Page Text
________________
सत्तरसमो उद्देसो
७५३
३१. जा निग्गंथी निग्गंथस्स कायंसि वणं अण्णउत्थिएण वा गारस्थिएण वा सीओदग
वियडेण वा उसिणोदग-वियडेण वा उच्छोलावेज्ज वा पधोवावेज्ज वा, उच्छोलावेंतं
वा पधोवावेंतं वा सातिज्जति ॥ ३२. जा निग्गंथी निग्गंथस्स कायंसि वणं अण्णउत्थिएण वा गारथिएण वा फुमावेज्ज
वा रयावेज्ज वा, फुमातं वा रयातं वा सातिज्जति ॥ गंडादि-परिकम्म-पदं ३३. जा निग्गंथी निग्गंथस्स कायंसि गंडं वा पिडयं वा अरइयं वा असियं वा भगंदलं वा
अण्णउत्यिएण वा गारथिएण वा अण्णयरेणं तिक्खेणं सत्थजाएणं अच्छिदावेज्ज वा
विच्छिदावेज्ज वा, अच्छिदावेंतं वा विच्छिदावेंतं वा सातिज्जति ॥ ३४. जा निग्गंथी निग्गंथस्स कायंसि गंडं वा पिडयं वा अरइयं वा असियं वा भगंदलं
वा अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावित्ता वा विच्छिदावित्ता वा पूर्व वा सोणियं वा णीहरावेज्ज वा विसोहावेज्ज वा,
णीहरावेंतं वा विसोहावेंतं वा सातिज्जति ॥ ३५. जा निग्गंथी निग्गंथस्स कायंसि गंड वा पिडयं वा अरइयं वा असियं वा भगंदलं
वा अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूयं वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेज्ज वा पधोयावेज्ज वा, उच्छोलावेंतं
वा पधोयावेंतं वा सातिज्जति ।। ३६. जा निग्गंथी निग्गंथस्स कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूयं वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेत्ता वा पधोयावेत्ता वा अण्णयरेणं आलेवणजाएणं आलिंपावेज्ज वा विलिपावेज्ज वा, आलिंपावेंतं वा विलिपावेतं
वा सातिज्जति ॥ ३७. जा निग्गंथी निग्गंथस्स कायंसि गंडं वा पिडयं वा अरइयं वा असियं भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूयं वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेत्ता वा पधोयावेत्ता वा अण्णयरेणं आलेवणजाएणं आलिंपावेत्ता वा विलिंपावेत्ता वा तेल्लेण वा घएण वा वसाए वा णवणीएण वा अब्भंगावेज्ज वा मक्खावेज्ज वा, अभंगावेतं वा मक्खावेतं वा
सातिज्जति ॥ ३८. जा निग्गंथी निग्गंथस्स कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता
Jain Education International
For Private & Personal Use Only
www.jainelibrary.org
| SR No. | 003588 |
| Book Title | Agam 24 Chhed 01 Nishith Sutra Nishihajjhayanam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 138 |
| Language | Prakrit |
| Classification | Book_Devnagari, Agam, Canon, & agam_nishith |
| File Size | 3 MB |