________________
७८६
निसीहज्झयणं
वा उव्वट्टावेंतं वा सातिज्जति ॥ ६२. जा निग्गंथी निग्गंथस्स अच्छी णि अण्ण उत्थिएण वा गारथिएण वा सीओदग
वियडेण वा उसिणोदग-वियडेण वा उच्छोलावेज्ज वा पधोयावेज्ज वा, उच्छोलावेंतं
वा पधोयावेंतं वा सातिज्जति ।। ६३. जा निग्गंथी निग्गंथस्स अच्छी णि अण्णउथिएण वा गारथिएण वा फुमावेज्ज वा
रयावेज्ज वा, फुमावेंतं वा रयावेतं वा सातिज्जति ॥ दोह-रोम-पदं ६४. जा निग्गंथी निग्गंथस्स दीहाइं भमुग-रोमाइं अण्णउत्थिएण वा गारथिएण वा
__ कप्पावेज्ज वा संठवावेज्ज वा, कप्पावेतं वा संठवावेंतं वा सातिज्जति ॥ ६५. जा निग्गंथी निग्गंथस्स दीहाई पास-रोमाइं अण्णउत्थिएण वा गारथिएण वा
___ कप्पावेज्ज वा संठवावेज्ज वा, कप्पावेंतं वा संठवावेंतं वा सातिज्जति ।। मल-णीहरण-पदं ६६. जा निग्गंथी निग्गथस्स कायाओ सेयं वा जल्लं वा पंकं वा मलं वा अण्णउत्थिएण
वा गारथिएण वा णीहरावेज्ज वा विसोहावेज्ज वा, णीहरावेंतं वा विसोहावेंतं
वा सातिज्जति ।। ६७. जा निग्गंथी निग्गंथस्स अच्छिमलं वा कण्णमलं वा दंतमलं वा नहमलं वा
अण्णउत्थिएण वा गारथिएण वा णीहरावेज्ज वा विसोहावेज्ज वा, णीहरात वा
विसोहावेंतं वा सातिज्जति ।। सोसदुवारिय-पदं ६८. जा निग्गंथी निग्गंथस्स गामाणगाम दुइज्जमाणस्स अण्णउत्थिएण वा गारथिएण
___ वा सीसदुवारियं कारवेति, कारवेंतं वा सातिज्जति ॥ पाय-परिकम्म-पदं ६९. 'जे निग्गंथे" निग्गंथीए पाए अण्णउत्थिएण वा गारथिएण वा आमज्जावेज्ज वा
पमज्जावेज्ज वा, आमज्जावेंतं वा पमज्जावेत वा सातिज्जति ॥ ७०. •जे निग्गंथे निग्गंथीए पाए अण्णउत्थिएण वा गारथिएण वा संवाहावेज्ज वा
पलिमद्दावेज्ज वा, संवाहावेंतं वा पलिमद्दावेंतं वा सातिज्जति ।। ७१. जे निग्गंथे निग्गंथीए पाए अण्णउत्थिएण वा गारथिएण वा तेल्लेण वा घएण वा
वसाए वा णवणीएण वा अब्भंगावेज्ज वा मक्खावेज्ज वा, अब्भंगावेंतं वा मक्खावेतं वा सातिज्जति ।।
१. जा णिग्गंथी (अ)। २. सं० पा०-एवं मग्गिल्लगमयं सरिसं णेयं कारवेंतं साति ।
Jain Education International
For Private & Personal Use Only
www.jainelibrary.org
