________________
[४५६] परमत्ते अन्नपानं न भंजेज्ज कयाइ वि ।
परवत्थं अचेलोऽवि, तं विज्जं परिजाणिया ।।
[४५७] आसंदी पलियंके य, निसिज्जं च गिहतरे । सुयक्खंधो-१, अज्झयणं-९, उद्देसो
संपच्छणं सरणं वा, तं विज्जं परिजाणिया ।। [४५८] जसं कित्ती सिलोगं च, जा य वंदणपूयणा ।
सव्वलोगंसि जे कामा, तं विज्जं परिजाणिया ।। [४५९] जेणेहं निव्वहे भिक्खू अन्नपानं तहाविहं ।
अनुप्पदाणमन्नेसिं, तं विज्जं परिजाणिया ।। [४६०] एवं उदाह निग्गंथे, महावीरे महामुनी ।
अनंतनाणदंसी से, धम्म देसितवं सत्तं ।। [४६१] भासमाणो न भासेज्जा नेव वंफेज्ज मम्मयं ।
माइट्ठाणं विवज्जेज्जा, अचिंतिय वियागरे ।। [४६२] तत्थिमा तइया भासा जं वइत्ताऽन्तप्पई ।
जं छन्नं तं न वत्तव्वं, एसा आणा नियंठिया ।। [४६३] होलावायं सहीवायं, गोयवायं च नो वए ।
तुमं तमं ति अमणन्नं सव्वसो तं न वत्तए || [४६४] अकुसीले सदा भिक्खू नो य संसग्गिय भए ।
सुहरूवा तत्थुवस्सग्गा, पडिबुज्झेज्ज ते विदू ॥ [४६५] नन्नत्थ अंतराएणं, परगेहे न निसीयए ।
गाम-कुमारियं किड्डं, नाइवेलं हसे मुनी ।। [४६६] अनुस्सुओ उरालेसु, जयमाणो परिव्वए ।
चरियाए अप्पमत्तो, पुट्ठो तत्थऽहियासए ॥ [४६७] हम्ममाणो न कुप्पेज्जा, वुच्चमाणो न संजले ।
सुमने अहियासेज्जा, न य कोलाहलं करे ।। [४६८] लद्धे कामे न पत्थेज्जा, विवेगे एव माहिए ।
आयरियाई सिक्खेज्जा, बद्धाणं अंतिए सया ।। [४६९] सुस्सूसमाणो उवासेज्जा, सप्पन्नं स्तवस्सियं ।
वीरा जे अत्तपन्नेसी धितिमंता जिइंदिया ।। [४७०] गिहे दीवमपासंता, परिसादानिया नरा ।
ते वीरा बंधणुम्मुक्का, नावकंखंति जीवियं ॥ [४७१] अगिद्धे सद्दफासेस, आरंभेस् अनिस्सिए ।
सव्वं तं समयातीतं, जमेतं लवियं बह ॥ [४७२] अइमानं च मायं च, तं परिण्णाय पंडिए ।
गारवाणि य सव्वाणि, निव्वाणं संधए मुनि ||- त्ति बेमि मुनि दीपरत्नसागरेण संशोधितः सम्पादितश्च "नवमं अज्झयणं समत्तं"
[दीपरत्नसागर संशोधितः]
[31]
[२-सूयगडो]
