________________
तेविसइमं अज्झयणं (केसिगोयमिज्ज)
४१. ते पासे सव्वसो छित्ता निहतूण उवायओ।
मुक्कपासो लहुन्धुओ विहामि अहं मुणी ! ॥ ४२. पासा य इइ के वुत्ता ? केसी गोयममब्रवी ।
केसिमेवं बुवंतं तु गोयमो इणमब्बी ।। ४३. रागद्दोसादओ तिन्वा नेहपासा भयंकरा ।
ते छिदित्त जहानायं विहरामि जहक्कम ॥ ४४. साहु गोयम ! पण्णा ते छिन्नो मे संसओ इमो ।
अन्नो वि संसओ मज्झ तं मे कहसु गोयमा ! ॥ ४५. अंतोहिययसंभूया लया चिट्टइ गोयमा ! ।
फलेइ विसभक्खीणि सा उ उद्धरिया कहं ? ।। ४६. तं लयं सव्वसो छित्ता उद्धरित्ता समूलियं ।
विहरामि जहानायं मुक्को मि विसभक्खणं ।। ४७. लया य इइ का वत्ता? केसी गोयममब्बवी ।
केसिमेवं बुवंतं तु गोयमो इणमब्बवी ॥ ४८. भवतण्हा लया वृत्ता भीमा भीमफलोदया ।
तमुद्धरित्तु' जहानायं विहरामि महामुणी !॥ ४६. साहु गोयम ! पण्णा ते छिन्नो मे संसओ इमो ।
अन्नो वि संसओ मउझं तं मे कहसु गोयमा ! ॥ ५०. संपज्जलिया घोरा अग्गी चिट्ठाइ गोयमा! ।
जे डहंति सरीरस्था" कहं विज्झाविया तुमे ? ॥ ५१. महामेहप्पसूयाओ गिज्झ वारि जलुत्तमं ।
सिंचामि सययं देह" सित्ता नो व डहति मे॥ ५२. अग्गी य इइ के वुत्ता? केसी गोयममब्बवी ।
केसिमेवं बुवंतं तु गोयमो इणमब्बवी । ५३. कसाया अग्गिणो वृत्ता सुयसीलतवो जलं ।
सुयधाराभिया संता भिन्ना हु न डहंति मे॥ ५४. साहु गोयम ! पण्णा ते छिन्नो मे संसओ इमो।
अन्नो वि संसओ मज्झं तं मे कहसु गोयमा ! ॥ ५५. अयं साहसिओ भीमो दुवस्सो परिधावई ।
जंसि गोयम ! आरूढो कहं तेण न हीरसि?|| ५६. पधावतं निगिण्हामि सुयरस्सीसमाहियं ।
न मे गच्छइ उम्मग्मं मग्गं च पडिवज्जई ॥ १. बिसभक्खीणं (ब)।
४. सिंचामि सययं ते ओ (ते उ) (उ, ऋ, वृ); २. तमुद्धरित्ता (आ); तमुच्छित्तु (उ, ऋ)। सिंचामि सययं देहा, सिंचामि सययं तं तु ३. जा डहेति सरीरस्था (बृपा)।
(बृपा)।
Jain Education International
For Private & Personal Use Only
www.jainelibrary.org
