकोहा अमाना अमाया अलोभा संता पसंता उवसंता परिनिव्वडा अनासवा अग्गंथा छिन्नसोया निरुवलेवा कंसपाई व मक्कतोया संखो इव निरंजना जीव इव अप्पडिहयगई गगनतलं इव निरालंबणा वायुरिव अप्पडिबद्धा सारदसलिलं व सुद्धहियया
सयक्खंधो-२, अज्झयणं-२, उद्देसो
पुक्खरपत्तं व निरुवलेवा कम्मो इव गुत्तिंदिया विहग इव विप्पमुक्का खग्गविसाणं व एगजाया भारुंडपक्खी व अप्पमत्ता कुंजरो इव सोंडीरा वसभो इव जायथामा सीहो इव दुद्धरिसा मंदरो इव अप्पकंपा
रो इव गंभीरा चंदो इव सोमलेसा सुरो इव दित्ततेया जच्चकनगं व जायस्वा वसुंधरा इव सव्वफासविसहा सुययासणो विव तेयसा जलंता,...
नत्थि णं तेसिं भगवंताणं कत्थ वि पडिबंधे भवइ, से पडिबंधे चउव्विहे पण्णत्ते, तं जहाअंडए इ वा पोयए इ वा उग्गहे इ वा पग्गहे इ वा जं जं जं णं दिसं इच्छतिं तं णं- तं णं दिसं अप्पडिबद्धा सुई भूया लहभूया अप्पग्गंथा संजेमेणं तवसा अप्पाणं भावेमाणा विहरंति,...
तेसिं णं भगवंताणं इमा एयारूवा जायामायावित्ती होत्था, तं जहा- चउत्थे भत्ते छटे भत्ते अट्ठमे भत्ते दसमे भत्ते वालसमे भत्ते चउदसमे भत्ते अद्धमासिए भत्ते मासिए भत्ते दोमासिए तिमासिए चउम्मासिए पंचमासिए छम्मासिए अदत्तरं च णं उक्खित्तचरगा निक्खित्तचरगा उक्खित्तनिक्खित्तचरगा अंतचरगा पंतचरगा लूहचरगा समदानचरगा संसहचरगा अससंहचरगा तज्जात संसहचरगा दिट्ठलाभिया अदिट्ठलाभिया पट्ठलाभिया अपठ्ठलाभिया भिक्खलाभिया अभिक्खलाभिया अण्णातचरगा उवनिहिया संखादत्तिया परिमिय-पिंडवाइया सुद्धसणिया अंताहारा पंताहारा अरसाहारा
[दीपरत्नसागर संशोधितः]
[60]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |