________________
बाइसमें अज्झयणं (रहनेमिज्ज)
११. 'अह ऊसिएण" छत्तेण चामराहि य सोहिए ।
दसारचक्केण य सो सव्वओ परिवारिओ ।। १२. चउरंगिणीए सेनाए रइयाए जहक्कम ।
तुरियाण सन्निनाएण दिव्वेण गगणं फुसे ।। १३. एयारिसीए इड्ढीए जुईए उत्तिमाए य ।
नियगाओ भवणाओ निज्जाओ वहिपुंगवो ।। १४. अह सो तत्थ निज्जंतो दिस्स पाणे भयदुए । ___ वाडेहिं पंजरेहिं च सन्निरुद्धे सुदुक्खिए ।। १५. जीवियंत तु संपत्ते मंसट्टा भक्खियव्वए ।
पासेत्ता से महापण्णे साहिं इणमब्बवो ॥ १६. कस्स अट्ठा 'इमे पाणा'' एए सव्वे सुहेसिणो ।
वाडेहि पंजरेहिं च सन्निरुद्धा य अच्छहि ? ।। १७. अह सारही तओ भणइ एए भद्दा उ पाणिणो ।
___ तुझं विवाहकज्जमि भोगावेउ बहुं जणं ।। १८. सोऊण तस्स' वयणं बहुपाणिविणासणं ।
चितेइ से महापण्णे साणुक्कोसे जिएहि उ ।। १६. जइ मज्झ कारणा एए 'हम्मिहिति बह जिया ।
न मे एयं तु निस्सेसं परलोगे भविस्सई ।। २०. सो कुंडलाण जयलं सुत्तगं च महायसो ।
आभरणाणि य सव्वाणि" सार हिस्स पणामए । २१. मणपरिणामे य कए देवा य जहोइयं समोइण्णा ।
सबड्ढीए सपरिसा निक्खमणं तस्स काउं जे । २२. देवमणस्सपरिवडोसीयारयणं तओ समारूढो ।
निक्ख मिय बारगाओ रेवययंमि टिओ भगवं ।। २३. उज्जाणं संपत्तो ओइण्णो उत्तिमाओ सीयाओ ।
साहस्सीए परिवुडो अह निक्खमई उ चित्ताहि ।।
१. से ओसिएण (बृपा)। २. बद्धरुद्ध (बृपा)। ३. बहुपाणे (बृपा)। ४. तस्स सो (उ, ऋ)। ५. बहुपाण' (बृ)। ६. हम्मति सुबहू (उ, ऋ, बृ); हम्मिहिति
बहू (बृपा)। ७. से गाणि (ऊ, ऋ)। ८. समोवडिया (बपा)। ६. सीइया" (३)। १०. सीइयाओ (ऋ)।
Jain Education International
For Private & Personal Use Only
www.jainelibrary.org
