Page Text
________________
पढमं अज्झयणं
७३७ रहसहस्सेहि तेत्तीसाए मार सकोडीहि सद्धि संपरिवडे सविड्डीए जाव' दुंदुहि-णिग्घोसणाइयरवेणं सुहेहि वसही-पायरासेहि नाइविगिठेहि अंतरावासेहि वसमाणे-बसमाणे अंगाजणवयस्स मज्झमज्झेणं जेणेव विदेहे जणवए जेणेव वेसाली नयरी तेणेव पहारेत्थ गमणाए। चेडगस्स जुद्धसज्जा -पदं
१२७. तए णं से चेडए राया इमीसे कहाए लद्धठे समाणे नवमल्लई नव लेच्छई' कासीकोसलगा अट्ठारसवि गणरायाणो सद्दावेइ, सद्दावेत्ता एवं वयासी - एवं खल देवाणप्पिया ! वेहल्ले कुमारे कूणियस्स रण्णो असंविदिए णं सेयणगं गंधहत्थि अट्ठारसवंकं च हारं गहाय इहं हब्ब मागए । तए णं कूणिएणं सेयणगस्स गंधहत्थिस्स अट्ठारसवंकस्स य हारस्स अट्ठाए तओ या पेसिया । ते य मए इमेणं कारणेणं पडिसेहिया। तए णं से कुणिए ममं एयमठें अपडिसुणमाणे चाउरंगिणीए सेणाए सद्धि संपरिवुडे जुज्झसज्जे इहं हव्वमागच्छइ, तं किं णं देवाणुप्पिया ! सेयणगं गंधहत्थि अट्ठारसवंकं च हारं कूणियस्स रणो पच्चप्पिणामो? वेहल्लं कुमार पेसेमो? उदाहु जुज्झित्था ?
१२८. तए णं नव गल्लई नव लेच्छई कासीकोसलगा अट्ठारसवि गणरायाणो चेडगं रायं एवं वयासी नो एयं सामी ! जुत्तं वा पत्तं वा रायसरिसं वा, जंण सेयणगं गंधहत्थि अट्ठारसवंकं च हारं कुणियरस रण्णो पच्चप्पिणिज्ज इ, वेहल्ले य कुमारे सरणागए पेसिज्जइ । तं जइ णं कूणिए राया चाउरंगिणीए सेणाए सद्धिं संपरिवूडे जुज्झसज्जे इह हब्वमागच्छइ तए णं अम्हे कूणिएणं रण्णा सद्धि जुज्झामो॥
१२६. तए णं से चेडए राया ते नव मल्लई नव लेच्छई कासीकोसलगा अट्ठारसवि गणरायाणो एवं वयासी - जइ णं देवाणुप्पिया ! तुब्भे कुणिएणं रण्णा सद्धि जुज्झह, तं गच्छह णं देवाणुप्पिया ! सएसु-सएसु रज्जेसु, पत्तेयं-पत्तेयं व्हाया" 'जाव" मम अंतियं पाउब्भवह ॥
१३०. तए णं ते नव मल्लई नव लेच्छई कासीकोसलगा अट्ठारसवि गणरायाणो जाव जेणेव वेसाली नयरी जेणेव चेडए राया तेणेव उवागया जाव०० जएणं विजएणं वद्धाति ।।
१३१. तए णं से चेडए राया कोडुवियपुरिसे सद्दावेइ, सद्दावेत्ता एवं वयासी- खिप्पामेव भो देवाणुप्पिया! अभिसेक्कं हत्थि रयणं पडिकप्पेह जहा कूणिए जाव" गयवई नरवई दुरूढे ।।
१३२. तए णं से चेडए राया तिहिं दंतिसहस्सेहि जहा कूणिए जाव" वेसालि नरि १. ओ० सू० ६७ ।
७. सं०पा०- हाया जहा कालादीया जाव जएणं । २. सुभेहिं (क,ख,ग) ।
८. उ० १११२१। ३. लेच्छती (क)।
९. उ० १११२२। ४. हुभित्था (क)।
१०. उ० १११२२ । ५. लेच्छी (क); लच्छई (ग)।
११. उ० १११२३,१२४ । ६. °सिरीसं (क,ग)।
१२. उ०१।१२५ ।
Jain Education International
For Private & Personal Use Only
www.jainelibrary.org
| SR No. | 003575 |
| Book Title | Agam 19 Upang 08 Niryavalika Sutra Nirayavaliao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 415 |
| Language | Prakrit |
| Classification | Book_Devnagari, Agam, Canon, & agam_nirayavalika |
| File Size | 8 MB |