________________
[३१३] संतच्छणं नाम महाभितावं, ते नारगा जत्थ असाहुकम्मा । सुयक्खंधो-१, अज्झयणं-५, उद्देसो-१
हत्थेहिं पाएहि य बंधिऊणं, फलगं व तच्छंति कुहाडहत्था ।। [३१४] रुहिरे पुणो वच्च-समुस्सियंगे, भिन्नुत्तभंगे वरिवत्तयंता ।
पयंति णं नेरइए फरते, सजीवमच्छे व अयो-कवल्ले ।। [३१५] नो चेव ते तत्थ मसीभवंति, न मिज्जई तिव्वभिवेयणाए ।
तमानुभागं अनुवेययंता, दुक्खंति दुक्खी इह दुक्कडेणं ।। [३१६] तहिं च ते लोलणसंपगाढे गाढं सतत्तं अगनिं वयंति ।
न तत्थ सायं लहती भिदुग्गे, अरहियाभितावा तह वी तति ।। [३१७] से सुच्चई नगरवहे व सद्दे, दुहोवणीयाणि पयाणि तत्थ ।
उदिण्णकम्माण उदिण्णकम्मा, पणो पूणो ते सरहं द्हेंति ।। [३१८] पाणेहिं णं पाव विओजयंति, तं भे पवक्खामि जहातहेणं ।
दंडेहि तत्था सरयंति बाला, सव्वेहिं दंडेहिं प्राकएहिं ।। [३१९] ते हम्ममाणा नरगे पडंति, पुण्णे दुरुवस्स महाभितावे ।
ते तत्थ चिट्ठति दुरुवभक्खी, तुटुंति कम्मोवगया किमीहिं ।। [३२०] सया कसिणं पुण घम्मठाणं, गाढोवनीयं अइदुक्खधम्म ।
अंदूसु पक्खिप्प विहत्तु देहं, वेहेण सीसं सेऽभितावयंति ।। [३२१] छिंदंति बालस्स खरेण नक्कं, ओढे वि छिदंति दवे वि कण्णे ।
जिब्भं विणिक्कस्स विहत्यिमेत्तं, तिक्खाहिं सूलाहिऽभितावयंति ।। [३२२] ते तिप्पमाणा तलसंपडं व्व, राइंदियं तत्थ थणंति बाला ।
गलंति ते सोणियपूयमंसं पज्जोइया खारपइद्धियंगा ।। [३२३] जइ ते सुया लोहियपूयपाई, बालागणी तेयगुणा परेणं ।
कुंभी महंताहियपोरुसीया, समूसिया लोहियपूयपुण्णा ।। [३२४] पक्खिप्प तासु पययंति बाले, अट्टस्सरे ते कलुणं रसते ।
तण्हाइया ते तउतंबतत्तं, पज्जिज्जमाणाऽदृयरं रसंति ।। [३२५] अप्पेण अप्पं इह वंचइत्ता, भवाहमे पव्वसए सहस्से ।
चिट्ठति तत्था बहुकूरकम्मा, जहाकडे कम्म तहा सि भारे ।। [३२६] समज्जिणित्ता कलसं अणज्जा, इटेहि कंतेहि य विप्पहणा । ते दुब्भिगंधे कसिणे य फासे, कम्मोवगा कुणिमे आवसंति || - त्ति बेमि • पंचमे अज्झयणे पढमो उद्देसो समत्तो .
० बीओ उद्देसो. [३२७] अहावरं सासयदुक्खधम्म, तं मे पवक्खामि जहातहेणं ।
बाला जहा दुक्कडकम्मकारी, वेयंति कम्माई परेकडाइं ।। [३२८] हत्थेहिं पाएहि य बंधिऊणं, उदरं विकत्तंति खुरासिएहिं ।
[दीपरत्नसागर संशोधितः]
[22]
[२-सूयगडो]
