________________
एवं विन्नवणित्थीस, दोसो तत्थ कओ सिया ।। सुयक्खंधो-१, अज्झयणं-३, उद्देसो-४
[२३५] जहा मंधादए नाम, थिमियं पियति दगं ।
एवं विन्नवणित्थीसु दोसो तत्थ कओ सिया ? || [२३६] जहा विहंगमा पिंगा, थिमियं पियति दगं ।
एवं विन्नवणित्थीस, दोसो तत्थ कओ सिया ? ।। [२३७] एवमेगे 3 पासत्था मिच्छादिट्ठी अनारिया ।
अज्झोववन्ना कामेहिं, पूयणा इव तरुणए ।। [२३८] अनागयमपस्संता पच्चुप्पन्नगवेसगा ।
ते पच्छा परितप्पंति, खीणे आउंमि जोव्वणे ।। [२३९] जेहिं काले परिक्कंतं, न पच्छा परितप्पए ।
ते धीरा बंधणुम्मुक्का, नावकंखंति जीवियं ।। [२४०] जहा नई वेयरणी, दत्तरा इह संमता ।
एवं लोगंसि नारीओ, दुरुत्तरा अमईमया ।। [२४१] जेहिं नारीण संजोगा, पूयणा पिट्ठओ कया ।
सव्वमेयं निराकिच्चा, ते ठिया सुसमाहीए ।। [२४२] एए ओधं तरिस्संति, समुदं ववहारिणो ।
जत्थ पाणा विसन्नासी, किच्चंती सयकम्म्णा ।। [२४३] तं च भिक्खू परिण्णाय स्व्वए समिए चरे ।
मसावायं विवज्जेज्जा, अदिण्णादाणं च वोसिरे ।। [२४४] उड्ढमहे तिरियं वा, जे केई तसथावरा ।
सव्वत्थ विरतिं कुज्जा, संति निव्वाणमाहियं ।। [२४५] इमं च धम्ममादाय कासवेण पवेइयं ।
कुज्जा भिक्खू गिलाणस्स, अगिलाए समाहिए ।। [२४६] संखाय पेसलं धम्म, दिट्ठिमं परिनिव्वडे ।
उवसग्गे नियामित्ता, आमोक्खाए परिव्वएज्जासि || त्ति बेमि ।।
० तइए अज्झयणे चउत्थो उद्देसो सम्मत्तो . मुनि दीपरत्नसागरेण संशोधित सम्पादितश्च “तइयं अज्झयणं सम्मत्तं" 0 चउत्थं अज्झयणं - इत्थिपरिण्णा 0
० पदमो उद्देसो . [२४७] जे मायरं च पियरं च, विप्पजहाय पव्वसंजोगं ।
एगे सहिए चरिस्सामि, आरतमेहणो विवित्तेसी ।। [२४८] सुहमेणं तं परिक्कम्म, छन्नपएण इत्थीओ मंदा ।
उवायं पि ताओ जाणंति, जह लिस्संति भिक्खुणो एगे ।। [दीपरत्नसागर संशोधितः]
[17]
[२-सूयगडो]
