________________
१०५
उत्तरज्झयणाणि
८. इहमेगे उ मन्नति अप्पच्चक्खाय पावगं । ___ आयरियं' विदित्ताणं सव्वदुक्खा विमुच्चई ॥ ६. भणंता अकरेंता य बंधमोक्खपइण्णिणो ।
वायाविरियमेत्तेण समासासेंति अप्पयं ॥ १०. न चित्ता तायए भासा कओ विज्जाणसासणं ?
विसन्ना पावकम्मेहि बाला पंडियमाणिणो ॥ ११. जे केइ सरीरे सत्ता वण्णे रूवे य सव्वसो ।
मणसा कायवक्केणं सव्वे ते दुक्खसंभवा ॥ १२. आवन्ना दीहमद्धाणं संसारंमि अणंतए ।
तम्हा सव्वदिसं पस्स अप्पमत्तो परिव्वए॥ १३. बहिया उड्ढमादाय नावखे कयाइ वि ।
पुत्वकम्मखयट्ठाए इमं देहं समुद्धरे ।। १४. विविच्च' कम्मुणो हेउं कालकखी परिव्वए ।
मायं पिंडस्स पाणस्स कडं लक्ष्ण भक्खए । १५. सन्निहिं च न कुव्वेज्जा लेवमायाए संजए ।
पक्खी पत्तं समादाय निरवेक्खो परिव्वए । १६. एसणासमिओ लज्जू गामे अणियओ चरे ।
अप्पमत्तो पमतेहि पिंडवायं गवेसए । १७. 'एवं से उदाहु, अणुत्तरनाणी अणुत्तरदंसी अणुत्तरनाणदसणधरे । अरहा नायपुत्ते भगवं वेसालिए वियाहिए।
-त्ति बेमि ।
१. आयारियं (वृ); आयरियं (पा)। २. पावकिच्चेहि (बृपा) । ३. वयसा चेव (ब, चू); कायवक्केणं (बपा)। ४. विगिंच (अ, आ, इ, उ, बृपा)।
५. निरवेक्खी (चू)। ६. एवं से उदाहु अरहा पासे पुरिसादाणीए । भगवते वेसालिए बुद्धे परिनिव्वुडे ।
(बपा, चूपा)
Jain Education International
For Private & Personal Use Only
www.jainelibrary.org
