Page Text
________________
२६२
नंदी
से जहानामए केइ पुरिसे अव्वत्तं सदं सुणिज्जा, तेणं 'सद्दे ति" उग्गहिए, नो चेव णं जाणइ के वेस सदाइ ? तओ ईहं पविसइ, तओ जाणइ अमुगे एस सद्दे । तओ णं अवायं पविसइ, तओ से उवगयं हवइ । तओ धारणं पविसइ,' तओ णं धारेइ संखेज वा कालं, असंखेज्ज वा कालं। से जहानामए केइ पुरिसे अव्वत्तं रूवं पासिज्जा, तेणं रूवे ति उग्गहिए, नो चेव णं जाणइ के वेस रूवे त्ति ? तओ ईहं पविसइ, तओ जाणइ अमुगे एस रूवे : तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं, असंखेज्ज व! कालं। से जहानामए केइ पुरिसे अव्वत्तं गंध अग्घाइज्जा, तेणं गंधे त्ति उग्गहिए, नो चेव णं जाणइ के वेस गंधे त्ति ? तओ ईहं पविसइ, तओ जाणइ अमुगे एस गधे। तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्ज वा कालं, असंखेज्जं वा कालं । से जहानामए केइ पुरिसे अव्वत्तं रसं आसाइज्जा, तेण रसे त्ति उम्गहिए, नो चेव णं जाणइ के वेस रसे ति ? तओ ईहं पविसइ, तओ जाणइ अभुगे एस रसे। तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं, असंखेज वा काल । से जहानामए केइ पुरिसे अव्वत्तं फासं पडिसंवेइज्जा, तेणं फासे त्ति उग्गहिए, नो चेव णं जाणइ के बेस फासे त्ति ? तओ ईहं पविसइ, तओ जाण इ अमुगे एस फासे । तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं. असंखेज्जंवा कालं। से जहानामए केइ पुरिसे अव्वत्तं सुमिणं पडिसंवेदेज्जा', तेणं सुमिणेत्ति" उग्गहिए, नो चेव णं जाणइ के वेस सुमिणे त्ति? तओ ईह पविसइ, तओ जाणइ अमुगे एस सुमिणे । तओ अवायं पविसइ, तओ से उवगयं हवइ । तओ धारणं पविसइ, तओ णं
धारेइ संखेज्ज वा कालं, असंखेज वा कालं । सेत्तं मल्लगदिद्रुतेणं ।। ५४ तं समासओ चउबिहं पण्णत्तं, तं जहा-दव्वओ, खेत्तओ, कालओ, भावओ । तत्थ
दव्वओ णं आभिणिबोहियनाणी आएसेणं सव्वदवाई जाणइ, न पासइ । खेत्तओ णं आभिणिबोहियनाणी आएसेणं सव्वं खेत्तं जाणइ, न पासइ । कालओ णं आभिणिबोयिनाणी आएसेणं सव्वं कालं जाणइ, न पासइ । भावओ णं आभिणिबोहि
यनाणी आएसेणं सव्वे भावे जाणइ, न पासइ। १. सद्दो त्ति (क, ख)।
गंधं अव्वत्तं रसं अव्वत्तं फासं पडिसंवेदेजा। २. सद्देत्ति (चू)।
५. रूवेत्ति (क, ख) ३. अणुपविसति (चू)।
६. पासिज्जा (क, ख)। ४. अतः स्पर्शालापकपर्यन्तं चुणौ हारिभद्रीयवृत्ती ७. सुविणोत्ति (म)। च संक्षिप्तपाठो दृश्यते--एवं अव्वत्तं रूवं अश्वत्तं
Jain Education International
For Private & Personal Use Only
www.jainelibrary.org
| SR No. | 003583 |
| Book Title | Agam 31 Chulika 01 Nandi Sutra Nandi Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 45 |
| Language | Prakrit |
| Classification | Book_Devnagari, Agam, Canon, & agam_nandisutra |
| File Size | 1 MB |