________________
पंचविसइमं अज्झयणं
जण्णइज्ज
१. माहणकुलसंभूओ आसि विप्पो महायसो ।
जायाई जमजण्णमि जयघोसे ति नामओ ।। २. इंदियग्गामनिग्गाही मग्गगामी महामुणी ।
गामाणुगाम रीयंते पत्ते वाणारसि पुरि ।। ३. वाणारसीए' बहिया उज्जाणंमि मणोरमे ।
फासुए सेज्जसंथारे तत्थ वासवागए ।। ४. अह तेणेव कालेणं पुरीए तत्थ माहणे ।
विजयघोसे ति नामेण जण्णं जयइ वेयवी ।। ५. अह से तत्थ अणगारे मासक्खमणपारणे ।
विजयघोसस्स जण्णं मि भिक्खमट्ठा' उवट्ठिए । ६. समुवट्टियं तहिं संतं जायगो पडिसेहए । ___ न हु दाहामि ते भिक्खं भिक्खू ! जायाहि अन्नओ।। ७. जे य वेयविऊ विप्पा जण्णट्ठा य 'जे दिया" ।
जोइसंगविऊ जे य जे य धम्माण पारगा ।। ८. जे समत्था समुद्धत्तुं परं अप्पाणमेव य ।
तेसि अन्नमिणं देयं भो भिक्खू ! सबकामियं ।। ६. सो 'एवं तत्थ“पडिसिद्धो जायगेण महामुणी ।
न वि रुट्ठो न वि तुट्ठो उत्तमट्ठगवेसओ १०. नन्नळं पाणहेउं वा न वि निव्वाहणाय वा ।
तेसि विमोक्षणढाए इमं वयणमब्बवी ।। ११. नवि जाणसि वेयमुहं नवि जण्णाण जं मुहं ।
नक्खत्ताण मुहं जं च जं च धम्माण वा मुहं ।। १. वाणारसीय (अ, वृ) ।
३. जिइंदिया (आ)। २. भिक्खस्स अट्टा (बृपा)।
४. तत्थ एव (ब)।
१८०
Jain Education International
For Private & Personal Use Only
www.jainelibrary.org
