________________
एगूणविस इमं अज्झयणं (मियापुत्तिज्ज)
१५१ १०. सुयाणि मे पंच महत्रयाणि नरएसु दुक्खं च तिरिक्खजोणिसु ।
__निविणकामो मि' महण्णवाओ अणुनाणह पव्वइस्सामि अम्मो ! ।। ११. अम्मताय ! मए भोगा भत्ता विसफलोवमा ।
पच्छा कडूयविवागा अणबंधदुहावहा ॥ १२. इमं सरीरं अणिच्चं असुइं असुइसंभवं ।
असासयावासमिणं दुक्खकेसाण भायणं ।। १३. असासए' सरीरम्मि रई नोवलभामहं ।
पच्छा पुरा व चइयव्वे' फेणबुब्बुवसन्निभे ॥ १४. माणसत्ते असारम्मि वाहीरोगाण आलए ।
जरामरणधथमि खणं पि न रमामहं ।। १५. जम्मं दुक्खं जरा दुक्खं रोगा य मरणाणि य ।
अहो ! सुक्खो हु संसारो जत्थ कीसंति जंतवों ।। १६. खेत्तं वत्थु हिरण्णं च पुत्तदारं च बंधवा ।
चइत्ताण इमं देहं गंतव्वमवसस्स मे।। १७. जहा किपागफलाणं परिणामो न सुंदरो।
एवं भुत्ताण भोगाणं परिणामो न सुंदरो॥ १८. अद्धाणं जो महंत तु अपाहेओ पवज्जई ।
गच्छंतो सो दुही होइ छुहातण्हाए पीडिओ ॥ १६. एवं धम्म अकाऊणं जो गच्छइ परं भवं ।
गच्छंतो सो दुहो होइ वाहीरोगेहिं पीडिओ। २०. अद्धाण जो महंत तु सपाहेओ पवज्जई ।
गच्छतो सो सुही होइ छुहातहाविवज्जिओ ॥ २१. एवं धम्म पि काऊणं जो गच्छइ परं भवं ।
गच्छंतो सो सुहा होइ अप्पकम्मे अवेयणे ।। २२. जहा गेहे पलित्तम्मि तस्स मेहस्स जो पहू ।
सारभंडाणि नीणेइ असारं अवउज्झइ ।। २३. एवं लोए पलित्तम्मि जराए मरणेण य ।
अप्पाणं तारइस्सामि तुब्भेहिं अणुमनिओ ।। २४. तं बितम्मापियरो सामण्णं पुत! दुच्चरं ।
गुणाणं तु सहस्साई धारेयव्वाइं भिक्खुणो' ।। १. हि (स)।
५. बंधवं (उ)। २. आसासए (अ, उ)।
६. बित+अम्मापियरो-बितम्मापियारो। ३. जहियव्वे (चु)!
७. भिक्खुणा (ब); भिक्खुणो (बूपा) । ४. जन्तुणो (आ, ऋ); पाणिणो (उ, स)।
Jain Education International
For Private & Personal Use Only
www.jainelibrary.org
