Page Text
________________
तइओ वग्गो — श्रट्टमं अज्झयणं ( गए )
५६१
वयासी - एस गं जाया ! निग्गंथे पावयणे सच्चे प्रणुत्तरे केवलिए पडिपुणे नेयाउए संसुद्धे सल्लगत्तणे सिद्धिमग्गे मुत्तिमग्गे निज्जाणमग्गे निव्वाणमगे सव्वदुक्खप्पहीणमगे, ग्रहीव एतदिट्टिए, खुरो इव एगंतधाराए, लोहमया इव जवा चावेयव्वा, वालुयाकवले इव निरस्साए, गंगा इव महानई पडिसोयगमणाए, महासमुद्दो इव भुयाहिं दुत्तरे, तिक्खं कमियव्वं, गरुणं लंबेयव्वं, असिधाव्वयं चरियव्वं । नो खलु कप्पइ जाया ! समणाणं निग्गंथाणं आहाकम्मिए वा उद्देसिए वा कीयगडे वा ठविए वा रइए वा दुब्भिक्खभत्ते वा कंतारभत्ते वा बलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा । तुमं च गं जाया ! सुहसमुचिए नो चेव णं दुहसमुचिए, नालं सीयं नालं उन्ह नाल खुहं नालं पिवासं नालं वाइय-पित्तिय-सिभिय-सन्निवाइए विविहे रोगायंके, उच्चावए गामकंटए, बावीसं परीसहोवसग्गे उदिष्णे सम्मं ग्रहियासित्तए । भुजाहि ताव जाया ! माणुस्सए कामभोगे । तम्रो पच्छा भुक्तभोगी अरहस्रो रिमिस्स अंतिए मुंडे भवित्ता अंगाराम्रो प्रणगारियं पव्वइस्ससि || ७३. तणं से गयसुकुमाले कुमारे सम्मापिऊहिं एवं वृत्ते समाणे अम्मापियरं एवं वयासी—तहेव णं तं अम्मयाश्रो ! जं णं तुब्भे मम एवं वयह- "एस णं जाया ! निग्गंथे पावयणे सच्चे प्रणुत्तरे केवलिए पडिपुण्णे नेयाउए संसुद्धे सल्लगत्तणे सिद्धिमग्गे मुत्तिमगे निज्जाणमग्गे निव्वाणमग्गे सव्वदुक्खप्पहीणमग्गे अहीव एतदिट्टिए, खुरो इव एगंतधाराए, लोहमया इव जवा चावेयव्वा, वालुयाकवले इव निरस्साए, गंगा इव महानई पडिसोयगमणाए, महासमुद्दा इव भुयाहि दुत्तरे, तिक्खं कमियव्वं, गरुग्रं लंबेयव्वं, प्रसिधारव्वयं चरियव्वं । नो खलु कप्पइ जाया ! समणाणं निग्गंथाणं ग्राहाकम्मिए वा उद्देसिए वा की यगडे वा ठविए वा रइए वा दुब्भिक्खभत्ते वा कंतारभत्ते वा वलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरिय भोयणे वा भोत्तए वा पायए वा ।
Jain Education International
तुमं च णं जाया ! सुहसमुचिए नो चेव णं दुहसमुचिए, नालं सीयं नालं उन्ह नालं खुहं नालं पिवास नालं वाइय-पित्तिय- सिभिय- सन्निवाइए विविहे रोगायंके, उच्चावए गामकंटए बावीसं परीसहोवसग्गे उदिष्णे सम्मं श्रहियासित्तए । भुंजाहि ताव जाया ! माणुस्सए कामभोगे । तम्रो पच्छा भुक्तभोगी अरहस्रो मिस्स तिए मुंडे भवित्ता अगाराओ अणगारियं पव्वइस्ससि ।" एवं खलु अम्मयाओ ! निग्गंथे पावयणे कीवाणं कायराणं कापुरिसाणं इहलोगपबिद्वाणं परलोगनिष्पिवासाणं दुरणुचरे पाययजणस्स, नो चेव णं धीरस्स । निच्छियववसियस्स एत्थ किं दुक्करं करणयाए ? तं इच्छामि णं अम्मयाओ !
For Private & Personal Use Only
www.jainelibrary.org
| SR No. | 003564 |
| Book Title | Agam 08 Ang 08 Antkrutdashang Sutra Antgaddasao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 168 |
| Language | Prakrit |
| Classification | Book_Devnagari, Agam, Canon, & agam_antkrutdasha |
| File Size | 3 MB |