________________
७३६
पढमं अज्झयणं पायत्तिएहि" अण्णमण्णेहि सद्धि संपलग्गा यावि होत्था ।।
१३६. तए णं ते दोण्हवि राईणं' अणीया' नियगसामीसासणाणुरत्ता महया जणक्खयं जणवहं जणप्पमई जणसंवट्टकप्प' नच्चंतकबंधकरभीम रुहिरकद्दमं करेमाणा अण्णमण्णेणं सद्धि जुज्झंति ।। कालकुमारस्स मरण-पदं
१४०. तए णं से काले कुमारे तिहि दंतिसहस्सेहिं जाव' तिहिं मणस्स कोडीहिं गरुलव्हेणं एक्कारसमेणं खंधेणं कणिएणं रण्णा सद्धि रहमुसलं संगाम संगामेमाणे हयमहियपवरवीरघाइय-निवडियचिधज्झयपडागे "निरालोयाओ दिसाओ करेमाणे चेडगस्स रण्णो सपक्खं सपडिदिसि रहेण पडिरहं हव्वमागए । तए णं से चेडए राया कालं कुमारं एज्जमाणं पासइ, पासित्ता आसुरुत्ते रुठे कुविए चंडिक्किए मिसिमिसेमागे तिवलियं भिउडि निलाडे साहट्ट धणुं परामुसइ, परामुसित्ता उसु परामुसइ, परामुसित्ता वइसाहं ठाणं ठाइ, ठिच्चा आययकण्णाययं उसु करेइ, करेत्ता कालं कुमारं एगाहच्चं कूडाहच्च जीवियाओ ववरोवेइ । तं एयं खलू गोयमा ! काले कुमारे एरिसएहिं आरंभेहि •एरिसएहिं आरंभसमारंभेहि एरिसएहिं भोगेहिं एरिसएहिं भोग-संभोगेहिं एरिसएणं असुभकडकम्मपब्भारेणं कालमासे काल किच्चा चउत्थीए पंकप्पभाए पुढवीए हेमाभे नरए दससागरोवमट्टिइएसु नेरइएसुनेर इयत्ताए उववण्णे ॥
१४१. काले णं भंते ! कुमारे च उत्थीओ पुढवीओ अणंतरं उन्वट्टित्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे जाइं कुलाइं भवंति अड्डाइं जहा दढपइण्णो जाव" सिज्झिहिइ बुज्झिहिइ 'मुच्चिहिइ परिणिवाहिइ सव्वदुक्खाण मंतं काहिइ॥ निक्खेव-पदं
१४२. तं एवं खलु जंबू ! समणेणं भगवया महावीरेणं जाव संपत्तेणं निरयावलियाणं पढमस्स अज्झयणस्स अयमठे पण्णते
-त्ति बेमि ॥
१. पयाइय पयाइहिएहि (क) । २. रायीणं (क)। ३. अणिया (क,ख)। ४. संघटकप्पं (क)। ५. कारभीभं (क,ग)! ६. उ० १३१४ । ७. सं० पाo--जहा भगवया कालीए देवीए
परिकहियं जाव जीवियाओ ववरोविए। ८. सं० पा० आरंभेहिं जाव एरिसएणं । ६. सं० पा० . . नरए जाव नेरइयत्ताए। १०. ओ० सू० १४१-१५४ । ११. सं० पा०.-बुझिहिइ जाव अंतं । १२. ना० १२७ ।
Jain Education International
For Private & Personal Use Only
www.jainelibrary.org
