Page Text
________________
७१२
निसीहज्झयणं
विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदग-वियडेण वा उसिणोदग - वियडेण वा उच्छोलेज्ज वा पधोएज्ज वा, उच्छोलेतं वा पधोएंतं वा सातिज्जति ॥
३५. जे भिक्खू माउग्गामस्स मेहुण- वडियाए अण्णमण्णस्स कार्यसि गंडं वा पिडयं वा अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूयं वा सोणियं वा णीहरिता वा विसोहेत्ता वा सीओदग-वियडेण वा उसिणोदग वियडेण वा उच्छोलेत्ता वा पधोएत्ता वा अण्णयरेणं आलेवण-जाएणं आलिपेज्ज वा विलिपेज्ज वा, आलिपंत वा विलिपंत वा सातिज्जति ॥
३६. जे भिक्खु माउम्गामस्स मेहुण - वडियाए अण्णमण्णस्स कार्यसि गंड वा पिडयं वा, अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदगवियडेण वा उसिणोदग-वियडेण वा उच्छोलेत्ता वा पधोएत्ता वा अण्णयरेणं आलेवणजाएणं आलिपेत्ता वा विलिपेत्ता वा तेल्लेण वा घएण वा बसाए वा वणीएण वा अब्भंगेज्ज वा मक्खेज्ज वा अब्भंगेत वा मक्तं वा सातिज्जति ॥ ३७. जे भिक्खू माउम्गामस्स मेहुण- वडियाए अण्णमण्णस्स कार्यसि गंड वा पिडयं वा अरइयं वा असियं वा भगंदलं वा अण्णयरेणं तिक्खेणं सत्थजाएणं अच्छिदित्ता वा वा विच्छिदित्ता वा पूयं वा सोणियं वा णीहरेत्ता वा विसोहेत्ता वा सीओदगवियडेण वा उसिणोदग वियडेण वा उच्छोलेत्ता वा पधोएत्ता वा अण्णयरेणं आलेवण-जाएणं आलिंपेत्ता वा विलिपेत्ता वा तेल्लेण वा घएण वा वसाए वा णवणीएण वा अब्भंगेत्ता वा मक्खेत्ता वा अण्णयरेणं धूवण-जाएणं धूवेज्ज वा पधवेज्ज वा, धूवेंतं वा पधूवेंतं वा सातिज्जति ॥
किमि-पर्व
३८. जे भिक्खू माउग्गामस्स मेहुण- वडियाए अण्णमण्णस्स पालुकिमियं वा कुच्छि किमियं वा अंगुलीए णिवेसिय- णिवेसिय णीहरति, णीहरंतं वा सातिज्जति ॥ ह - सिहा पदं
३६. जे भिक्खू माउग्गामस्स मेहुण-वडियाए अण्णमण्णस्स दीहाओ जह - सिहाओ कप्पेज्ज वा संठवेज्ज वा, कप्पेतं वा संठवेंतं वा सातिज्जति ॥
दीह- रोम-पदं
४०. जे भिक्खू माउग्गामस्स मेहुण - वडियाए अण्णमण्णस्स दीहाई जंघ - रोमाई कप्पेज्ज वा संठवेज्ज वा, कप्पेतं वा संठवेतं वा सातिज्जति ॥
४१. जे भिक्खू माउग्गामस्स मेहुण वडियाए अण्णमण्णस्स दीहाई वत्थि-रोमाई कप्पेज्ज वा संठवेज्ज वा, कप्पेतं वा संठवेतं वा सातिज्ञ्जति ॥
४२. जे भिक्खू माउग्गामस्स मेहुण - वडियाए अण्णमण्णस्स दीह-रोमाई कप्पेज्ज वा
Jain Education International
For Private & Personal Use Only
www.jainelibrary.org
| SR No. | 003588 |
| Book Title | Agam 24 Chhed 01 Nishith Sutra Nishihajjhayanam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 138 |
| Language | Prakrit |
| Classification | Book_Devnagari, Agam, Canon, & agam_nishith |
| File Size | 3 MB |