________________
चउद्दसमो उद्देसो
परिग्गह-पवं १. जे भिक्खू पडिग्गहं किणेति, किणावेति, कीयमाहटु' दिज्जमाणं पडिग्गाहेति,
पडिग्गाहेंतं वा सातिज्जति ॥ २. जे भिक्खू पडिग्गहं पामिच्चेति, पामिच्चावेति, पामिच्चमाहटु दिज्जमाणं
पडिग्गाहेति, पडिग्गाहेंतं वा सातिज्जति ॥ ३. जे भिक्खू पडिग्गहं परियट्टेति, परियट्टावेति, परियट्टियमाहट्ट दिज्जमाणं
पडिग्गाहेति, पडिग्गाहेंतं वा सातिज्जति ॥ ४. जे भिक्खू पडिग्गहं अच्छेज्ज अणिसळं अभिहडमाहट्ट दिज्जमाणं पडिग्गाहेति,
पडिग्गाहेंतं वा सातिजति ।। ५. जे भिक्खू अइरेगं पडिग्गहं गणि उद्दिसिय गणि समुद्दिसिय तं गणिं अणापुच्छिय __ अणामंतिय अण्णमण्णस्स वियरति, वियरंतं वा सातिज्जति ॥ ६. जे भिक्खू अइरेगं पडिग्गहं खुड्डगस्स वा खुड्डियाए वा थेरगस्स वा थेरियाए वा
अहत्थच्छिण्णस्स अपायच्छिण्णस्स अकण्णच्छिण्णस्स अणासच्छिण्णस्स अणो?च्छिण्णस्स सक्कस्स-देति, देंतं वा सातिज्जति ।। ७. जे भिक्खू अइरेगं पडिग्गहं खुड्डगस्स वा खुड्डियाए वा' •थेरगस्स वा थेरियाए
वा हत्थच्छिण्णस्स पायच्छिण्णस्स कण्णच्छिण्णस्स णासच्छिण्णस्स ओट्ठच्छिण्णस्स
असक्कस्स-न देति, न देंतं वा सातिज्जति ॥ ८. जे भिक्खू पडिग्गहं अणलं अथिरं अधुवं अधारणिज्ज धरेति, धरतं वा
सातिज्जति ॥ ६. जे भिक्खू पडिग्गहं अलं थिरं धुवं धारणिज्ज न धरेति, न धरतं वा सातिज्जति ।। १०. जे भिक्खू वण्णमंतं पडिग्गहं विवण्णं करेति, करेंतं वा सातिज्जति ॥
१. कोयगडं (भाष्य, चू)। २. 'अ' प्रती एतत्सूत्रं नैव लम्यते ।
३. सं० पा०--खुड्डियाए वा जाव थेरियाए
हत्थच्छिण्णस्स असक्कस्स ।
७५५
Jain Education International
For Private & Personal Use Only
www.jainelibrary.org
