________________
एगणविसइमं अज्झयणं (मियापुत्तिज्ज)
१५५
६६. तुहं पियाई मंसाइं खंडाइं सोल्लगाणि य ।
खाविओ मि समसाइं अग्गिवण्णाई णेगसो ।। ७०. तुहं पिया सुरा सोहू मेरओ य महूणि य
पाइओ' मि जलंतोओ वसाओ रुहिराणि य ।। ७१. निच्चं' भीएण तत्थेण दुहिएण वहिएण य ।
परमा दुहसंबद्धा वेयणा वेइया मए ।। ७२. तिव्वचंडप्पगाढाओ घोराओ अइदुस्सहा ।
महब्भयाओं' भीमाओ नरएसु वेइया मए ।। ७३. जारिसा माणुसे लोए ताया ! दोसंति वेयणा ।
एत्तो' अणंतगुणिया नरएसु दुक्खवेयणा ।। ७४ सवभवेसु अस्साया वेयणा वेइया मए ।
निमेसंतरमित्तं पि जं साया नत्थि वेयणा ।। ७५. त बितम्मापियरो छदेणं पुत्त ! पव्वया ।
नवरं पुण सामण्णे दुक्खं निप्पडिकम्मया ।। ७६. सो बितम्मापियरो ! एवमेयं जहाफुडं ।
पडिकम्म को कुणई अरणे मियपक्खिणं ? ।। ७७. एगभूओ अरण्णे वा जहा उ चरई मिगो ।
एवं धम्म चरिस्सामि संजमेण तवेण य ।। ७८. जया मिगस्स आयंको महारणम्मि जायई ।
अच्छंतं रुक्खमूलम्मि को णं ताहे तिगिच्छई ? ।। ७६. को वा से ओसहं देई ? को वा से पुच्छई सुहं ? ।
को से भत्तं च पाणं च आहरित्तु पणामए ?।। ८०. जया य से सुही होइ तया गच्छइ गोयरं ।
भत्तपाणस्स अट्ठाए वल्लराणि सराणि य ।। ८१. खाइत्ता पाणियं पाउं वल्लरेहिं सरेहि वा ।
मिगचारियं चरित्ताणं गच्छई मिगचारियं ।। ८२. एवं समुट्ठिओ भिक्खू एवमेव अणेगओ ।
मिगचारियं चरित्ताणं उड्ढं पक्कमई दिसं ।।
----
--
-
--
-
१. वि (ऋ)। २. पज्जितो (ब)। ३. निच्च (अ, ऋ)। ४. महालया (वृपा)।
५. तत्तो (अ); इत्तो (उ, ऋ)। ६. विगिच्छई (उ); चिगिच्छई (ऋ) 1 ७. वा (ऋ)। ८. अणेगसो (अ, ऋ); अणिएयणे (बृपा) ।
Jain Education International
For Private & Personal Use Only
www.jainelibrary.org
