________________
सोलसमं अज्झयणं बम्भचेरसमाहिठाणं
१. सुयं मे आउस ! तेणं भगवया एवमक्खायं-इह खलु थेरेहिं भगवंतेहिं दस बंभचेरसमाहिठाणा पण्णता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारी सया अप्पमत्ते विहरेज्जा।
२. कयरे खलु ते थेरेहि भगवंतेहि दस बंभचेरसमाहिठाणा पण्णता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारो सया अप्पमत्ते विहरेज्जा ?
३. इमे खलु ते थेरेहि भगवंतेहिं दस बंभचेरसमाहिठाणा पण्णत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुतिदिए गुत्तबंभयारी सया अप्पमत्ते विहरेज्जा, तं जहा--'विवित्ताई सयणासणाई सेविज्जा', से निग्गंथे । नो इत्थीपसुपंडगसंसत्ताई सयणासणाई सेवित्ता हवइ, से निग्गथे ।
तं कहमिति चे?
आयरियाह-निग्गंथस्स खलु इत्थीपसुपंडगसंसत्ताई सयणासणाई सेवमाणस्स बंभयारिस्स बंभचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायंकं हवेज्जा, केवलिपण्णत्ताओ वा' धम्माओ भंसेज्जा । तम्हा नो इत्थिपसुपंडगसंसत्ताई सयणासणाइं सेवित्ता हवइ, से निग्गंथे।
४. नो इत्थीणं कहं कहित्ता हवइ, से निग्गंथे । तं कहमिति चे?
आयरियाह-निग्गंथस्स खलु इत्थीणं कहं कहेमाणस्स, बंभयारिस्स बंभचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, १. सेविज्जा हवइ (उ)।
एष पाठश्चूणों नास्ति व्यास्यात।। २. 'विवित्ताई सपणासणाई सेविज्जा से निग्गन्थे' ३. x (इ, उ)।
१३८
Jain Education International
For Private & Personal Use Only
www.jainelibrary.org
