Page Text
________________
से हंता तं हणह खणह छणह डहह पयह आलुंपह विलुंपह सहसाक्कारेह विपरामुसह एतावताव जीवे नत्थि परलोए, ते नो एवं विप्पडिवेंदेतिं तं जहा - किरिया इ वा अकिरिया इ वा सुकडे इ वा दुक्कडे इ वा कल्लाणे इ वा पावए इ वा साहू इ वा असाहू इ वा सिद्धी इ वा असिद्धी इ वा निरए इ वा अनिरए इ वा एवं ते विरूवरूवेहिं कम्मसमारंभेहिं विरूवरूवाइं कामभोगाई समारंभंति भोयणाए, एवं एगे पागब्भिया निक्खम्म मामगं धम्मं पन्नवेंति तं सद्दहमाणा तं पत्तियमाणा तं रोएमाणा साधु सुयक्खाते समणेति वा माहणेति वा कामं खलु आउसो ! तुमं पूययामो, तं जहा - असनेन वा पानेन वा खाइमेण वा साइमेण वा वत्थेण वा पडिग्गहेण वा कंबलेण वा पायपुंछणेण वा तत्थेगे पूयणाए सुयक्खंधो-२, अज्झयणं-१, उद्देसो
समाउट्टिसु तत्थेगे पूयणाए निकाइंसु,
पुव्वामेव तेसिं नायं भवइ- समणा भविस्सामो अनगारा अकिंचणा अपुत्ता असू परदत्तभोइणो भिक्खुणो पावं कम्मं नो करिस्सामो समुट्ठाए ते अप्पणा अप्पडिविरया भवंति, सयमाइयंति अन्ने वि आइयावेंति अन्नं पि आइयंतं समणुजाणंति, एवामेव ते इत्थिकामभोगेहिं मुच्छिया गिद्धा गढिया अज्झोववन्ना लुद्धा रागदोसवसट्टा, ते नो अप्पाणं समुच्छेदेंति ते नो परं समुच्छेदेंति ते नो अन्नाई पाणाई भूयाइं जीवाइं सत्ताइं समुच्छेदेंति, पहीणा पुव्वसंजोगा आरियं मग्गं असंपत्ता- इति ते नो हव्वाए नो पाराए अंतरा कामभोगेहिं विसन्ना इति पढमे पुरिसजाए तज्जीवतस्सरीरिएत्ति आहिए ।
[६४२] अहावरे दोच्चे पुरिसजाए पंचमहब्भूइए त्ति आहिज्जइ - इह खलु पाईणं वा पडीणं वा उदीणं वा दाहिणं वा संतेगइया मणुस्सा भवंति अनुपुव्वेणं लोगं उववन्ना, तं जहा- आरिया वेगे अनारिया वेगे एवं जाव दुरूवा वेगे, तेसिं च णं महं एगे राया भवति - महाहिमवंत० एवं चेव निरवसेसं जाव सेनावइपुत्ता, तेसिं च णं एगइए सड्ढी भवति कामं तं समणा वा माहणा वा संपहारिसुं गमणाए, तत्थ अन्नतरेणं धम्मेण पन्नत्तारो वयं इमेण धम्मेणं पन्नवइस्सामो से एवमायाणह भयंतारो ! जहा मे एस धम्मे सुक्खाते सुपन्नत्ते भवति
इह खलु पंचमहब्भूया जेहिं नो कज्जइ किरिया इ वा अकिरिया इ वा सुक्कडे इ वा दुक्कडे इ वा कल्लाणे इ वा पावए इ वा साहू इ वा असाहू इ वा सिद्धी इ वा असिद्धी इ वा निरए इ वा अनिरए इ वा अवि अंतसो तणमायमवि तं च पिहुद्देसेणं पुढोभूतसमवायं जाणेज्जा, तं जहा-पुढवी एगे महब्भूते आऊ दुच्चे महब्भूते तेऊ तच्चे महब्भूते वाऊ चउत्थे महब्भूते आगासे पंचमे महब्भूते इच्चेते पंच महब्भूया अनिम्मिया अनिम्माविया अकडा नो कित्तिमा नो कडगा अनादिया अनिधणा अवझा अपुरोहिता संतता सासया आयछट्ठा, पुण एगे एवमाहु- सतो नत्थि विनासो असतो नत्थि संभवो
एताव ताव जीवकाए, एताव ताव अत्थिकाए, एताव ताव सव्वलोए, एतं मुहं लोगस्स करणयाए, अवि अंतसो तणमायमवि से किणं किणावेमाणे हणं घायमाणे पयं पयावेमाणे अवि अंतसो पुरिसमवि कीणित्ता धायइत्ता एत्थं पि जाणाहि नत्थित्थ दोसो, ते नो एवं विप्पडिवेर्देति तं जहाकिरिया इ वा जाव निरए इ वा अनिरए इ वा एवं ते विरूवरूवेहिं कम्मसमारंभेहिं विरूवरूवाइं कामभोगाई समारंभंति भोयणाए,
एवं ते अनारिया विप्पडिवण्णा मामगं धम्मं पण्णवेंति तं सद्दहमाणा तं पत्तियमाणा जाव इति ते नो हव्वाए नो पाराए, अंतरा कामभोगेसु विसण्णा, दोच्चे पुरिसजाते पंचमहब्भूतिए त्ति हि ।
[दीपरत्नसागर संशोधितः ]
[46]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |