________________
अलाउच्छेयं पेहेहि, वग्गुफलाइं आहराहि ति ।। सयक्खंधो-१, अज्झयणं-४, उद्देसो-२
[२८२] दारूणि सागपागाए, पज्जोओ वा भविस्सई राओ ।
पायाणि य मे रयावेहि, एहि ता मे पिट्ठ ओम्मद्दे ।। [२८३] वत्थाणि य मे पडिलेहेहि, अन्नं पाणमाहराहि त्ति ।
गंधं च रओहरणं च, कासवगं च समनुजाणाहि ।। [२८४] अदु अंजणिं अलंकारं, कुक्कययं मे पयच्छाहि ।
लोद्धं च लोद्धकुसुमं च, वेणु पलासियं च गुलियं च ।। [२८५] कोढुं तगरं अगरुं च, संपिटुं सह उसीरेणं ।
तेल्लं महे भिलिंगाए वेणफलाइं सन्निहाणाए । [२८६] नंदीचण्णगाइं पाहराहि, छत्तोवानहं च जाणाहि ।
सत्थं च सूवच्छेयाए, आणीलं च वत्थं रयावेहि ।। [२८७] सुफणिं च सागपागाए, आमलगाई दगाहरणं च ।
तिलगकरणिं अंजनसलागं, धिंस् मे विह्यणं विजाणाहि ।। [२८८] संडासगं च फणिहं च, सीहलिपासगं च आणाहि ।
आदंसगं च पयच्छाहि, दंत पक्खालणं पवेसाहि ।। [२८९] पूयफलं तंबोलं च, सूई-सुत्तगं च जाणाहि ।
कोसं च मोयमेहाए, सुप्पुक्खलगं च-खारगलणं च ।। [२९०] चंदालगं च करगं च, वच्चघरगं च आउसो ! खणाहि ।
सरपाय गं च जायाए, गोरहगं च सामणेराए ।। [२९१] घडिगं च सडिंडिमयं च, चेलगोलं कुमारभूयाए ।
वासं समभिआवण्णं आवसहं च जाण भत्तं च।। [२९२] आसंदियं च नवसत्तं, पाउल्लाइं संकमट्ठाए ।
अदु पुत्तदोहलहाए, आणप्पा हवंति दासा वा ।। जाए फले समुप्पन्ने, गेण्हसु वा णं अहवा जहाहि ।
अह पुत्तपोसिणो एगे, भारवहा हवंति उट्टा वा ।। [२९४] राओ वि उट्ठिया संता, दारगं संठवेंति धाई वा ।
सूहिरीमणा वि ते संता, वत्थधवा हवंति हंसा वा ।। एवं बहुहिं कयपुव्वं, भोगत्थाए जेऽभियावन्ना ।
दासे मिए व पेस्से वा, पसभए व से न वा केई ।। [२९६] एवं खु तास् विण्णप्पं, संथवं संवासं च वज्जेज्जा ।
तज्जातिया इमे कामा, वज्जकरा य एव मक्खाए ।। [२९७] एवं भयं न सेयाए, इह से अप्पगं निलंभित्ता ।
नो इत्थिं नो पसुं भिक्खू नो सयं पाणिणा निलिज्जेज्जा ।। [२९८] सुविसुद्धलेसे मेहावी, परकिरियं च वज्जए नाणी ।
[दीपरत्नसागर संशोधितः]
[20]
[२-सूयगडो]
