________________
नवमं अज्झयणं (नमिपश्वज्जा)
४५. एयमठें निसामित्ता हेऊकारणचोइओ ।
तओ नमि रायरिसि दविदो इणमब्बवी ॥ ४६. हिरण्णं सुवण्ण मणिमुत्त कंस दूसं 'च वाहणं" ।
कोसं वड्ढावइत्ताणं तओ गच्छसि खत्तिया ! ।। ४७. एयमट्ठ निसामित्ता हेऊकारणचोइओ ।
तओ नमो रायरिसी देविद इणमब्बवी ।। ४८. सुवष्णरुप्पस्स' उ' पव्वया भवे सिया हु केलाससमा असंखया ।
नरस्स लुद्धस्स न तहि किंचि इच्छा हु आगाससमा अणंतिया ।। ४६. पुढवी साली जवा चेव हिरण्ण पसुभिस्सह ।
पडिपुण्णं' नालमेगस्स इइ विज्जा तव चरे ।। ५०. एयमठ्ठ निसामित्ता हेऊकारणचोइओ
तओ नमि रायरिसिं देविदो इणमब्बवी ।। ५१. अच्छेरगमभुदए भोए चयसि' पत्थिवा' ! ।
असते कामे पत्थेसि संकप्पेण विहन्नसि ।। ५२. एयमठ्ठ निसामिता हेऊकारणचाइओ ।
तओ नमी रायरिसी देविद इणमब्बवी ।। ५३. सल्लंकामा विसं कामा कामा आसीविसोवमा ।
कामे पत्थेमाणा अकामा जंति दोग्गई ।। ५४. अहे वयइ कोहेणं माणेणं अहमा गई ।
माया गइपडिग्घाओ लोभाओ दुहओ भयं ।। ५५ अवउझिऊण माहणरूवं विउबिऊण इंदत्तं ।
दइ अभित्थुणतो इमाहि महुराहि वगृहि ।। ५६. अहो! ते निज्जिओ कोहो अहो! ते माणो पराजिओ।
अहो! ते निरक्किया माया अहो! ते लोभो वसीकओ॥ ५७. अहो! ते अज्जवं साहु अहो! ते साहु मद्दवं ।
अहो! ते उत्तमा खंती अहो! 'ते मुत्ति उत्तमा । ५८. इहं सि उत्तमो भंते! पेच्चा होहिसि उत्तमो ।
लोगुत्तमुत्तमं ठाणं सिद्धि गच्छसि नीरओ ।। ५६. एवं अभित्थुणंतो रायरिसिं उतमाए सद्धाए ।
पया हिणं करेंतो पुणो पुणो वंदई सक्को ।। १. सवाहणं (बृपा, चू)।
५. जहासि (बृ); चर्यास (अपा)। २. य (अ)।
६. खत्तिया (बृपा) । ३. तेण (बृपा)।
७. लोगुत्तममुत्तमं (बृपा)। ४. सव्वंतं (बपा)।
८. पायाहिणं (बु) ।
Jain Education International
For Private & Personal Use Only
www.jainelibrary.org
